کراچی (جیوڈیسک) کراچی کے انڈسٹریل ایریا میں لگنے والی آگ پر 5 گھنٹے بعد قابو پا لیا گیا، واقعے میں کوئی جانی نقصان نہیں ہوا۔ نیو کراچی کے علاقے صبا سینما کے قریب انڈسٹریل ایریا میں واقع تو لیا بنانے والی فیکٹری میں لگنے والی آگ پر 5گھنٹے بعد قابو پا لیا گیا۔ چیف فائر آفیسر احتشام الدین کے مطابق آگ بجھانے میں فائر بریگیڈ کی 22 سے زائد گاڑیاں اسنارکل استعمال ہوئیں۔
احتشام الدین کے مطابق آگ لگنے کی وجہ شارٹ سرکٹ یا کوئی غفلت ہوسکتی ہے،اصل وجوہات تحقیقات کے بعد سامنے آئیں گی تاہم فیکٹری میں آگ بجھانے کا سامان موجود نہیں تھا۔ سینئر ڈائریکٹر میونسپل سروسز مسعود عالم کے مطابق 2 منزلہ فیکٹری کی دوسرے فلور پر آگ لگی تھی جس پر فوری طور پر کارروائی کی گئی۔
سکھر : تجاوزات کیخلاف انتظامیہ کا آپریشن جاری، شہریوں کا اظہار اطمینان
لاہور : ائر پورٹ سیکیورٹی فورس اور پولیس کے درمیان جھگڑا
