کراچی (جیوڈیسک) کراچی کے علاقے لیاری میں گینگ وار کے دو گروپوں میں شدید فائرنگ سے علاقہ میدان جنگ بن گیا، گولیاں لگنے سے دوافراد زخمی ہوگئے جبکہ پولیس نے لیاری سے پانچ مبینہ ٹارگٹ کلرز کو گرفتار کر لیا ہے۔ دوسری طرف ناگن چورنگی میں رینجرز آپریشن کے دوران چھ افراد کو حراست میں لے لیا گیا۔
لیاری کے علاقے گلاب شاہ لین، جمن شاہ پلاٹ اور کلاکوٹ میں گینگ وار ملزموں نے مخالف گروپ کے علاقے پر حملہ کیا جس کے بعد علاقہ فائرنگ کی آوازوں سے گونج اٹھا۔ لیاری کے ان علاقوں میں پچاس سے زائد موٹر سائیکل سواروں اور مورچہ بند ملزموں میں دوطرفہ فائرنگ سے لوگ گھروں میں محصور ہو گئے ہی۔
اس سے پہلے لیاری میں پولیس نے لیاری گینگ وار سے تعلق رکھنے والے وصی اللہ لاکھو گروپ کے پانچ ٹارگٹ کلرز کو گرفتار کر لیا جبکہ چنیسر گوٹھ میں رینجرز نے ٹارگٹڈ آپریشن کیا اور چھ افراد کو حراست میں لے لیا۔
لاہور: وزیراعظم نوازشریف نے اعلیٰ سطح کا اجلاس طلب کر لیا
حکیم اللہ محسود کا قتل امن کی کوششوں کا قتل ہے: نثار
