کراچی کی خبریں 7/2/2017
Posted on February 7, 2017 By Mohammad Waseem سٹی نیوز, کراچی
Corruption
پاکستان میں ظلم ‘ استحصال ‘ ناانصافی اور جبر کا نظام ہے ‘ ایم آر پی
روٹی چرانے والا مجبور و بھوکا جیل میں اور کروڑوں کی کرپشن کرنے والا ایوان میں ہوتا ہے‘امیرپٹی
انصاف میں تاخیر اور بالادست طبقات کو حاصل استثناء کرپشن اور لاقانونیت کو فروغ دے رہا ہے
کراچی (اسٹاف رپورٹر) محب وطن روشن پاکستان پارٹی کے قائد وچیئرمین امیر پٹی نے دہشتگردی و بد امنی کے بعد کرپشن کوپاکستان کا سب سے بڑا مسئلہ قرار دیتے ہوئے کہا ہے کہ کرپشن نے نہ صرف معیشت بلکہ ملک کی بھی جڑیں تک ہلاکر رکھ دی ہیں اور حکمرانوں کی بد اعمالیوں و کرپشن کے باعث پاکستان کا ہر شہری حتیٰ کہ پیدا ہونے والا ہر معصوم بچہ تک ایک لاکھ روپے سے زائد کا مقروض پیدا ہوتا ہے جبکہ مقروض عوام کے غریب ملک کو چلانے والے امیر ودولتمند ہی نہین بلکہ خوشحال اور تمام تر کرپشن اور عوام دشمنی کے باوجود بھی محب وطن ہیں جبکہ حق مانگنے اور ظلم و استحصال پر آواز اٹھانے والے غدار کہلائے جارہے ہیں مگر ہر روز 12ارب سے زائد کی کرپشن کرنے والے اپنی طاقت ‘ اختیار اور اقتدار کے بل پر محفوظ ہیں اور بھوک مٹانے کیلئے روٹی چرانے والے بلا سزا و فیصلہ سالہا سال سے جیلوں میں مقید و پولیس مظالم کا شکار ہیں جس کی ذمہ دار ہماری عدلیہ ہے جس نے اپنی آئینی وقانونی طاقت کو جرا ¿تمندی ‘ دیانتداری اور غیر جانبداری سے استعمال کرتے ہوئے ملک میں انصاف ومساوات کا معاشرہ قائم کرنے کی کوشش کبھی نہیں کی مگر آج وقت نے عدلیہ کو ایک موقع دیا ہے کہ وہ پانامہ کیس میں حقیقی انصاف کے ذریعے اپنے دامن پر لگے داغ دھونے کیساتھ وطن عزیز سے کرپشن کے خاتمے کی داغ بیل بھی داغ سکتی ہے اور عدلیہ کو ماضی کی روایات سے نجات دلاکر اس کے دامن پر لگے داغ بھی دھل سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھارت سے دوستی کی ہر خواہش قومی سلامتی کیلئے خطرناک ہے ‘ جی کیوایم
بھارت سے دوستی کا ہر تصور چھوڑ کر اس کے ساتھ دشمنوں جیسے سلوک کی ضرورت ہے‘ گجراتی سرکار
پاکستان نے بھارت نامی امن دشمن ناگ کا سرکچلنے کی ٹھان لی تو بھارت کی تمام اکڑ نکل جائے گی
کراچی ( اسٹاف رپورٹر ) بھارتی فوج کی جانب سے ایک بار پر سرحدی جارحیت و اشتعال انگیزی اور ظفر وال سیکٹر میں ورکنگ با ¶نڈری پر فائرنگ و گولہ باری کی مذمت کرتے ہوئے گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے کہا ہے کہ بھارت کا جارحانہ رویہ ‘ مذموم عزائم ‘ بڑھتی ہوئی اشتعال انگیزی اور ان کی سیاسی و فوجی قیادت کا بیان و کردار اس بات کو ثابت کررہا ہے کہ بھارت کے ساتھ دوستی کی خواہش پاکستان کی