کراچی کی خبریں 30/9/2016

Posted on September 30, 2016 By Mohammad Waseem سٹی نیوز, کراچی

Hunger Strike

بھارت کیخلاف جرا ¿تمندانہ اقدام ہی قوم کا مطالبہ ہے ‘ ایم آر پی
بھارت سے مذاکرات و بہتر تعلقات کی خواہش کا اصرارقومی یکجہتی کیلئے خطرناک ہوگا‘ امیرپٹی
بھارتی دھمکیوں کیخلاف فوج کے عزم و مستعدی اور قومی اتحاد و یکجہتی کے تاثر کو زائل نہ کیا جائے
کراچی : پاکستانی سلامتی کیخلاف بھارتی عزائمً اب ڈھکے چھپے نہیں رہے اسلئے بھارت سے اب کسی بھی قسم کی خیر کی توقع و امید رکھنا حماقت کے سوا کچھ نہیں ہوسکتا کیونکہ چانکیائی سیاست کا ماہر بھارت اور اس کے وزیراعظم نریندر مودی سمیت پوری بھارتی سیاسی و عسکری قیادت سانپ جیسی فطرت کی حامل ہے جسے کتنا بھی دودھ پلا ¶ اس کا کام صرف ڈنگ مارنا اور ڈسنا ہی ہے ۔ محب وطن روشن پاکستان پارٹی کے قائد و چیئرمین امیر پٹی نے کہا کہ پاکستان کیخلاف نیت بد کے حامل بھارت اور اس کی قیادتوں کی سازشوں و دھمکیوں کے باوجود وزیراعظم کی بار بار بھارتی قیادت کو مذاکرات کی پیشکش اور بھارت سے تجارت و بہتر تعلقات کی خواہشات کا اظہار و اصرارفکر انگیز و تشویشناک ہے کیونکہ بھارتی دھمکیوں کے بعد بھارت کیخلاف ہر فوجی اقدام کو حاصل عوامی اعتماد اور قوم میں پیدا ہونے والی یکجہتی و حب الوطنی اور فوج کی جانب سے دشمن کو منہ توڑ جواب دینے کے عزم کے بعد حکمرانوں کی جانب سے بھارت کو مذاکرات ‘ دوستی ‘ تجارت اور بہتر تعلقات کے پیغامات سے وہ تاثر زائل ہورہا ہے جو قومی اتحاد و یکجہتی اور عسکری عزم نے بھارت کو دیا ہے کہ فوج مستعد ‘ قوم متحداور بھارت کیخلاف سیسہ پلائی دیوار ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جونا گڑھ کا معاملہ اقوام متحدہ میں اٹھانے سے مسئلہ کشمیر حل ہوگا ‘جی کیو ایم
پانچویں پاکستانی صوبہ پر بھارتی قبضہ کیخلاف عسکری اقدام ہوتاتوبھارت کشمیر پر بھی قابض نہ ہوتا
جونا گڑھ پر بھارتی قبضہ کیخلاف پاکستانی خاموشی ہی مسئلہ کشمیر وبھارتی آبی دہشتگردی کی وجہ ہے
کراچی ( اسٹاف رپورٹر ) پاکستانی حکومت کی غیر سنجیدگی ‘ جونا گڑھ سے تعلق رکھنے والے عوام کے عدم اتحاد اور مراعات ‘ مراتب ووضائف کیلئے پاکستان کے پانچویں صوبے جونا گڑھ کے معاملے پر سودے بازی کرنے والے منافقوںومفاد پرستوں کی وجہ سے جونا گڑھ آج تک بھارتی قبضے میں ہی ہے جس کی وجہ سے بھارت نے کشمیر پر بھی قبضہ کررکھا ہے بلکہ اب وہ سندھ طاق معاہدے کی خلاف ورزی کرتے ہوئے پاکستان کا پانی بند کرنے کی تیاری بھی کررہا ہے۔گجراتی قومی موومنٹ کے سربراہ گجراتی سرکار امیر پٹی المعروف سورٹھ ویر نے کشمیر میں بھارتی مظالم اور بھارتی آبی دہشتگردی کی وجہ جونا گڑھ پر بھارتی قبضے کیخلاف پاکستانی خاموشی کو قرار دیتے ہوئے کہا کہ پاکستان کے پانچویں صوبے پر 9نومبر 1947ءکو بھارتی قبضے کیخلاف پاکستان اس وقت عسکری اقدام کرتا تو بھارت نہ تو کبھی کشمیر پر قابض ہوتا اور نہ ہی پاکستان کو کمزور جانتے ہوئے اس کیخلاف کسی بھی قسم کی جارحیت ‘ در اندازی ‘ سازش یا آبی دہشتگردی کی کبھی جرا ¿ت کرسکتا ۔ انہوں نے مزید کہا کہ پاکستانی قیادت کو اب سنجیدگی کا مظاہرہ کرتے ہوئے مسئلہ کشمیر کے یقینی حل کیلئے مسئلہ جونا گڑھ کو بھی اقوام متحدہ میں اٹھانا ہوگا جبکہ جونا گڑھ کے نام پر مفادات و مراتب بٹورنے والے رہنما ¶ں و رہبروں کا بھی فریضہ ہے کہ وہ ذاتی مفادات سے بالا ہوکرجونا گڑھ کی تمام برادریوں کو جونا گڑھ کی آزادی کی طرح اسی طرح متحدو منظم کریں جس طرح کشمیری قیادت نے کشمیری قوم کو متحدو مجتہد رکھا ہو اہے کیونکہ افواج پاکستان تحفظ وطن کےساتھ بھارت کو ہمہ اقسام جارحیت کا منہ توڑ جواب دینے اور کشمیرو جونا گڑھ کو بھارتی تسلط سے آزاد کرانے کیلئے ہمہ وقت تیار ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سندھ کی صوبائی وزیرشمیم ممتاز نے جونیجو جماعت کی منتخب کابینہ سے حلف لیا
نواب آف جونا گڑھ جہانگیر خانجی اور سنی تحریک کے سربراہ بلال سلیم قادری کی بھی تقریب میں شرکت
جونا گڑھ مسلم فیڈریشن کے الیکشن کمشنر امیر پٹی والا اور سابق صدر اقبال ساند بھی تقریب میں موجود تھے
کراچی ( اسٹاف رپورٹر )جونا گڑھ اسٹیٹ مسلم فیڈریشن میں شامل جونا گڑھ سے تعلق رکھنے والی جوسندھی وجونیجو برادریوں کی نمائندہ ایشوریا سندھی جونیجو جماعت کی نو منتخب کابینہ کی تقریب حلف برداری نواب آف جونا گڑھ جہانگیر خانجی کی صدارت میں ایشوریا جونیجو جماعت خانہ نیو کراچی میں ہوئی جس کی مہمان خصوصی سندھ کی صوبائی ویر فلاح و بہبود شمیم ممتاز تھیں جبکہ دیگر مہمانوں میں صوبائی وزیر ومشیر نادر حسین خواجہ و انتھونی نوید ‘ چےئرمین آل کاٹھیاواڑ سپریم کونسل رزاق ہنگورجہ‘جونا گڑھ اسٹیٹ مسلم فیڈریشن کے الیکشن کمشنر امیر علی پٹی والا ‘ جونا گڑھ فیڈریشن کے سابق صدر اقبال ساند ‘ سابق سیکریٹری عبدالعزیزعرب ‘رہنما سندھی مسلم فیڈریشن جان محمد جانو بھائی اور سربراہ سنی تحریک بلال سلیم قادری ‘ طیب قادری ‘ حنیف جونیجو و دیگر معززشخصیات شامل تھیں ۔ تقریب کی مہمان خصوصی صوبائی وزیرفلاح و بہبود شمیم ممتاز نے نو منتخب صدر یونس جونیجو ‘چیئرمین حنیف ابراہیم ‘ وائس چیئرمین محمد علی ‘ سینئر نائب صدر یوسف ہاشم ‘ نائب صدور محمد صدیق ‘ محمد قاسم ‘ جنرل سیکریٹری محمد اسماعیل جونیجو ‘ جوائنٹ سیکریٹری علی محمد ‘ شاہد ‘خزانچی محمد حسین ‘ عبدالرزاق ‘ آفس سیکریٹری حنیف اسماعیل ‘یوسف ‘ رابطہ سیکریٹری رزاق ڈیکوریشن والا ‘ حاجی بھائی حنیف ‘ حسین جاپان والا ‘ معاون سرپرست طیب قادری ‘ حنیف جونیجو ‘ سلیمان ابراہیم اور کابینہ کے دیگر نو منتخب اراکین سے حلف لیا جبکہ نواب آف جونا گڑھ جہانگیر خانجی نے جونیجو جماعت کی جانب سے ایس ایچ او نیو کراچی فیض الحسن‘سابق سیکریٹری جونا گڑھ فیڈریشن سلیم عباس اور دیگر شخصیات میں ایوارڈ برائے حسن کارکردگی تقسیم کئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھارت کیطرح افغانستان ‘ بنگلہ دیش و بھوٹان بھی امن دشمن ہیں ‘ راجونی اتحاد
افغانستان و بنگلہ دیش کے بعد بھوٹان بھی اسلام دشمن یزیدکفاروں کے یزیدی لشکر میں شامل ہوگیا ہے
