کراچی کی خبریں 9/12/2016
Posted on December 9, 2016 By Mohammad Waseem سٹی نیوز, کراچی
Taqreeb Dua Tayarah Hadsa
طیارہ حادثہ کیس کے ذمہ داران کو سر عام پھانسی دی جائے ‘ ایم آر پی
حادثہ میں ہلاک ہونے والوں کے قتل کا مقدمہ ڈی جی آپریشنزPIA کیخلاف درج کیا جائے
حادثات کی وجہ کرپشن ہے‘ کرپشن کے خاتمہ کیلئے پانامہ لیکس کا فوری اور منصفانہ فیصلہ کیا جائے
کراچی (اسٹاف رپورٹر) محب وطن روشن پاکستان پارٹی کے قائد و چیئرمین امیر پٹی نے چترال طیارہ حادثے پر اظہار افسوس اور جنید جمشید سمیت طیارہ حادثے میں ہلاک ہونے والے تمام مسافروں کیلئے دعائے مغفرت اور لواحقین کیلئے صبر جمیل کی دعا کرتے ہوئے اعلیٰ عدلیہ سے طیارہ حادثہ کیس کا ازخود نوٹس لینے اور اس کیس کی شفاف تحقیقات کے ذریعے ذمہ داران کو سر عام پھانسی دینے کا مطالب کرتے ہوئے کہا کہ کرپشن اور کمیشن ملک و قوم کی دشمن بنی ہوئی ہے مگر کوئی ادارہ کرپشن کیخلاف غیر جانبدارانہ کاروائی کرنے اور کرپشن کرنے والوں کو نشان عبرت بنانے کیلئے تیار نہیں بلکہ تمام کے تمام ادارے کرپشن کرنے والے متقدر طبقات کے ہاتھوں یرغمال بنے ہوئے ہیں جس کی وجہ سے طیاروں ‘ آبدوزوں اور اسلحہ و خوراک و ادویات سمیت ہر چیز کی خریداری میں کمیشن وصولنا قومی شیوہ بن چکا ہے اور حادثات قوم کے مقدر میں لکھے جارہے ہیں ۔ امیر پٹی نے طیارہ حادثہ کیس میں ہلاک ہونے والے تمام افراد کے قتل کا مقدمہ پی آئی اے چیئرمین اور خراب طیارے کو جبراً پرواز کرانے والے پی آئی اے کے ڈی جی آپریشنز کیخلاف درج کرنے کا مطالبہ کرتے ہوئے کہا کہ چیف جسٹس انور ظہیر جمالی ریٹائر منٹ سے قبل پانامہ کیس کا فیصلہ کرکے کرپشن کرنے والوں کو نشان عبرت بنائے تاکہ کرپشن کے باعث ہونے والے اس قسم کے المناک سانحات سے قوم کو ہمیشہ کیلئے نجات مل سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جلوس اظہار حب محمد آج رات9بجے بادامی مسجد سے برآمد ہوگا
گجراتی سرکار سورٹھ ویر ‘ فرزند جونا گڑھ اقبال چاند اور خطیب و امام مولانا وسیم ضیائی قیادت کرینگے
کھارادر کی تمام شاہراہوں سے گزرنے کے بعد بادامی مسجد پر جلوس کا اختتام اورلنگر کااہتمام ہوگا
کراچی ( اسٹاف رپورٹر )جلوس اظہار حب محمد ﷺ آج رات 9بجے بادامی مسجد گﺅگلی کھارادر سے برآمد ہوگا جس کی قیادت گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر ‘ سول ڈیفنس سا ¶تھ کے سربراہ فرزند جونا گڑھ اقبال چاند ‘ علامہ مولانا وسیم ضیائی کرینگے جبکہ جلوس کے مہمانان میں مفتی اسماعیل ‘ ہارون حسین کعبہ والیہ ‘سید یاسین شاہ بابا ‘ صدیق باپو ‘ حاجی اقبال ہنگورہ ‘صدیق زری والا ‘ علی مراد ‘ عمران سونی ‘ الطاف حسین ایڈوکیٹ ‘ یحییٰ خانجی تنولی ‘ اقبال ٹائیگر مارواڑی و دیگر شامل ہوں گے جلوس کھارادر کی تمام شاہراہوں سے گزرنے کے بعد واپس بادامی مسجد پہنچ کر اختتام پذیر ہوگا جہاں جلوس کے شرکاءکی تواضع لنگر و نیاز سے کی جائے گی جبکہ جلوس کی سیکورٹی کے فرائض سول ڈیفنس سا ¶تھ کے اہلکار و رضاکار انجام دیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان کو بتدریج اسلامی خصوصیات وتہذیب محروم کیا جارہا ہے ‘ راجونی اتحاد
