لاہور (جیوڈیسک) راولپنڈی کے مریڑ چوک میں گرڈ سٹیشن میں آگ لگ گئی جس کے باعث متعدد ٹرانسفارمر جل گئے۔ آگ کے باعث 23 فیڈر بند ہونے سے متعدد علاقوں میں بجلی کئی گھنٹے معطل رہی۔
واپڈا حکام کے مطابق گرڈ سٹیشن کی مرمت میں کئی دن لگیں گے کراچی کے علاقے گلشن اقبال میں مسکن چورنگی میں ایک خالی پلاٹ پر قائم جھگیوں میں آگ لگ گئی جس سے دس جھگیاں جل گئیں، سامان خاکستر ہو گیا، کوئی جانی نقصان نہیں ہوا۔
کراچی میں ہی سخی حسن کے قریب موبائل مارکیٹ میں آگ لگ گئی جس سے کئی دکانوں کو نقصان پہنچا تاہم کوئی شخص زخمی نہیں ہوا۔ لاہور کے علاقے ہال روڈ پر مدینہ پلازہ میں آگ لگ گئی، فائر بریگیڈ اور ریسکیو کی گاڑیاں موقع پر پہنچ گئیں اور پلازہ سے تمام لوگوں کو باہر نکال لیا گیا کچھ دیر جدوجہد کے بعد آگ پر قابو پا لیا گیا۔
جماعت اسلامی کل کراچی، 9 دسمبر کو لاہور میں احتجاج کرے گی
لندن: تحریک انصاف کے کارکنوں کا مظاہرہ اور دھرنا
