کراچی (جیوڈیسک) کراچی میں گلستان جوہر تھانے کے قریب رینجرز اہلکاروں نے ٹیکسی کو رکنے کا اشارہ کیا نہ رکنے پر فائرنگ کردی جس سے ٹیکسی ڈرائیور ہلاک ہو گیا، پولیس کے مطابق رینجرز کی ایک عارضی پکٹ نے ٹیکسی کو رکنے کا اشارہ دیا، نہ رکنے پر رینجرز اہلکار نے فائرنگ کردی جس کے باعث ٹیکسی ڈائیور مراد موقع پر ہلاک ہوگیا جبکہ کے اس کا چار سالہ بچہ خوش قسمتی سے بچ گیا، واقعے کے بعد علاقہ مکینوں نے تھانے کے باہر احتجاج کیا اور رینجرز اہلکار کی گرفتاری کا مطالبہ کیا۔
دوسری جانب ڈی آئی جی ایسٹ طاہر نوید نے کہا کہ ابتدائی معلومات کے مطابق فائرنگ رینجرز اہلکاروں نے گاڑی نہ روکے جانے پر فائرنگ کی ہے، واقعے کی اطلاع ملی ہے اور اس کی تحقیقات کی جارہی ہے، ڈی آئی جی ایسٹ طاہر نوید نے کہا کہ فائرنگ سے ہلاک ہونے والے شخص کے ساتھ گاڑی میں 4 سالہ بچہ بھی تھا، ترجمان رینجرز نے واقعے پر تبصرہ کرنے سے گریز کیا۔
پنجاب اور خیبرپختونخوا میں وقفے وقفے سے بارش کا سلسلہ جاری
برطانوی وزیر خارجہ ولیم ہیگ آج اسلام آباد پہنچیں گے
