کراچی (جیوڈیسک) کراچی کے علاقے نارتھ ناظم آباد میں کٹی پہاڑی کے قریب قائم رینجرز کی چوکی پر دستی بم سے حملہ کیا گیا ہے جس کے نتیجہ میں 8 افراد زخمی ہو گئے۔ پولیس کے مطابق واقعے کے زخمیوں میں 2 رینجرز اہلکار، 2 پولیس اہلکار اور امدادی کارکن بھی شامل ہے۔
پہلا دھماکا دستی بم کا تھاجو رینجرز چوکی پر پھینکا گیا تاہم تھوڑی ہی دیر بعد دوسرا دھماکا ہوا جو نسبتا زیادہ شدت کا تھا۔ ابتدائی تحقیقات کے مطابق دوسرا دھماکا چوکی کے قریب نصب دھماکا خیز مواد پھٹنے سے ہوا۔
دونوں دھماکوں کی آواز دور تک سنی گئی۔ واقعے کے بعد پولیس اور رینجر ز اہلکاروں کی بڑی تعداد وقوع پر پہنچ گئی ہے۔ امدادی کارکنان واقعے کے زخمیوں کو قریب واقع طبی مرکز منتقل کرہے ہیں۔
ملک میں غیر ملکی سرمایہ کاری دگنا ہو گئی : اسٹیٹ بینک
بجٹ تجاویز کی منظوری کیلئے خیبر پختون خوا کابینہ کا اجلاس طلب
