کراچی کی خبریں 4/1/2017
Posted on January 4, 2017 By Mohammad Waseem سٹی نیوز, کراچی
Panama Case in Supreme Court
عوام پانامہ کیس میں انصاف کی امید ہرگز نہ رکھیں ‘ ایم آر پی
عدلیہ آج بھی حکمرانوں اور مقتدر طبقات کیخلاف فیصلوں کی روایت سے عاری ہے‘ امیر پٹی
جمہوریت نام پر نیولے ‘ اژدہے اور سفید ہاتھی حکمران بھیڑیوں کا تحفظ و دفاع کررہے ہیں
کراچی (اسٹاف رپورٹر) پانامہ کیس میں فراہمی انصاف کے ذمہ داراداروں کے کردار نے ثابت کردیا ہے کہ عدلیہ کی آزادی حقیقت نہیں محض ایک سہانا خواب ہے جس کے ذریعے حصول اقتدار کیلئے عوام کو بیوقوف بنانے والوں نے بہت خوب بیوقوف بنایا ہے حقیقت میں تو عدلیہ آج بھی حکمرانوں اور مقتدر طبقات کیخلاف فیصلوں کی روایت سے عاری ہے جو اس بات کا ثبوت ہے کہ پاکستان مساوات سے محروم نام نہاد اسلامی مملکت ہے جس میں جمہوریت کے نام پر استحصال و ظلم کا وہ نظام رائج ہے جس میں بھیڑیوں کو حق حکمرانی حاصل ہے اور نیولے ‘ اژدھے و سفید ہاتھی ان بھیڑیوں کا تحفظ کررہے ہیں لہٰذا نہ تو اس ملک میں مقتدر قوتوں ‘ استحصالیوں ‘ ظالموں اور عوام و ملک دشمنوں کا احتساب ممکن ہے اور نہ ہی کوئی بھی ادارہ عوام کو انصاف فراہم کرسکتا ہے ۔ محب وطن روشن پاکستان پارٹی کے قائد و چیئرمین امیر پٹی نے پانامہ لیکس کیس پر تبصرہ کرتے ہوئے کہا ہے کہ کرپشن کے معمولی الزام پر ایک عام سرکاری ملازم کو فوری معطل کرکے اس کیخلاف تحقیقات کی جاتی ہیں اورچوری ثابت ہونے پر عمل تادیب وسزا سے گزاراجاتا ہے مگر پانامہ کیس میں وزیراعظم کیخلاف اس عمل سے اجتناب مساوات کا خون اور مستقبل میں بھی قوم کے ساتھ نا انصافی کی دلیل ہے لہٰذا عوام پانامہ کیس میں انصاف کی امید نہ رکھیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قوم کا مستقبل بد ترین خطرات میں گھرتا چلا جارہا ہے ‘ جی کیو ایم
دہشتگردی و کرپشن کے خطرات سے ہر صورت و ہر قیمت پرنجات ضروری ہے‘ گجراتی سرکار
ذمہ دار اداروں کی روایتی جمہوریت و مفاد پرستی ملک و قوم کے مستقبل کیلئے زہر قاتل ہے
کراچی ( اسٹاف رپورٹر )گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے کہا ہے کہ دہشتگردی اور کرپشن وطن عزیز کی سلامتی اور مستقبل کیلئے ایسے خطرات ہیں جن سے نجات ہر صورت اور ہر قیمت پر ضروری ہے مگر افسوس کہ ان دونوں خطرات سے ملک و قوم کو نجات دلانے کی ذمہ داری جن اداروں ‘ طبقوں اور حلقوں پر مشتمل ہے ان کا کردار اپنے حقیقی کردار کے برخلاف دکھائی دے رہا ہے اور قوم کیلئے یہ بات انتہائی تشویشناک ہے کہ حکمران طبقات نہ صرف کرپشن کی دلدل میں گردن گردن تک دھنسے ہوئے بلکہ ان کے دہشتگردوں اور کالعدم تنظیموں سے رابطے بھی اب کسی سے پوشیدہ نہیں رہے ہیںجس کی وجہ سے نیشنل ایکشن پلان اپنی روح کے مطابق حقیقی و مکمل عملدرآمد سے آج تک محروم ہے مگر نہ تو عدلیہ اسلام کے اصول مساوات کے مطابق حکمرانوں کا احتساب کرتے ہوئے عوام کو انصاف کی فراہمی کیلئے کوئی قابل ذکر و تاریخی کارنامہ انجام دینے پر کمربستہ دکھائی دے رہی ہے اور نہ ہی دفاع کے ضامن ادارے ملک و قوم دشمن کردار کیخلاف گرز تادیب اٹھاتی دکھائی دے رہے ہیں جس کی وجہ سے دہشتگردوں کے سرپرستوں اور کرپشن کرنے والوں کے حوصلوںکو مہمیز مل رہی ہے اور قوم کا مستقبل بدترین خطرات سے دوچار ہوتا دکھائی دے رہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
