کراچی (جیوڈیسک) کراچی میں اتحاد ٹاؤن اور سپرہائی وے پر افغان بستی میں رینجرز نے سرچ آپریشن کیا۔ آپریشن کے دوران دہشت گردوں کی فائرنگ اور دستی بم حملے میں ایک رینجرز اہلکار زخمی جبکہ جوابی کارروائی میں 5 ملزمان مارے گئے۔ آپریشن میں غیر ملکیوں اور مبینہ کالعدم تنظیم کے ارکان سمیت 18 ملزمان گرفتار کر کے اسلحہ برآمد کر لیا گیا۔
ترجمان رینجرز کے مطابق اتحاد ٹاؤن کے علاقے محمد خان کالونی میں دہشت گردوں کی موجودگی کی اطلاع پرٹارگٹڈ آپریشن کیا گیا۔ کارروائی کے دوران دہشت گردوں نے رینجرز اہلکاروں پر فائرنگ اور دستی بم سے حملہ کیا جس کے نتیجے میں ایک رینجرز اہلکار زخمی ہو گیا۔ رینجرز کی جوابی کارروائی کے بعد دہشت گرد حب ریور روڈ کی جانب فرار ہو گئے جہاں ملزمان اور رینجرز کے درمیان فائرنگ کا تبادلہ ہوا۔۔
مقابلے میں مبینہ طور پر 3ملزمان مارے گئے جن کے قبضے سے دستی بم، 2 ایس ایم جی رائفل اور ایک پستول برآمد ہوا۔ رینجرز نے علاقے میں کارروائی کرتے ہوئے 18 ملزمان کو گرفتار کر کے 46 مختلف اقسام کے ہتھیار برآمد کر لیے۔ اس سے قبل سپرہائی وے پر افغان بستی سے متصل چاول گودام کے قریب رینجرز افسر پر فائرنگ کے بعد مشتبہ افراد کی گرفتاریوں کے لیے رینجرز نے چھاپے مارے۔
اس دوران رینجرز اور مشتبہ افراد میں فائرنگ کا تبادلہ ہوا جس میں 2 ملزمان مارے گئے۔ ہلاک ملزمان کے قبضے سے ایک ہینڈ گرینیڈ اور 2 کلاشنکوف برآمد ہوئیں۔ ترجمان رینجرز کا دعویٰ ہے کہ ملزمان حلیے سے کالعدم تحریک طالبان کے دہشت گرد معلوم ہوتے ہیں۔
رکن صوبائی اسمبلی سندھ سید سردار احمد نے بلدیاتی مسائل کے حوالے سے اللہ والا ٹائون سے آئے ہوئے وفد سے ملاقات کی
حکومتی مطالبات پر طالبان شوریٰ کی مشاورت جاری ہے، ترجمان طالبان کمیٹی
