کراچی: پولیس کی مختلف علاقوں میں کارروائی، 8 ملزمان گرفتار

Karachi

کراچی (جیوڈیسک) کراچی کے مختلف علاقوں میں پولیس نے کارروائی کرتے ہوئے ٹارگٹ کلنگ میں ملوث 8 ملزمان گرفتار کر لئے۔

ایڈیشنل آئی جی کراچی غلام قادر تھیبونے کراچی میں پریس کانفرنس کرتے ہوئے کہا کہ گرفتار ملزمان کا تعلق کالعدم تنظیموں سے ہے۔

ملزمان میں علامہ طالب جوہری کے داماد کے قتل کا ماسٹر مائنڈ بھی شامل ہے جبکہ ملزمان ابراہیم حیدری میں پولیس موبائل پر حملے میں بھی ملوث رہے ہیں۔

کراچی پولیس چیف نے مزید کہا کہ گرفتار ملزمان قتل کی سو سے زائد وارداتوں میں ملوث ہیں۔

Nasir Mehmood - Chief Editor at GeoURDU.com