کراچی (جیوڈیسک) نیو سبزی منڈی کے قریب پولیس نے دہشتگردوں کی موجودگی کی اطلاع پر چھاپہ مارا۔ چھاپے کے دوران دہشتگردوں نے پولیس پر فائرنگ کر دی۔
ایس ایس پی ملیر رائو انوار کے مطابق مقابلے کے دوران کالعدم تحریک طالبان پاکستان کا اہم دہشتگرد شہزاد علی اپنے ساتھی کے ہمراہ مارا گیا۔ ہلاک دہشتگردوں کے قبضے سے اسلحہ بھی برآمد ہوا ہے۔
ایس ایس پی ملیر کا کہنا ہے کہ ہلاک دہشتگرد شہزاد علی ڈی آئی خان میں جیل توڑنے میں ملوث تھا۔ ہلاک دہشتگرد شہزاد علی نیو سبزی منڈی اور اطراف میں کالعدم تحریک طالبان پاکستان کا نیٹ ورک منظم کر رہا تھا جبکہ ہلاک دوسرے دہشتگرد کی شناخت تاحال نہیں ہو سکی ہے۔
پاکستان کی جیت پر ملک بھر میں جشن کا سماں
لاہور: ٹرک نے موٹر سائیکل کو کچل دیا، ماں سمیت تین بچے جاں بحق
