کراچی (جیوڈیسک) کراچی کے مدرسہ سے ملنے والی بچیوں کو گورنر خیبر پختونخوا سردار مہتاب احمد خان کی ہدایت پرآج صبح پشاور لایا جا رہا ہے، سرکاری تحویل میں آبائی علاقے باجوڑ میں والدین کے سپرد کیا جائے گا، پی آئی اے کی پرواز آج صبح ساڑھے 9 بجے کراچی سے پشاور پہنچے گی۔
بچیوں کوگورنر خیبر پختونخوا سردار مہتاب احمدخان کی ہدایت پر لایا جارہا ہے۔ سرکاری بیان کے مطابق گورنر نے ایڈیشنل چیف سیکرٹری فاٹا اور دیگر حکام کو بچیوں کا پورا خیال رکھنے کی ہدایت کی ہے۔
سرکاری بیان کے مطابق بچیوں کو پشاور پہنچنے کے بعد سرکاری تحویل میں باجوڑ پہنچایا جائے جبکہ انہیں ہر صورت صرف ان کے والدین اور خاندانوں کے سپرد کیا جائے۔
