کراچی(جیوڈیسک) نیشنل ہائی وے کے قریب پولیس آپریشن کے دوران جھڑپ کے نتیجے میں 9 دہشتگرد ہلاک ہوگئے۔ ایس ایس پی کراچی ملیر راؤ انوار کے مطابق نیشل ہائی وے پر محمد میاں خان گوٹھ میں دہشتگردوں کی موجودگی کی اطلاع پر آپریشن کیا گیا۔
کارروائی میں 200 سے زائد اہلکاروں نے حصہ لیا۔ پولیس کو دیکھ کر دہشتگردوں نے فائرنگ اور دستی بموں سے حملہ کردیا، پولیس کی جوابی کارروائی میں 9 دہشت گرد ہلاک ہوگئے۔
راؤ انوار کا کہنا ہے کہ دہشتگردوں کے قبضے سے گزشتہ دنوں قائد آباد میں پولیس اہلکاروں سے چھینا گیا سرکاری اسلحہ اور بارودی مواد سے بھرا ایک رکشا برآمد ہوا ہے، جس سے اندازہ ہوتا ہے کہ دہشتگردوں نے محرم الحرام کے موقع پر دہشتگردی کا منصوبہ بنارکھا تھا۔
کراچی: لیاقت آباد ٹمبرمارکیٹ میں آتشزدگی، کئی دکانیں جل گئیں
بابر غوری کا کشمیر ریلی میں بلاول کے ساتھ نازیبا سلوک پر اظہار افسوس
