کراچی (جیوڈیسک) کراچی کے مختلف علاقوں میں سال نو کی آمد کی خوشی میں کی جانے والی ہوائی فائرنگ کے نتیجے میں خاتون سمیت 10 افراد زخمی ہو گئے۔
فائرنگ کے الزام میں 8 افراد کو گرفتار کر لیا گیا۔ سال 2014 کا آغاز ہو تے ہی کراچی ہوائی فائرنگ سے گونج اٹھا، شہر کے بیشتر علاقوں میں چھوٹے بڑے ہتھیاروں سے نئے سال کا جشن منانے کے لئے ہوائی فائرنگ کی گئی۔
گولیاں لگنے سے زخمی ہونے کے واقعات کھارادر ،میٹھادر، اختر کالونی، پاپوش نگر، گل بہار، قیوم آباد، نیٹی جیٹی پل، مچھر کالونی پر پیش آئے۔ ریسکو ذرائع کا کہنا ہے کہ ان علاقوں میں ہوائی فائرنگ کی زد میں آکر 10 افراد زخمی ہوئے۔
دوسری جانب ہوائی فائرنگ کرنے والے افراد کے خلاف پولیس بھی ایکشن میں نظر آئی، پولیس کے مطابق محمود آباد اور کلفٹن میں ہوائی فائرنگ کرنے والے 4 افراد جبکہ نارتھ ناظم آباد میں بھی 4 افراد کو گرفتار کر لیا گیا۔
شیخو پورہ: مبینہ پولیس مقابلہ، 1 ڈاکو ہلاک، 3 فرار
ملک بھر میں نئے سال کا جشن شروع ہو گیا
