کراچی (جیوڈیسک) بندرگاہ پر بندرگاہ نے جنوری 2015 میں 1لاکھ 56 ہزار 254 ٹی ای یوز کنٹینر ہینڈل کرتے ہوئے کافی سال کے بعد ایک ریکارڈ قائم کیا۔
کنٹینرز کی زیادہ تر ہینڈلنگ نجی ٹرمینلزں پر ہوئی جو مشرقی و مغربی وارفوں پر موجود ہیں، ان نجی ٹرمینلز پر بین الاقوامی بینچ مارک کے مطابق کنٹینرز کی ہینڈلنگ ہوتی ہے۔
جنوری میں کے آئی سی ٹی نے 42 ہزار279 کنٹینرز کی درآمدات اور 41 ہزار 831 کنٹینرز کی برآمدات کی ہینڈلنگ 40 جہازوں کی آمد و روانگی کے ذریعے کی جبکہ پی آئی سی ٹی نے 36ہزار 767 کنٹینرز کی درآمدات اور 33 ہزار 349 کنٹینرز کی برآمدات کی ہینڈلنگ 27 جہازوں کی آمد و روانگی کے ذریعے کی جو کراچی بندرگاہ کی اعلیٰ کارگردگی کا منہ بولتا ثبوت ہے۔
گہرے پانی کی نئے کنٹینر بندرگاہ 2016 میں آپریشنل ہونے اور بڑے جہازوں کی ہینڈلنگ سے اس کارگردگی میں مزید اضافہ متوقع ہے جب یہ پورٹ پاکستان کو ڈومیسٹک، ٹرانزٹ اور ٹرانشپمنٹ کارگو کی ہینڈلنگ کا حامل بنا دے گی جو پورے ملک کو معاشی طور پر مستحکم کرنے کی ضامن ہوگی۔
عالمی منڈی میں اضافہ، پاکستان میں روئی کی قیمتوں میں ڈیڑھ سو روپے فی من اضافہ
آصف زرداری کا چودھری شجاعت کو فون، سینٹ انتخابات پر تبادلہ خیال
