کراچی (جیوڈیسک) کراچی کے علاقے گرومندر میں ایدھی سنٹر کے باہر پولیس مقابلے کے دوران ایمبولینسز بھی گولیوں کی زد میں آگئیں، فائرنگ سے 3 ایمبولنسز کو نقصان پہنچا، تاہم کوئی جانی نقصان نہیں ہوا۔
پولیس کے مطابق گرومندر کے علاقے میں قائم ایدھی سینٹر کے باہر پولیس اور ملزمان کے درمیان فائرنگ کا تبادلہ ہوا، جس کے بعد 2 ملزمان کو گرفتار کر لیا گیا جبکہ تین فرار ہونے ہوگئے، اس دوران فائرنگ کے تبادلے میں 3 ایمبولنسز بھی زد میں آگئیں۔
