کراچی کی خبریں 27/2/2016
Posted on February 27, 2016 By Mohammad Waseem سٹی نیوز, کراچی
Nawaz Sharif
وزیراعظم قومی ترقی کیلئے مقامی خود مختاری نافذ کریں ‘ ایم آر پی
نواز شریف کے عزم کی کامیابی ایم آر پی فارمولے پر عملدرآمد سے مشروط ہے‘ امیر پٹی
ایم آر پی کا پیش کردہ فارمولہ قابل عمل‘ قومی ترقی و خوشحالی اور استحکام پاکستان کا ضامن ہے
کراچی (اسٹاف رپورٹر) پاکستان سے بیماری ‘ غربت ‘ جہالت ‘ بیروزگاری‘ دہشتگردی اور استحصال و نا انصافی کے خاتمہ کا وزیراعظم میاں نوازشریف کا عزم محب وطن روشن پاکستان پارٹی کے منشور سے اتفاق کا ثبوت ہے مگر اس عزم پر عملدرآمد کیلئے وزیراعظم کو ایم آر پی کی جانب سے پیش کردہ فارمولے پر عملدرآمد کو یقینی بنانا ہوگا ۔محب وطن روشن پاکستان پارٹی کے قائد و چیئرمین امیر پٹی نے کہا ہے کہ پاکستان کا ہر سیاستدان یقینا جمہوریت پسند‘ عوام دوست اور محب وطن ہونے کے ساتھ ملک وقوم کی خدمت کا عزم بھی رکھتا ہے مگر اس عزم کو پایہ تکمیل تک پہنچانے سے اسلئے محروم رہتا ہے کہ اس کے پاس کوئی قابل عمل فارمولہ نہیں ہوتا مگر میاں نوازشریف کی خوش قسمتی ہے کہ روشن پاکستان پارٹی کے پاس ایسا قابل عمل فارمولہ ہے جس پر عملدرآمد کے ذریعے میاں نواز شریف پاکستان کو حقیقی معنوں میں جمہوری ‘ فلاحی ‘ مستحکم ‘ ترقی یافتہ اور خوشحال ریاست بناسکتے ہیں اسلئے اپنے عزم کی تکمیل کیلئے انہیں ایم آر پی سے رابطہ کرنے کی ضرورت ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجراتی زبان کے تحفظ کیلئے تحریک چلائیں گے ‘ جی کیو ایم
گجراتی زبان کی عدم تعلیم کے باعث گجراتی پڑھنے اور لکھنے والے معدوم ہوتے جارہے ہیں
گجراتی زبان کو بطور اختیاری زبان نصاب میں شامل کیا جائے ‘ سورٹھ ویر کا حکومت سے مطالبہ
کراچی ( اسٹاف رپورٹر ) گجراتی قومی موومنٹ کے سربراہ گجراتی سرکار امیرسولنگی عرف پٹی والا المعروف سورٹھ ویر نے کہا ہے کہ گجراتی زبان کی عدم تعلیم کے باعث گجراتی پڑھنے اور لکھنے والے معدوم ہوتے جارہے ہیں جس کی وجہ سے پاکستان میں شائع ہونے والے گجراتی زبان کے واحد دو اخبارات وطن گجراتی اور ملت گجراتی کے قارئین کی تعداد انگلیوں پر گنی جانے لگی ہے جو اس بات کا ثبوت ہے کہ گجراتی بولنے والوں کی دلچسپی اور حکمرانوں کی عدم توجہ کے باعث گجراتی زبان معدوم و مفقود ہوتی جارہی ہے مگر گجراتی قومی موومنٹ ایسا نہیں ہونے دے گی اورگجراتی زبان کے تحفظ کیلئے نہ صرف گجراتی میں تعلیم دینے والے اسکول قائم کرے گی بلکہ گجراتی کو بطور اختیاری مضمون اسکولوں میں پڑھائے جانے کی تحریک بھی چلائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عوام راحیل شریف کی جان دیکھنے پر مجبور ہوچکے ہیں‘ سولنگی اتحاد
حکمرانوں کے اعمال نے عوام کو جمہوریت کے نام سے بھی بیزار ومتنفر کردیا ہے ‘ امیر علی سولنگی
جمہوریت پر اس سے برا وقت نہ تو کبھی نہیں آیا تھا اور نہ ہی آسکتا ہے‘ سردار اکرم حسین سولنگی
کراچی ( اسٹاف رپورٹر ) چیئرمین سینٹ رضا ربانی کی یہ بات برحق ہے کہ سیاہ بادل وفاق کو گھیرے میں لے رہے ہیں کیونکہ جمہوریت کے نام پر اقتدار پانے والوں نے مفادپرستی ‘ کمیشن وصولی اور کرپشن کے ساتھ عوامی استحصال ‘ قومی اداروں کی تباہی ‘ نا انصافی ‘ جبرو زیادتی اور غیر جمہوری روایات کے ذریعے نہ صرف ملک کو نازک دوراہے پر لاکھڑا کیا ہے بلکہ جمہوریت کا مستقبل خطرے میں ڈالنے کیساتھ عوام کیلئے جمہوریت کا امیج بھی تباہ و برباد کردیا ہے ۔ پاکستان سولنگی اتحاد کے سینئر و بزرگ رہنما امیر سولنگی ‘سردار شبیر سولنگی ‘ سردار اکرم سولنگی ‘ سردار راحیل سولنگی ‘ سردار خادم حسین سولنگی و دیگر نے کہا ہے کہ جمہوریت کی قیام ‘ تحفظ اور استحکام کیلئے ہمیشہ قربانیاں دینے والے عوام بھی اب حکمرانوں کے اعمال کے باعث جنرل راحیل شریف کی جانب دیکھ رہے ہیں جو اس بات کا ثبوت ہے کہ جمہوریت پر اس سے برا وقت کبھی نہیں آیا تھا اور نہ آسکتا ہے جس کے ذمہ دار عوامی و قومی مفادات پر ذاتی و گروہی مفادات کو ترجیح دیکر عوام کا استحصال اور انہیں مصائب و آلام سے دوچار کرنے والے حکمران ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بیمار کمانڈو کو علاج کیلئے بیرون ملک جانے دیا جائے ‘ راجونی اتحاد
آئین سے کھلواڑ کے احتساب کیلئے مشرف کا زندہ رہنا انتہائی ضروری ہے‘ اقبال ٹائیگر
بیمار کمانڈواورناتواں رہنما قوم کی تعمیر و ترقی کا مشن مکمل نہیں کرسکتا ‘سردارخادم حسین سولنگی
کراچی ( اسٹاف رپورٹر)پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما سردار خادم حسین سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ اور خان آف بدھوڑہ یحییٰ خانجی تنولی ودیگر نے مشرف کی حالت اور بار بار طبیعت بگڑنے کے باعث اسپتال منتقلی پر اظہار افسوس کرتے ہوئے کہا ہے کہ کمانڈو کی بیماری قوم کیلئے تشویش انگیز ہے کیونکہ قوم جانتی ہے کہ بیمار کمانڈو نہ تو قوم کی حالت میں بہتری کی جنگ لڑسکتا ہے اور نہ ہی ناتواں رہنما قوم کی تعمیرو ترقی کا مشن مکمل کرسکتا ہے اسلئے مشرف کی جماعت کی جانب سے مشرف کی علاج کیلئے بیرون جانے کی درخواست پر سنجیدہ توجہ دی جائے کیونکہ احتساب کیلئے انسان کا زندہ رکھا جانا ضروری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
راحیل شریف کی ملازمت میں توسیع قومی ضرورت ہے ‘ این جی پی ایف
راحیل شریف کی قیادت میں افواج پاکستان ملک و قوم سمیت دنیا بھر کا مستقبل محفوظ بنارہی ہیں
آپریشن ضرب عضب کی کامیابی کیلئے راحیل شریف کی مدت ملازمت میں توسیع ناگزیر ہے
کراچی ( اسٹاف رپورٹر ) آپریشن ضرب عضب کے ذریعے افواج پاکستان نے وطن و عوام کو دہشتگردی سے پاک کرکے پر امن و محفوظ بنانے کے جس عمل کا آغاز کیا آرمی چیف راحیل شریف نے اسے منطقی انجام تک پہنچانے کیلئے اس آپریشن کے آخری مرحلے پر عملدرآمد کے آغاز اور دہشتگردوں کی باقیات سمیت ان کے سہولت کاروں کے خاتمے کی بھی ہدایات جاری کردی ہیں جو پاکستان اور آئندہ نسلوں کے مستقبل کے تحفظ کی جانب مثبت ‘ مو ¿ثر ‘قابل تحسین وتقلید ہی نہیں بلکہ فوج کے ساتھ ہر ممکن تعاون و اظہار یکجہتی کا متقاضی بھی ہے ۔نیکسٹ جنریشن پروٹیکشن کے چیف عمران چنگیز ی نے جنرل سیکریٹری امیر علی خواجہ اور ایم آر پی سربراہ امیر پٹی کے ہمراہ میڈیا نمائندگان سے بات چیت کرتے ہوئے کہا کہ آپریشن ضرب عضب کے خاتمے اور دہشتگردی سے مکمل نجات تک فوج کو اسی سربراہی کی ضرورت ہے جو جنرل راحیل شریف کی صورت موجودہے جبکہ وزیراعلیٰ پنجاب شہباز شریف اور سابق صدر آصف زرداری کی جانب سے این جی پی ایف و عوام کے راحیل شریف کے ضرب عضب کے خاتمے تک سربراہ عساکر کی ذمہ داریاں جاری رکھنے مطالبہ کی حمایت یقینا قوم کیلئے خوش آئند اور اس بات کا ثبوت ہے راحیل کی مدت ملازمت میں توسیع صرف عوامی مطالبہ ہی نہیں بلکہ سیاسی ‘ عسکری اور قومی ضرورت کے ساتھ ملک و قوم اور آئندہ نسلوں کے محفوظ مستقبل کی ضمانت بھی ہے۔
میاں محمد اشفاق لاہوری طویل عرصہ بیماری کے بعد گزشتہ روز لاہور میں انتقال کر گئے
لندن پولیس کے پاس موجود پارٹی فنڈ کی رقم قانونی ہے، ایم کیو ایم
