کراچی (جیوڈیسک) ناظم آباد میں پولیس موبائل پر فائرنگ سے تین اہلکار زخمی ہو گئے۔ زخمیوں کو عباسی ہسپتال منتقل کیا گیا جہاں دو پولیس اہلکار صدیق اور راحت دم توڑ گئے۔ دوسری طرف رینجرز اور پولیس نے بلدیہ قائم خانی کالونی میں مقابلے کے بعد امان اللہ نامی ٹرانسپورٹر کو بازیاب کرا لیا۔
فائرنگ کے تبادلے میں دو اغوا کار اکبر اور شاہ بخت مارے گئے۔ ایس ایس پی ویسٹ عرفان بلوچ کے مطابق ہلاک ہونے والوں کا تعلق کالعدم تحریک طالبان کے سوات گروپ سے تھا۔
پولیس نے سرجانی ٹاؤن میں خفیہ اطلاع پر چھاپہ مارا۔ فائرنگ کے تبادلے میں اشتہاری بھولو قریشی ہلاک ہو گیا۔ لیاری میں رینجرز اور پولیس کی مشترکہ کارروائی میں گینگ وار کے تین کارندے مارے گئے۔
اصفہانی روڈ کے قریب فلیٹ پر پولیس نے چھاپہ مار کر تین ٹارگٹ کلرز کو گرفتار کر لیا۔ ایس ایس پی ایسٹ پیر محمد شاہ کے مطابق گرفتار ملزم سو سے زائد ٹارگٹ کلنگ کی وارداتوں میں ملوث ہیں۔
نیپئر کے علاقے سے بھی مبینہ ٹارگٹ کلر گرفتار کر لیا گیا۔ تیموریہ کے علاقے میں آٹھ افراد کے قتل میں ملوث ٹارگٹ کلر پکڑا گیا۔ جبکہ رینجرز نے مختلف کارروائیوں کے دوران پانچ افراد کو گرفتار کرکے اسلحہ برآمد کر لیا۔
سیکورٹی خدشات، وزیر اعلیٰ پنجاب کا رہائش گاہ تبدیل کرنے کا فیصلہ
بلدیاتی انتخابات کے شیڈول کیلئے الیکشن کمیشن کا اجلاس آج ہو گا