بھارت ‘ بنگلہ دیش اور بھوٹان کے سارک کانفرنس میں شرکت سے انکار پر راجونی اتحاد کا اظہار مذمت
کراچی ( اسٹاف رپورٹر )سارک کانفرنس میں شرکت سے بھارتی انکار کے بعد بنگلہ دیش و بھوٹان کی بھارتی تقلید اس بات کی علامت ہے کہ بنگلہ دیش اور بھوٹان بھی بھارت ہی کی طرح امن دشمن ہیں اور نہیں چاہتے کہ خطے کے پیچیدہ و دیرینہ مسائل کے حل کی جانب کسی بھی قسم کی پیشرفت ہو ۔ پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی نے کہا کہ بھارتی ایجنسی کی سرپرستی میں مکتی باہنی کے نام سے 71ءمیں انسانی قتل و غارت کی انمٹ تاریخ رقم کرنے والوں کی باقیات بنگلہ دیشی قیادت کے روپ میں بھارتی ہمنوائی کے ذریعے خطے میں بگاڑ پیداکرنے میں مشغول ہے یہ تو سب کو معلوم تھا مگربھوٹان سے یہ امید کسی کو نہ تھی کہ وہ بھی بنگلہ دیش و افغانستان کی طرح بھارتی راگ الاپنے لگے گا اور اسلام دشمن کفاروں کے یزیدی لشکر میں شامل ہوجائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیراعلیٰ سندھ پیرا میڈیکل اسٹاف کے مسائل حل کرائیں ‘ سولنگی اتحاد
پیرا میڈیکل اسٹاف کیساتھ زیادتیوں کا نوٹس لیکرسندھ میں بھی سروس اسٹرکچر بحال کیا جائے
پاکستان پیرا میڈیکل اسٹاف کی بھوک ہڑتال میں پاکستان سولنگی اتحاد کی شرکت اور اظہار یکجہتی
کراچی ( اسٹاف رپورٹر )سندھ حکومت کے طب و مسیحائی دشمن کردار کیخلاف پاکستان پیرا میڈیکل اسٹاف ایسوسی ایشن کا احتجاجی مظاہرہ ‘ کراچی پریس کلب کے سامنے بھوک ہڑتال ‘ملک بھر میں ڈاکٹرز ‘ نرسنگ اسٹاف اور کلرکس کی طرح پیرا میڈیکل اسٹاف کو بھی سروس اسٹرکچر دیکر گریڈ 20تک ترقی دی جاتی ہے مگر سندھ حکومت کی پیرا میڈیکل اسٹاف دشمنی کی وجہ سے سندھ میں پیرا میڈیکل ملازمین جس گریڈ میں بھرتی ہوتے ہیں اسی میںح ریٹائر ہوتے ہیں جو پیرا میڈیکل ملازمین کیساتھ ظلم و زیاتی ہے ۔ پاکستان پیرا میڈیکل اسٹاف ایسوسی ایشن کے مرکزی صدر نیاز حسین بھٹو ‘ سینئر نائب صدر میر مرتضی جونیجو ‘ نائب صدر اللہ ڈنو پاڑھو ‘ سیکریٹری جنرل محمد شریف پالاری ‘ جوائنٹ سیکریٹری محمود علی چانڈیو ‘فائنانس سیکریٹری محمد شمیم ‘ انفارمیشن سیکریٹری محمد شاہد صابری ‘ چیف آرگنائزر عبداللہ سومرو ‘ سینئر ڈپٹی چیف آرگنائزر اللہ ڈنو سولنگی اور ممبران ایگزیکٹیو کمیٹی نے مظاہرین سے خطاب کیا ۔ اس موقع پر پاکستان سولنگی اتحاد کے سینئروبزرگ رہنما امیر سولنگی کی ہدایت پر اقبال ٹائیگر اور یونس سایانی نے مظاہرین سے اظہار یکجہتی اور میڈیا سے خطاب کرتے ہوئے وزیراعلیٰ سندھ سید مراد علی شاہ سے مطالبہ کیا کہ پیرا میڈیکل اسٹاف کیساتھ کی جانے والی زیادتی کا نوٹس لیکر ہمیں بھی سروس اسٹرکچر کے تحت ترقیاں دی جائیں اور سندھ کی سرکاری اسپتالوں کو NGOsکے حوالے کرنے کے منفی و باطل اقدام کی بھی حوصلہ شکنی کی جائے جبکہ سندھ حکومت کی بدنامی کا سبب اور مسائل کا باعث بننے والے محکمہ صحت کے راشی اور نااہل ذمہ داران و افسران کوبھی برطرف کرکے ایسے دیانتدار و ذمہ دار افراد کو آگے لایا جائے جن کے مثبت اقدامات عوام کو صحت کی سہولیات کی فراہمی اور حکومت کی نیک نامی کا باعث بن سکیں۔