سلامتی کیلئے ہی خطرناک نہیں بلکہ خطے کے امن کیلئے بھی مضر ہے اسلئے بھارت سے دوستی کا ہر تصور چھوڑ کر اس کے ساتھ دشمنوں جیسے سلوک کی ضرورت ہے کیونکہ جب تک پاکستان اس کی جارحیت کو برداشت کرتا رہے گا بھارتی جارحیت اور اس کے مذموم حوصلوں کو جلا ملتی رہے گی مگر جس دن پاکستان نے بھارت نامی امن دشمن ناگ کا سرکچلنے کی ٹھان لی بھارت کی تمام اکڑ نکل جائے گی مگر اس کیلئے جس غیرت و قیادت کی ضرورت ہے افسوس کہ پاکستان اس سے محروم ہے یہی وجہ ہے کہ بھارت مسلسل پاکستان کیخلاف سازش ‘ جارحیت اور اسے نقصان پہنچانے میں مصروف ہی نہیں بلکہ کسی حد تک کامیاب بھی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسرائیل و بھارت یکساں واسلام دشمن پالیسی پر کاربند ہیں ‘ راجونی اتحاد
بھارت کشمیر میںاور اسرائیل فلسطین میں مسلمانوں کو اکثریت سے اقلیت میں تبدیل کررہا ہے
فلسطین میں نئی یہودی بستیوں کی تعمیر فلسطین سے مسلم استحقا کے خاتمے کا صیہونی منصوبہ ہے
کراچی ( اسٹاف رپورٹر ) فلسطین کے مغربی کنارے میں یہودیوں کیلئے تین ہزار مکانات کی تعمیر کے اسرائیلی اعلان کو فلسطین میں یہودی بستیوں کی توسیع کا اسرائیلی منصوبہ قرار دیتے ہوئے پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی ودیگر نے کہا ہے کہ اس منصوبے کا مقصد درحقیقت فلسطین پر اکثریتی آبادی ہونے کے ناطے مسلمانوں کا استحقاق ختم کراناہے جس کے تحت صہیونیوں کے ترجمان ٹرمپ نے صدر منتخب ہونے کے بعد امریکی سفارتخانہ مقبوضہ بیت المقدس منتقل کرنے کا اعلان کیا اور اس اعلان کے ساتھ ہی اسرائیلی حکومت مقبوضہ فلسطینی علاقوں میں یہودیوں کی نئی بستیاں تعمیر کرنے کے دیرینہ منصوبے کو عملی جامہ پہنانے کیلئے متحرک ہو گئی اسلئے اسرائیل ‘ امریکہ اور بھارت جیسے امن و اسلام دشمنوں کیخلاف عالمی اسلامی اتحاد ناگزیر ہوچکا ہے اور اس اتحاد میں رکاوٹ بننے والی ہر طاقت سوائے ابلیس اور ابلیس پرست کے اور کوئی نہیں ہوسکتی !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکمت یار پر پابندی کا خاتمہ قیام امن کیلئے سودمند ہوگا‘ سولنگی اتحاد
اقوام متحدہ کے اس صائب فیصلے سے پاکستان اور افغانستان دونوں میں امن کی راہ ہموار ہوگی
سولنگی اتحاد کے رہنما امیرعلی سولنگی کا حکمت یار پر پابندی کے خاتمے کے یو این فیصلے کا خیر مقدم
