کراچی کی خبریں 9/1/2017
Posted on January 9, 2017 By Mohammad Waseem سٹی نیوز, کراچی
Tax
ٹیکس نظام میں احتساب کی روایت مستحکم کی جائے ‘ راجونی اتحاد
ٹیکس وصولی کو بہتر بنانے کیلئے مروجہ ٹیکس سسٹم میں انقلابی تبدیلیوں کی ضرورت ہے‘ عمران چنگیزی
طبقاتی نظام اور غریبوں پر ٹیکس لگاکر سرمایہ داروں کو چھوٹ کی روایت بجٹ خسارے کو بڑھارہی ہے
کراچی (اسٹاف رپورٹر) پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی نے کہا ہے کہ حکومت نے رواں مالی سال کے دوران بجٹ خسارہ محدود رکھنے کی جو امید لگائی تھی، اسٹیٹ بنک نے آمدن اوراخراجات کا فرق مجموعی پیداوار کے پانچ فیصد تک پہنچنے کا خدشہ ظاہر کر کے سرکاری امیدوں پر پانی پھیر دیاہے جبکہ اسٹیٹ بنک کی جانب سے 2017ءکی پہلی سہ ماہی میں مالی خسارہ چار سو ارب روپے تک بڑھنے کا خدشہ و اندیشہ حکومتی ناقص کارکردگی کا ثبوت اور اس بات کا اعتراف ہے کہ حکمران طبقہ اعدادوشمار کے گورکھ دھندے میں پھنساکر عوام کو مسلسل بیوقوف بنارہا ہے اور ملک و قوم کی تعمیر و ترقی اور خوشحالی کے نام پر لئے جانے والے بیرونی و اندرونی قرضہ جات و امداد ملک و قوم پر خرچ ہونے کی بجائے حکمرانوں کی تجوریوں میں مقید ہورہی ہے یا ان کے تعیشات کیلئے استعمال کی جارہی ہے اور اگر کچھ بچ جاتا ہے تو اسے بیرون ملک آف شور کمپنیاں بنانے کیلئے منتقل کردیا جاتا ہے ۔ اشیائے ضرورت کی قیمتوں کے تعین میں عام طور پر بجٹ میں لگائے جانے والے ٹیکسوں اور مختلف محصولات اور بجلی گیس، پٹرول وغیرہ کی قیمتوں اور ٹرانسپورٹ کرایوں کا حساب تو لگاتے ہیں لیکن ان قیمتوں پر رشوت، بدعنوانی اور تعیشات کی جوتہیں چڑھتی ہیں، اس پر بہت کم توجہ دی جاتی ہے جو مہنگائی میں اضافے کا اصل سبب بنتی ہیں ٹیکس وصولی کو بہتر بنانے کیلئے مروجہ ٹیکس سسٹم میں انقلابی تبدیلیوں کی ضرورت ہے مالی خسارے کے اسباب میں ٹیکس چوری سرفہرست ہے۔ احتساب کے نظام کو فول پروف بنا کر اس خسارے اور مہنگائی کا خاتمہ ممکن ہے۔ ٹیکس گزاروں کومناسب سہولیات دی جائیں۔ تاکہ اکٹھا ہونے والا ریونیو سرکاری اہلکاروں کی جیبوں میں جانے کے بجائے قومی خزانے میں جمع ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکمران اپنی عیاشیوں کیلئے ملک و قوم گروی رکھ چکے ہیں ‘ ایم آر پی
حکمرانوں نے ملک و قوم کو 233کھرب 89ارب60کروڑ کے قرضوں میں ڈبودیا ہے
معاشی خوشحالی کے دعوے کرنے والے دھوکہ باز اور قومی مجرم ہیں ان کا احتساب کیا جائے
کراچی (اسٹاف رپورٹر) قرضوں کے ذریعے معیشت کی کاسمیٹک سرجری کے ذریعے قوم کو دھوکہ دینے کی حکومتی کی پالیسی کی مذمت کرتے ہوئے محب وطن روشن پاکستان پارٹی کے قائد و چیئرمین امیر پٹی نے کہا ہے کہ حکمران طبقہ کی شاہ خرچیوں ‘ کرپشن اور لوٹمار نے ہر پاکستانی کو اوسطاً ایک لاکھ پندرہ ہزار نو سو گیارہ روپے کا مقروض بنادیا ہے اور اسٹیٹ بنک کی رپورٹ کے مطابق پاکستان کے واجب الادا قرضوں اور واجبات کا مجموعی حجم 233 کھرب 89 ارب 60 کروڑ روپے ہو گیاہے مگر اس کے باوجود نہ تو ملک میں انفرا اسٹرکچر میں کوئی بہتری آئی ہے ‘ نہ بجلی ‘ پانی و گیس کا بحران ختم ہوا ہے ‘ نہ عوام کو علاج و معالجہ یا تعلیم کی سہولیات کی فراہمی میں کوئی انقلاب دکھائی دے رہا ہے اور نہ ہی عوام کو مہنگائی اور بیروزگاری سے نجات حاصل ہوئی یا اس کی معاشی حالت بہتر ہوئی ہے جو اس بات کا ثبوت ہے کہ بیرونی قرضے ملک و قوم کی نہیں بلکہ مقتدر طبقات کی خوشحالی ‘ عیاشی اور لوٹمار کیلئے