کراچی کی خبریں 19/1/2017
Posted on January 19, 2017 By Mohammad Waseem سٹی نیوز, کراچی
Panama Leaks Case
پانامہ کیس کے فیصلے تک وزیراعظم کو کام سے روکا جائے ‘ ایم آر پی
انصاف کیساتھ مساوات کا قیام بھی اسلامی جمہوریہ کی عدلیہ کا آئینی و منصبی فریضہ ہے ‘ امیرپٹی
پانامہ کیس سے پاکستان و عوام کا مستقبل ‘ عدلیہ کی ساکھ اور کرپشن کا تسلسل و خاتمہ جڑا ہوا ہے
کراچی (اسٹاف رپورٹر) محب وطن روشن پاکستان پارٹی کے قائد و چیئرمین امیر پٹی نے سندھ میں رینجرز اختیارات میں توسیع کو تقاضہ وقت قرار دیتے ہوئے کہا کہ جس طرح فوج نے آپریشن ضرب عضب کے ذریعے دہشتگردی کاخاتمہ کرکے امن قائم کیا ہے اسی طرح کراچی آپریشن کے ذریعے رینجرز نے کراچی کے عوام کو تحفظ فراہم کیا ہے جو رینجرز اختیارات میں توسیع کا متقاضی ہی نہیں بلکہ اس بات کو بھی ثابت کررہا ہے کہ کراچی آپریشن کا دائرہ کار وسیع کرتے ہوئے سندھ بھر میں پھیلایا جائے اور پنجاب میں بڑھتی ہوئی بد امنی ‘ لاقانونیت ‘ قتل و غارت اور استحصال ‘ نا انصافی و مظالم روکنے کیلئے پنجاب میں بھی رینجرز کوتعینات کرکے اسے تمام اختیارات کے ساتھ عوام و قوانین دشمنوںکی سرکوبی کیلئے استعمال کیا جائے جبکہ آپریشن ضرب عضب کی یقینی کامیابی اور دہشتگردی سے نجات کیلئے نیشنل ایکشن پلان پر اس کی روح کے مطابق مکمل و غیر جانبدارانہ عملدرآمد بھی یقینی بنایا جائے ۔امیر پٹی نے مزید کہا کہ پانامہ لیکس کیس پاکستان اور اس کے اٹھارہ کروڑ عوام کے مستقبل ‘ پاکستان کے عدالتی نظام کی ساکھ ‘ آئین و قوانین کی حکمرانی اور کرپشن کی روایت کے تسلسل یا اس کیخلاف انقلابی اقدامات کا تعین کرے گا اسلئے اس کیس میں عدلیہ کو انصاف کا بول بالا کرنے کیساتھ مساوات پر بھی توجہ دینی چاہئے اور کیس کا فیصلہ آنے تک وزیراعظم کے تمام اختیارات کو کالعدم قرار دیتے ہوئے انہیںکام سے اسی طرح روک دینا چاہئے جس طرح کرپشن کے دیگر کیسز میں سرکاری ملازمین کو روکا جاتا رہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
برمی مسلمانوں کا تحفظ مشترکہ اسلامی فوج کی ذمہ داری ہے‘ جی کیو ایم
برما میں مسلمانوںکیساتھ جو ہورہا ہے اسکے ذمہ دارفرقہ پرست طاقتور اسلامی ممالک ہیں‘ سورٹھ ویر
دنیا کے مسلمانوں کی بقا و سلامتی اللہ کے پیغام و ہدایتِ اتفاق و اتحاد میں ہی مضمر ہے ‘ گجراتی سرکار
کراچی ( اسٹاف رپورٹر ) جنرل راحیل شریف نے افواج پاکستان کے سربراہ کی حیثیت سے پاکستان و عوام کو دہشتگردی سے نجات دلانے کیلئے جو کردار ادا کیا ہے اسکی وجہ سے ہی انہیں مشترکہ اسلامی فوج کی سربراہی کا اعزاز حاصل ہوا ہے اسلئے دنیا بھر میں مسلم ریاستوں کیخلاف ہونے والی سازشوں سے مسلم اُمہ کو محفوظ بنانا اور دنیا کے کسی بھی خطے میں مسلمانوں پر ہونے والے مظالم کیخلاف راست اقدام کرنا مشترکہ اسلامی فوج کی ذمہ داری و فریضہ ہونے کے ساتھ جنرل راحیل شریف کی منصبی ذمہ داری بھی ہے ۔ گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے مشترکہ اسلامی فوج اور اس کے سربراہ جنرل راحیل شریف سے برما میں مسلمانوں پر ڈھائے جانے والے مظالم و ستم رکوانے کی اپیل کرتے ہوئے کہا کہ برما میں مسلمانوںکیساتھ جو کچھ بھی ہورہا ہے اسکے ذمہ دار طاقتور اسلامی ممالک ہیں جو ظلم کیخلاف متحد ہونے کی بجائے شیعہ ‘ سنی ‘ بریلوی ‘ دیو بندی و وہابی کے نام پر بٹے اور فرقہ پرست بنے ہوئے جس کی وجہ سے کہیں شیعہ مسلمانوں تو زمین تنگ کی جارہی ہے تو کہیں سنی ‘ دیو بندی یا وہابی مسلمانوں کو تختہ مشق بنالیا گیا ہے ۔ گجراتی سرکار نے مسلم اُمہ سے اتحادو اتفاق کی اپیل کرتے ہوئے کہا کہ دنیا کے مسلمانوں کی بقا و سلامتی اللہ کے پیغام و ہدایت اتفاق و اتحاد میں ہی مضمر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عوام کیلئے اذیت بننے والوں کو اقتدار میں رہنے کا کوئی حق نہیں ‘ راجونی اتحاد
