کراچی (جیوڈیسک) کراچی میں پولیس اور رینجرز کے مشترکہ آپریشن کے باوجود مسلسل ٹارگٹ کلنگ جاری ہے، آج بھی سابق پولیس اہلکار اور مذہبی تنظیم کے کارکن سمیت 6 افراد کو موت کی نیند سلا دیا گیا ہے۔
سابقہ پولیس اہلکار محمد لیاقت اورنگی ٹائون سیکٹر 11 میں ٹارگٹ کلنگ کا نشانہ بنایا گیا جبکہ کراچی میڈیکل اینڈ ڈینٹل کالج کے قریب موٹرسائیکل سوار ملزمان نے گاڑی پر فائرنگ کر کے ضیا محسود نامی شخص کوموت کے گھاٹ اتار دیا۔
پی آئی بی کالونی میں لیتھ مشین کی دکان پر فائرنگ کی گئی جس سے مجلس وحدت المسلمین کا کارکن حیدر عباس رضوی جاں بحق ہوا جبکہ لانڈھی میں لیبر اسکوائر کے قریب فائرنگ سے ہاشم نامی شخص کی جان لی گئی۔
جوہر موڑ کے قریب جلوس جنازہ گزرنے کے دوران نامعلوم افراد نے فائرنگ کی جس کی زدمیں آکر سادی خان ہلاک ہو گیا۔ بلدیہ ٹائون سے ایک شخص کی کئی روز پرانی لاش ملی۔ مقتول کی شناخت قاری شاہ محمد کے نام سے ہوئی ہے۔
پشاور: تین پولیس اہلکاروں کی نمازجنازہ ادا کردی گئی
70 ہزار آئی ڈی پیز کراچی، اسلام آباد اور دیگر شہر منتقل