لئے جارہے ہیں اور اگر قرض لیکر ملک چلانے کی پالیسی جاری رکھنے والے اس ملک پر مزید تادیر مسلط رہے تو بہت جلد کل قرضوں کا سالانہ سود ہماری کل قومی آمدنی سے تجاوز کر جائے گاجس کے بعد جو ہوگا اس کا تصور تک انتہائی بھیانک ہے مگر یہ حقیقت ہے کہ اس قومی تباہی و بربادی کے ذمہ دار کرپشن و کمیشن کے رسیا قرض لیکر ملک چلانے اور معیشت میں خوشحالی کے جھوٹے دعوے کرنے والے ہوں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سی پیک دشمن پھر سے کراچی کو ہٹ لسٹ پر لارہے ہیں ‘جی کیو ایم
کراچی میںپھرجہادی و سیاسی جماعتوں کے عوام وامن دشمنوں کا اثرو نفوذ بڑھتا دکھائی دے رہا ہے
کراچی میں پھر امن کی تباہی رینجرز و فوج اور نئے آرمی چیف کی بدنامی کے اسباب پیدا کرے گی
کراچی ( اسٹاف رپورٹر )گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے ایک بار پھر اغوا ¿ برائے تاوان اور قتل و غارت گری کی وارداتوںکے آغاز پر اظہار تشویش کرتے ہوئے کہا ہے کہ فوج ‘ رینجرز اور پولیس نے انتہائی ذمہ داری و جانفشانی سے بہترین کارکردگی کا مظاہرہ کرتے ہوئے شہر کو پر امن بنانے کا جو کارنامہ انجام دیا تھا اسکی بناءپر کراچی کے عوام خود کو محفوظ تصور کرنے لگے تھے مگر اب جبکہ مقامی سیاسی جماعتوں کے عسکری ونگز کا خاتمہ کردیا گیا ہے اور سیاسی جماعتوں میں شامل امن دشمن کالی بھیڑیں بتدریج کیفر کردار تک پہنچادی گئی ہیں اچانک شہر میں دوبارہ سے قتل و غارت اور اغواءبرائے تاوان کی وارداتوں کا آغاز تشویشناک اور اس بات کی علامت ہے کہ کراچی میں ایکبار پھر جہادی تنظیموں کے علاوہ سیاسی جماعتوں کے عوام وامن دشمنوں کا اثرو نفوذ بڑھتا جارہا ہے جس پر قابو پانے کی ضرورت ہے بصورت دیگر کراچی میں پھر سے امن کی تباہی رینجرز کی ہی نہیں بلکہ فوج اور بالخصوص نئے آرمی چیف کی بدنامی کے اسباب پیدا کرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چیف جسٹس طبقاتی نہیں حقیقی انصاف کی فراہمی یقینی بنائیں ‘ سولنگی اتحاد
قومی مفادات کو نقصان پہنچانے والے ہر فرد کا بلا تفریق و تخصیص احتساب کیا جائے‘ امیرعلی سولنگی
جسٹس ثاقب نثار کو 25ویں چیف جسٹس کی حیثیت سے حلف اٹھانے پرسولنگی اتحاد کی مبارکباد
کراچی ( اسٹاف رپورٹر ) جسٹس ثاقب نثار کو پاکستان کے 25ویں چیف جسٹس کی حیثیت سے حلف اٹھانے پر مبارکباد پیش کرتے ہوئے پاکستان سولنگی اتحادکے بزرگ رہنما امیر علی سولنگی ‘ ملک عمر نذیر سولنگی ‘معین سولنگی ‘ غلام نبی سولنگی‘اصغر علی سولنگی ‘سبحان سولنگی‘محمد ذبیر سولنگی‘حبیب خان سولنگی ‘اکرم سولنگی‘برخوردار سولنگی‘شفقت نذیر سولنگی‘ اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ ڈاکٹر قدیر سولنگی‘ نعمت اللہ سولنگی و دیگر نے یقین ظاہر کیا کہ جسٹس ثاقب نثار ملک میں آئین و قوانین کی پاسداری یقینی بناتے ہوئے عدل و مساوات کے اسلامی اصولوں کے مطابق وطن عزیز میں انصاف کا بول بالا کریں گے اور قومی و عوامی مفادات کو نقصان پہنچانے والے ہر فرد کا بلا تفریق و تخصیص احتساب کرتے ہوئے پانامہ لیکس میں ملوث تمام ملزمان سمیت ملک و قوم کو لوٹنے ‘ کرپشن و کمیشن ‘ اختیارات کے ناجائز استعمال اور دہشتگردوں و امن دشمنوں سمیت ہر قسم کی عوام دشمن مافیاز کی سرپرستی کرنے والوں کو کیفر کردار تک پہنچاکر عدلیہ کے دامن پر لگے سابقہ تمام داغوں کو دھوئیں گے۔
پیرمحل کی خبریں 9/1/2017
ماں باپ کے ادب میں عزت ہے ان کی خدمت کرکے زیادہ سے زیادہ نیکیاں سمیٹنا چاہئے، ایم اے تبسم
