کراچی (جیوڈیسک) کراچی میں فشریز میں کھڑی دس کروڑ مالیت کی لانچ میں اچانک آگ لگ گئی جس نے دیکھتے ہی دیکھتے لانچ کو اپنی لپیٹ میں لیکر تباہ کر دیا۔
کراچی میں فشریز میں کھڑی ایک لانچ میں اچانک آگ بھڑک اٹھی اور دیکھتے ہی دیکھتے اس نے پوری لانچ کو اپنی لپیٹ میں لے لیا۔ مقامی کاریگروں اور فش ہاربر اتھارٹی کے مطابق جہاز کی تیاری گزشتہ رات ہی مکمل ہوئی تھی۔
اتھارٹی کے مطابق فیشنگ کے کام میں استمعال ہونے والے کیمیل کی موجودگی کے دوران کسی انسانی غلطی کی وجہ سے آگ بھڑکنے کے امکانات موجود ہیں۔
تیزی سے آگ پکڑنے والے کیمیکل کے باعث آگ بہت زیادہ بھڑک گئی جس کی وجہ سے ایک جہاز مکمل طور پر جل کر زمین بوس ہو گیا جبکہ آگ کی شدت کے باعث اسکے ساتھ ہی موجود دوسرے جہاز کو بھی آگ نے اپنی لپیٹ میں لے لیا ہے۔
ڈھائی گھنٹے سے زائد گزر جانے کے باوجود اب تک آگ پر قابو نہیں پایا جا سکا ہے۔آگ بھجانے کے عمل میں فائر بریگیڈ کی دس سے زائد گاڑیاں حصہ لے رہی ہیں۔
کراچی: بم دھماکے سے متاثر ریلوے ٹریک بحال، نائٹ کوچ 14گھنٹے تاخیر سے لاہور پہنچ گئی
من موہن سنگھ جس کے سہارے ناچتے تھے انہیں شکست ہو چکی ہے: حافظ سعید
