کراچی میں جاری آپریشن پر حکومت کی مکمل حمایت حاصل ہے، ایڈیشنل آئی جی کراچی

Posted on May 14, 2014 By Geo4 Webmaster اہم ترین, کراچی, مقامی خبریں

Shahid Hayat

کراچی (جیوڈیسک) ایڈیشنل آئی جی کراچی شاہد حیات کا کہنا ہےکہ پولیس کو حکومت کی مکمل حمایت حاصل ہے جس کی بدولت شہر میں بلا امتیاز ٹارگٹڈ آپریشن کررہے ہیں۔

گورنر ہاؤس میں وزیراعظم کی زیر صدارت اعلیٰ سطح اجلاس میں بریفنگ دیتے ہوئے شاہد حیات نے کہا کہ پولیس کو حکومت کی مکمل حمایت حاصل ہے اور اس پر کسی قسم کا سیاسی دباؤ بھی نہیں ہے جس کی بدولت شہر میں بلا امتیاز ٹارگٹڈ آپریشن کررہے ہیں، ایڈیشنل آئی جی نے بریفنگ میں بتایا کہ غیر قانونی سمز کی بندش سے جرائم میں 50 فیصد تک کمی آئی ہے اور جرائم میں واضح کمی کےلیے غیر قانونی سمز کی بندش ناگزیر ہے۔

واضح رہے کہ کراچی میں امن وامان کی صورتحال سے متعلق آج اعلیٰ سطح اجلاس میں آرمی چیف جنرل راحیل شریف، ڈی جی آئی ایس آئی لیفٹیننٹ جنرل ظہیرالاسلام، گورنر ڈاکٹر عشرت العبادخان، وزیراعلیٰ سید قائم علی شاہ سمیت پولیس اور رینجرز کے اعلیٰ افسران کے ساتھ مختلف سیاسی جماعتوں کے رہنماؤں نے شرکت کی۔