روایتی کردار و روایتی انصاف قومی وحدت کو کھاجائے گا‘ راجونی اتحاد
ملک و قوم کو نقصان پہنچانے والے ہر فرد کو بلا تفریق و تخصیص کیفر کردارتک پہنچانا ہوگا‘ اقبال ٹائیگر
مقتدر طبقات کو احتساب سے محفوظ رکھنے کی روایت قومی مستقبل کیلئے خطرناک ہوگی ‘عمران چنگیزی
کراچی ( اسٹاف رپورٹر ) روایتی کردار اور روایتی انصاف قومی وحدت کو کھاجائے گا اسلئے اس لئے اس بار عدلیہ کو حقیقی انصاف کرنا ہوگا ۔ پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی و دیگر نے پانامہ کیس میں عدلیہ سے حقیقی انصاف کا مطالبہ کرتے ہوئے کہاکہ ماضی کی طرح عدلیہ کی جانب سے نظریہ ضرورت کا مظاہرہ اور بڑے صوبے کی سیاسی قیادت کو احتساب سے محفوظ رکھنے کی روایت ملک و قوم کی یکجہتی و سلامتی کیلئے سقوط بنگلہ دیش سے زیادہ خطرناک نتائج کا باعث بن سکتی ہے لہٰذا عدلیہ کو اس بار پانامہ کیس میں حقیقی انصاف کرتے ہوئے ملک و قوم کو نقصان پہنچانے والے ہر فرد کو بلا تفریق و تخصیص کیفر کردارتک پہنچانا ہوگااور اگر عدلیہ ایسا کرنے میں ناکام رہی تو یہ ملک و قوم پر نحوست و بد نصیبی کے ایسے سائے مسلط کردے گی جس سے قومی یکجہتی و اتحاد اور سلامتی کو خطرات لاحق ہوجائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھوٹ و دھوکا روایتی حکمرانوں کی فطرت و شیوہ ہے‘سولنگی اتحاد
حکمرانوں نے اب تک صرف جھوٹے دعوو ¿ں کے علاوہ عوام کیلئے کچھ اور نہیں کیا ہے ‘ امیر علی سولنگی
عوامی وقومی سلامتی وتحفظ کے ضامن ادارے حکمرانوں کے یرغمال بنے ان کا تحفظ کررہے ہیں
کراچی ( اسٹاف رپورٹر ) پاکستان سولنگی اتحادکے بزرگ رہنما امیر علی سولنگی ‘ ملک عمر نذیر سولنگی ‘معین سولنگی ‘ غلام نبی سولنگی‘اصغر علی سولنگی ‘سبحان سولنگی‘محمد ذبیر سولنگی‘حبیب خان سولنگی ‘اکرم سولنگی‘برخوردار سولنگی‘شفقت نذیر سولنگی‘ اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ ڈاکٹر قدیر سولنگی‘ نعمت اللہ سولنگی و دیگرنے کہا ہے کہ توانائی بحران سے نجات دلانے کے نام پر اقتدارمیں آنے والوں نے توانائی بحران سے اب تک قوم کو نجات تو نہیں دلائی ہے البتہ دعوے بہت کئے ہیں اور شور بہت مچایا ہے اور جھوٹوں کے دونوں سربراہوں نے پانی و بجلی کے محکموں کو اپنے سے زیادہ ڈھٹائی سے جھوٹ بولنے والے دو نااہلوں اور نکموں کے حوالے کرکے یہ جان لیا ہے کہ بس اب ان دونوں کی لن ترانیاں اور بد زبانیاں قوم کو زبان کھولنے سے باز رکھے گی لہٰذا کوئی توانائی بحران پر آواز نہیں اٹھائے گا تو ہمارے لئے یہ کہنا آسان و یقینی ہوجائے گا کہ ہم نے توانائی بحران حل کردیا ہے یہی وجہ ہے کہ اقتدار کی اختتامی آئینی مدت کے نزدیک پہنچ جانے والی جمہوری حکمرانوں کے دور میں مقررہ اوقات کی لوڈشیڈنگ کیساتھ طویل دورانیہ کے بریک ڈا ¶نز کا تسلسل بھی جاری و ساری ہے اور حکمران وان کے تمام وزراءو مشیران اپنی ساری توجہ و توانائی کرپشن کیخلاف اپنے احتساب کو ٹالنے پر صرف کئے لن ترانیوں ‘ بدزبانیوں اور جھوٹ کے ریکارڈز قائم کرنے میں لگے ہوئے ہیں جبکہ قومی و عوامی سلامتی و مفادات کے تحفظ کے ضامن تمام ادارے ان کے یرغمال بنے ان کا بھرپور تحفظ کررہے ہیں!
مہمند ایجنسی غلنئی ہسپتال کی کارکردگی میں بہتری لانے کے لئے غیرحاضر ملازمین کے خلاف کاروائی کا فیصلہ
لاہور کی نجی یونیووسٹی کا طالب علم پرسرار طور پر لاپتہ ہو گیا
