کراچی (جیوڈیسک) پولیس نے لیاقت آباد سے 10 سے زائد افراد کے قتل میں ملوث 2 ٹارگٹ کلرز کو گرفتار کرکے ان کے قبضے سے اسلحہ برآمد کرنے کا دعویٰ کیا ہے۔
ایس ایس پی وسطی کراچی پولیس عامر فاروقی نے کہا ہے کہ پولیس نے خفیہ اطلاع پر لیاقت آباد میں کارروائی کے دوران 2 ٹارگٹ کلرز کو مختلف اقسام کے اسلحے سمیت گرفتار کیا ہے، گرفتار ملزمان سابق یوسی ناظم سمیت کئی افراد کے قتل، اقدام قتل، اغوا برائے تاوان اور بھتہ خوری کی متعدد وارداتوں میں ملوث ہیں، ملزمان نے ابتدائی تحقیقات کے دوران 10 افراد کو قتل کرنے کا اعتراف بھی کرلیا ہے۔
واضح رہے کہ پولیس اور رینجرز کی جانب سے ہر روز کئی ملزمان کو گرفتار کر نے کا دعویٰ کیا جاتا ہے تا ہم شہر میں ٹارگٹ کلنگ اب بھی جاری ہیں اور گزشتہ 4 روز میں کم از کم 30 افراد اندھی گولیوں کا نشانہ بن چکے ہیں۔
بڑی صنعتوں کی پیداوار میں جولائی تا نومبر 5.23 فیصد کا اضافہ
فوم اور پلاسٹک کی کرسیاں متعارف، بید کی کرسیاں استعمال کر نے کے رجحان میں کمی