ترمیمی ایکٹ2016ءرزق حلال کمانے اور ٹیکس اداکرنے والوںکا بدترین استحصال ہے‘ امیر سولنگی
گروہی مفادات کیلئے پاکستانی معیشت کیلئے خطرات پیدا کئے جارہے ہیں ‘ عمران چنگیزی‘ اقبال ٹائیگر
کراچی ( اسٹاف رپورٹر ) حکمران طبقہ ذاتی مفادات کیلئے قومی معیشت کو خطرات سے دوچار اور پاکستان کو اسلامی خصوصیات ‘ تہذیب اور آداب سے محروم کررہا ہے ۔ پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی نے ترمیمی ایکٹ 2016کو اسلام سے متصادم حکومتی اقدام قرار دیتے ہوئے کہا کہ اس قانون کے ذریعے استحصالی طبقات کوغیر قانونی و حرام آمدنی سے بنائی جانے والی اپنی غیر قانونی جائیداد کو قانونی بنانے کا موقع فراہم کیا گیا ہے جو رزق حلال کمانے اور ٹیکس دینے والی پاکستانی اکثریت کیساتھ ظلم و زیادتی اور رزق حلال کمانے و ٹیکس کی ادائیگی کی حوصلہ شکنی کے مترادف ہے جو صرف اسلام کے اصول مساوات و انصاف کیخلاف ہی نہیں بلکہ پاکستان کی معیشت کیلئے بھی خطرناک ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک نذیر سولنگی کا انتقال ناقال تلافی نقصان ہے ‘پاکستان سولنگی اتحاد
ملک نذیر سولنگی نے برادری کو منظم و یکجا رکھنے کیلئے ہمیشہ مثالی و قابل تحسین ومثالی خدمات انجام دیں
برادری نذیرسولنگی کی خدمات کو خراج تحسین پیش کرتی ہے ‘ امیرعلی سولنگی کا عمر نذیر سولنگی کو تعزیتی ٹیلیفون
کراچی ( اسٹاف رپورٹر ) پاکستان سولنگی اتحاد پنجاب کے صدر کی حیثیت سے ملک نذیر سولنگی نے برادری کو منظم و یکجا رکھنے کیلئے جو مثالی و قابل تحسین خدمات انجام دی ہیں اور برادری کی فلاح و بہبود کیلئے جس طرح شب و روز محنت کی ہے اس کیلئے سولنگی برادری ملک نذیر سولنگی کو خراج تحسین پیش کرتی ہے ۔ پاکستان سولنگی اتحادکے برزگ رہنما امیر علی سولنگی نے پاکستان سولنگی اتحاد پنجاب کے صوبائی صدر ملک نذیر سولنگی کے انتقال پر ان کے صاحبزادے ملک عمر سولنگی سے ٹیلیفونک تعزیت کرتے ہوئے کہا کہ ملک نذیر سولنگی کے انتقال سے پاکستان سولنگی اتحاد ایک ایسے عظیم نقصان سے دوچار ہوا ہے جس کا ازالہ و تلافی ناممکن ہے ۔امیر سولنگی نے مزید کہا کہ ملک نذیر سولنگی ملک و قوم سے مخلص ایک ذمہ دار پاکستانی شہری ہی نہیں بلکہ سولنگی برادری کی فلاح و بہبود کیلئے مصروف عمل ایک سیاسی شخصیت بھی تھے جو ہمیشہ ہر ایک کے دکھ درد اور خوشی و غم میں شریک رہا کرتے تھے ان کے انتقال کا رنج و صدمہ پوری قوم کو ہے اور دکھ کی اس گھڑی میں پوری سولنگی قوم ملک عمر نذیر سولنگی ودیگر لواحقین کیساتھ ہے !
سی پیک، ٹول ٹیکسوں سے ملک ترقی نہیں کرتے، عالم علی
حافظ طاہر جمیل کا پاکستان انٹرنیشنل ایئر لائنز کے طیارہ حادثے پر دلی رنج و غم کا اظہار
