کراچی (جیوڈیسک) منگھو پیر میں سرچ آپریشن کے دوران ایک گھر میں چھپے دہشت گردوں اور رینجرز میں فائرنگ کا تبادلہ ہوا۔
مقابلے میں پانچ دہشت گرد مارے گئے۔ رینجرز ترجمان کے مطابق دہشت گردوں سے دھماکا خیزمواد اور اسلحہ برآمد کیا گیا۔ دہشت گردوں کا تعلق کالعدم تحریک طالبان پاکستان سے تھا۔ دہشت گرد کراچی میں بڑی تخریب کاری کا منصوبہ بنا رہے تھے۔
پولیس نے تیموریہ اور پاپوش میں مقابلوں میں پانچ ملزمان کو گرفتار کر لیا۔ ملیر جمعہ گوٹھ اور یوپی موڑ پر نامعلوم افراد کی فائرنگ سے تین افراد زخمی ہو گئے۔