کراچی ( اسٹاف رپورٹر)پاکستان سولنگی اتحاد کے سینئر و بزرگ رہنما امیر سولنگی ‘ ملک عمر نذیر سولنگی ‘معین سولنگی ‘ غلام نبی سولنگی‘اصغر علی سولنگی ‘سبحان سولنگی‘محمد ذبیر سولنگی‘حبیب خان سولنگی ‘اکرم سولنگی‘برخوردار سولنگی‘شفقت نذیر سولنگی‘ اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ ڈاکٹر قدیر سولنگی‘ نعمت اللہ سولنگی و دیگر نے اقوام متحدہ کے حکمت یار گلبدین کیخلاف پابندیوں کے خاتمے کے فیصلے کو صائب قرار دیتے ہوئے کہا ہے کہ افغان گروپ حزب اسلامی کے سربراہ اور افغانستان کے سابق وزیراعظم گلبدین حکمت یار پرپابندی کے خاتمے کا سلامتی کونسل کا فیصلہ حزب اسلامی اور افغان حکومت کی طرف سے جنگ اور شورش زدہ ملک میں قیام امن کیلئے ایک بڑا قدم ہے جسے بجا طور پر سیاسی معاملات کو جمہوری انداز میں طے کرنے کی طرف مثبت پیشرفت قرار دیا جا سکتا ہے اورافغانستان کے ساتھ ساتھ پاکستان میں بھی قیام امن کی راہیں تلاش کی جا سکتی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عدالت مجھے ڈاکٹر عاصم کے علاج کی اجازت دے‘ حبیب پٹی والا
ڈاکٹر عاصم بیمار مگر پاکستانی شہری ہیں اور ہر آزادو اسیر پاکستانی شہری کو علاج کا حق حاصل ہے
میں ڈاکٹر عاصم کے کمر درد کے علاج کیلئے تیار ہوں ‘ چندہی ہفتوں میں کمر درد ختم کرسکتا ہوں
کراچی ( اسٹاف رپورٹر ) ڈاکٹر عاصم کی علات اور کمر کی تکلیف پر اظہار تشویش اور ان کیلئے دعائے صحت کرتے ہوئے کراچی کے مشہور معالج و ماہر ہڈی و جوڑ حبیب بھائی پٹی والا نے ڈاکٹر عاصم ‘ حکومت سندھ اور پیپلزپارٹی کو ڈاکٹر عاصم کے کمر کے علاج کی پیشکش کرتے ہوئے کہا ہے کہ اگر عدالت اجازت دے تو وہ ڈاکٹر عاصم کی کمر کی تکلیف کا علاج کرنے کیلئے تیار ہیں ۔ اس حوالے سے میڈیا نمائندگان سے گفتگو کرتے ہوئے حبیب بھائی پٹی والا نے کہا کہ جرم ثابت ہونے اور عدالت کی جانب سے سزا سنائے جانے تک ڈاکٹر عاصم پاکستانی شہری ہیں اور شہری کی حیثیت سے علاج ان کا بنیادی حق ہے جس سے انہیں محروم کرنا بنیادی انسانی حقوق کی خلاف ورزی اور ریاستی جبر کہلائے گا اس لئے عدلیہ اگر انسانی حقوق اور ڈاکٹر عاصم کے آئینی و قانونی استحقا ق کو مدنظر رکھتے ہوئے ان کے علاج کی اجازت دے اور ڈاکٹر عاصم ‘ حکومت سندھ اور پیپلز پارٹی چاہے تو میں ڈاکٹر عاصم کے کمر کی تکلیف کا علاج کرنے کو تیار ہوں اور اپنے تجربہ کی بنیاد پر مجھے یقین ہے کہ میرے علاج کی بدولت اور اللہ کی رحمت سے ڈاکٹر عاصم چند ہفتوں میں ہی کمر کی تکلیف سے نجات اور شفایاب ہوجائیں گے ۔ حبیب بھائی نے پیپلز پارٹی کے سربراہ آصف علی زرداری ‘ بلاول بھٹو ‘ وزیراعلیٰ سندھ‘ حکومت سندھ اور ڈاکٹر عاصم کے اہلخانہ کو مخاطب کرتے ہوئے کہا کہ اگر وہ ڈاکٹر عاصم کو کمر کی تکلیف سے نجات دلانا چاہتے ہیں تو مجھ سے میرے موبائل نمبر 03002853441پر رابطہ کریں یاتین ہٹی چوک جہانگیر روڈ پر نوری شاہ بابا کے مزار سے ساتھ موجود میرے مطب پر رابطہ کیا جائے۔
والدین موبائل، لیپ ٹاپ سے زیادہ بچوں کی تربیت پر توجہ دیں، مولانا طارق جمیل
ملکہ کی خبریں 7/2/2017