مفاد پرست و کرپٹ حکمرانوں نے عوام کو بدترین ذہنی و جسمانی اذیت سے دوچار کررکھا ہے ‘ یونس سایانی
بجلی و گیس کی لوڈ شیڈنگ قومی معیشت و اقتصادی ترقی کیلئے بدترین خطرات پیدا کررہی ہے‘ اقبال ٹائیگر
کراچی ( اسٹاف رپورٹر ) پاکستان کے عوام حکمرانوں کی کرپشن ‘ منافقت ‘ مفاد پرستی اور نااہلی کے باعث گرمیوں کے موسم میں بدترین لوڈ شیڈنگ کا عذاب تو جھیلتے ہی ہیں مگر دنچ سالوں سے سردیوں میں گیس کی بندش بھی عوام کے نصیب میں لکھی جارہی ہے جوا س بات کی علامت ہے کہ حکمران نہ تو ملک و قوم سے مخلص ہیں اور نہ ہی حکمرانی کی اہلیت کے حامل ۔ پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنمایونس سایانی‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی نے یہ بات گیس کی لوڈشیڈنگ کی مذمت کرتے ہوئے کہی ۔ انہوں نے کہا کہ ملک میں قدرتی گیس کے وافر ذخائر کی موجودگی کے باجود گیس لوڈ شیڈنگ ناقص حکمت عملی ‘ کرپشن اور حکومتی ناکامی کا ثبوت ہے جس سے نہ صرف عوام بد ترین ذہنی و جسمانی اذیت کا شکار ہیں بلکہ بجلی و گیس کی لوڈ شیڈنگ قومی معیشت و اقتصادی ترقی کیلئے بھی بدترین خطرات پیدا کررہی ہے جو اس بات کا ثبوت ہے کہ جو حکمران گیس و بجلی بحران سے عوام کو نجات نہیں دلاسکتے وہ ملک و قوم کیلئے کچھ نہیں کرسکتے اسلئے انہیں اقتدار میں رہنے کا کوئی حق نہیں اور نہ ہی انہیں دوبارہ اقتدار میں لانے کے عوام متحمل ہوسکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان سولنگی اتحاد کا ملک گیر کنونشن 22جنوری بروز اتوار ہوگا
اوچھ شریف میں ہونے والے کنوشن میں مرکزی‘ صوبائی ‘ ضلعی اور مقامی عہدیدار شریک ہونگے
امیر سولنگی کنونشن میں متوقع قومی انتخابات کے حوالے سے اہم اعلانات کرینگے‘ سولنگی میڈیا سیل
کراچی ( اسٹاف رپورٹر ) پاکستان سولنگی اتحاد میڈیا سیل کے مطابق سولنگی اتحاد کا ملک گیر کنونشن 22جنوری بروز اتوار اوچھ شریف صادق آباد میں ہوگا جس میں مرکزی قیادت کے علاوہ چاروں صوبوں کے صوبائی و ضلعی اور مقامی عہدیداران و کارکنان بھی شرکت کریں گے ۔ کنونشن کی صدارت اتحاد کے سینئر رہنما امیر علی سولنگی پٹی والا کریں گے جبکہ انتظامی کمیٹی میں محمد علی سولنگی ‘ کبیر سولنگی ‘ عابد حسین سولنگی ‘ فیاض سولنگی ‘ دیدار سولنگی ‘ ڈاکٹر اے ڈی سولنگی ‘ ڈاکٹر محبت سولنگی ‘ کرم اللہ سولنگی ‘ خالد سولنگی ‘ محمد زبیر سولنگی ‘ منظور سولنگی ‘ شاہد سولنگی ‘ عمر نذیر سولنگی ‘ غلام سرور سولنگی ‘ غلام مصطفیسولنگی و دیگر شامل ہیں ۔ کنونشن میں قومی سیاسی صورتحال ‘ پاکستان کو درپیش مسائل ‘ برادری مسائل کا جائزہ لیا جائے گا اور متوقع قومی انتخابات میں حصہ لینے کے حوالے سے لائحہ عمل طے کیا جائے گا اس موقع پر کنونش کے صدر و سولنگی اتحاد کے سینئر و بزرگ رہنما امیر علی سولنگی پٹی والاقومی انتخابات اور تنظیم سازی کے حوالے سے اہم اعلانات بھی کریں گے۔
سینئر صحافی مسیح اللہ خان جام پوری اپنی نئی کتاب افضال احمد کو پیش کر رہے ہیں
پہلا نیشنل بینک پریذیڈینٹ کپ فٹبال ٹورنامنٹ کا انعقاد
