کراچی (جیوڈیسک) کراچی سبزی منڈی میں پیاز 10 روپے کلو ہونے سے کاشتکاروں کے بھی آنسو نکل آئے۔ اندرون سندھ اور بلوچستان سے پیاز کی بہتر فصل کے باعث اس کی قیمتوں میں کمی دیکھی جارہی ہے۔ کراچی سبزی منڈی کے صدر حاجی شاہ جہاں نے بتایا کہ ہول سیل سطح پر پیاز رواں ہفتے 25 سے کم ہوکر 10 روپے کلو ہوگئی۔
سندھ آباد گار بورڈ کے نائب صدر محمود نواز شاہ نے جیوز نیو زکو بتایا کہ آڑھتی کاشت کار سے 2 روپے کلو کے حساب سے پیاز اٹھا رہے ہیں۔ 350 من پیاز کا جو ٹرک پہلے 5 لاکھ روپے کا تھا کہ اب اس کے مول 40 ہزار روپے ہوجانے سے پیاز کے کاشت کار کا دیوالیہ نکل گیا ہے۔ ان کا کہنا تھا کہ حکومت گندم کی طرح پیاز ٹماٹر اور آلو کی بھی امدادی قیمتوں کا اعلان کرے۔
آج سے پیٹرول 6 روپے 25 پیسے، ڈیزل 7 روپے 86 پیسے سستا
ایک سال میں عالمی منڈی میں سونا 467 ڈالر فی اونس سستا
