کراچی (جیوڈیسک) کراچی میں بوری بند لاشیں ملنے اور فائرنگ کا سلسلہ دوبارہ شروع ہو گیا۔ گلستان جوہر میں گاڑی سے 3 افراد کی لاشیں ملیں ،، اورنگی ٹان 4 نمبر میں فائرنگ کر کے ایک شخص کو قتل کردیا گیا۔ شارع فیصل پولیس کے مطابق گلستان جوہر بلاک 17 میں لوگوں نے ٹیلیفون ایکس چینج کے قریب کھڑی ایک مشکوک کار کی اطلاع دی۔
تلاشی پر کار سے 3 افراد کی بوری بند لاشیں ملیں جنہیں شدید تشدد کے بعد گولیاں مار کر قتل کیا گیا، مقتولین کے جسموں پر سگریٹ سے جلائے جانے اور گلے پر پھندے کے نشانات بھی ہیں، تینوں لاشیں جناح اسپتال منتقل کردی گئیں جن کی شناخت نہیں ہو سکی۔ ادھر اورنگی ٹاون نمبر 4 میں نامعلوم افراد نے فائرنگ کرکے ایک شخص کو قتل کر دیا، پولیس کے مطابق مقتول کی شناخت کے لئے کوشش کی جارہی ہے۔
خیبر پختونخوا حکومت کا دہشت گردوں کیخلاف ٹارگٹڈ آپریشن کا فیصلہ
سابق صدر مشرف نے کتاب لکھنا شروع کر دی
