آئی ایم ایف کا وفد اسٹیٹ بینک کی مانیٹرنگ پالیسی کا جائزہ لینے آج کراچی پہنچ رہا ہے۔ ذرائع کے مطابق آئی ایم کا وفد جیفری فرینک کی سربراہی میں آج کراچی پہنچے گا اور اسٹیٹ بینک آف پاکستان کا دورہ کریگا جہاں آئی ایم ایف کے وفد کو اسٹیٹ بینک کی مانیٹرنگ پالیسی کے حوالے سے بریفنگ دی جائے گی ۔
وزارت خزانہ کی ذرائع کے مطابق آئی ایم ایف کے وفد نے وفاقی ترقیاتی بجٹ 14- 2013 میں اضافے پر اطمینان کا اظہار کیا ہے جبکہ ٹیکس کے بارے میں کئے گئے نئے اقدامات کے متعلق طویل بات چیت 22 جون کو کی جانے کی توقع ہے۔
یاد رہے کہ عالمی مالیاتی فنڈ کا وفد دس روزہ دورے پر پاکستان آیا ہوا ہے۔ ماہرین کے نزدیک انتہائی کڑی شرائط پر آئی ایم ایف پاکستان کو قرضہ فراہم کریگا. اگر پاکستان آئی ایم ایف سے نیا قرض لینے میں ناکام ہوتا ہے تو لیٹر آف کمفرٹ حاصل کرنے کی کوشش کریگا تاکہ عالمی بینک اور ایشیائی ترقیاتی بینک سے قرض حاصل کرنے میں آسانی ہو۔
سٹیٹ بینک رواں سال کی آخری مانیٹری پالیسی کا اعلان آج کرے گا
2010 میں افغان ٹرانزٹ ٹریڈ کے 3 ہزار ٹرک کراچی سے باہر ہی نہیں گئے
