کراچی (جیوڈیسک) کراچی میں نامعلوم ملزمان کی فائرنگ سے ایک شخص زخمی ہوا، جبکہ پولیس مقابلے کے دوران بھی دو ملزمان کوزخمی حالت میں گرفتار کر لیا گیا۔ پولیس کے مطابق شیرشاہ میں پنکھا ہوٹل کے قریب مبینہ پولیس مقابلے میں ایک ملزم زخمی ہوگیا،جس کے قبضے سے پستول بھی ملی ہے، زخمی ملزم کو سول اسپتال منتقل کیا گیا ہے۔
اس کے علاوہ نارتھ کراچی کے علاقے میں نامعلوم ملزمان کی فائرنگ سے 28 سالہ پرویز خان زخمی ہوا، جسے طبی امداد کی فراہمی کے لئے عباسی شہید اسپتال منتقل کیا گیا، اسٹیل ٹاون کے قریب فائرنگ سے ایک شخص زخمی ہوا، پولیس کا کہنا ہے کہ زخمی شخص دکان میں ڈکیتی کررہا تھا جو پولیس مقابلے میں گولی لگنے سے زخمی ہوا۔
کرم ایجنسی میں بارودی سرنگ سے گاڑی ٹکرا گئی، ایک ہلاک، 3 زخمی
سپریم کورٹ میں ای او بی آئی کرپشن سے متعلق از خود نوٹس کی سماعت
