کراچی (جیوڈیسک) کراچی کے مختلف علاقوں میں فائرنگ کے واقعات میں اے ایس آئی سمیت تین افراد جاں بحق ہوگئے اور دو زخمی ہوگئے۔ پولیس کے مطابق بلدیہ ٹاون کے علاقے مواچھ گوٹھ میں نامعلوم افراد کی فائرنگ سے ایک شخص جاں بحق ہوگیا ہے۔ مقتول کی شناخت اے ایس آئی خورشید کے نام سے ہوئی ہے۔ مقتول موچکو تھانے میں تعینات تھا۔ کورنگی انڈسٹریل ایریا کے علاقے ویٹا چورنگی کے قریب نامعلوم افراد کی فائرنگ سے ایک شخص جاں بحق ہو گیا۔
مقتول کی شناخت نہیں ہو سکی ہے۔ لیاری کے علاقے کھجور مارکیٹ کے قریب سے ایک شخص کی لاش ملی ہے۔ مقتول کو اغوا کرکے تشدد کا نشانہ بنانے کے بعد قتل کیا گیا ہے۔ مقتول کی تاحال شناخت نہیں ہوسکی ہے۔ میٹروول سائٹ اور لیاری میں فائرنگ سے 2 افراد زخمی ہوئے ہیں۔ دوسری جانب لیاری کے علاقے نوالین میں پولیس اور رینجرز نے مشترکہ کارروائی کے دوران فائرنگ سے گینگ وار کا ایک ملزم ہلاک ہو گیا۔ ہلاک ہونے والے ملزم کی شناخت یوسف کے نام سے ہوئی ہے۔
کراچی میں عبداللہ شاہ غازی کے عرس کا آغاز آج سے ہوگا
وزیراعلیٰ پنجاب نے گارمنٹس سٹی کے قیام کی منظوری دیدی
