کراچی (جیوڈیسک) کراچی میں فائرنگ سے ایک شخص جاں بحق ہو گیا، رینجرز کے ساتھ فائرنگ کے تبادلے میں گینگ وار کے 2 کارندے ہلاک ہو گئے۔ رینجرز اور پولیس نے مختلف علاقوں میں سرچ آپریشن کے دوران 44 مشتبہ افراد کو حراست میں لے لیا۔
لیاری میں رینجرز اور گینگ وار ملزمان کے درمیان فائرنگ کے تبادلے میں گینگ وار کے 2 کارندے ہلاک ہوگئے۔
ملزموں کی شناخت اعجاز اور دلشاد کے نام سے کر لی گئی۔ ملزموں کے قبضے سے ایس ایم جی رائفل اور پستول برآمد کر لیا گیا۔ ملزم اعجاز 90 سے زائد قتل کی ورداتوں میں ملوث ہے۔ لیاقت آباد میں فائرنگ سے ایک شخص جاں بحق ہو گیا۔
پیرآباد فرنٹئیر کالونی میں رینجرز اور پولیس نے مشترکہ سرچ آپریشن کے دوران 44 مشتبہ افراد کو حراست میں لے لیا۔ صدر کے علاقے میں پولیس مقابلہ کے دوران ایک ڈاکو ہلاک ہو گیا۔ ایس ایس پی ساؤتھ ناصر آفتاب کے مطابق ملزم کے قبضے سے موبائل فونز اور مسروقہ سامان برآمد کر لیا گیا۔
عوامی کالونی میں پولیس نے چھاپہ مار کر 2 ملزموں کو گرفتار کر لیا۔ ایس پی لانڈھی فیصل نور کا کہنا ہے کہ ملزموں کے قبضے سے رائفل، رپیڑ اور پستول برآمد کر لیا گیا۔
تحریک انصاف کا نیٹو سپلائی کیخلاف آج پھر دھرنا، ڈرائیور پر تشدد کی ایف آئی آر درج
منظور وسان کی مشرف کو خیر پور جیل آنے کی دعوت
