کراچی (جیوڈیسک) شہر میں جعلی کسٹم دستاویزات کے ذریعے سے اربوں روپے کا سونا اسمگل ہونے کا انکشاف ہوا ہے وزیرداخلہ نے نوٹس لیتے ہوئے ایف آئی اے کو معاملے کی تحقیقات کا حکم دے دیا ہے۔
ایف آئی اے سندھ زون کی تحقیقات کے دوران کراچی میں 35 ارب روپے مالیت کے سونے کی اسمگلنگ کا انکشاف ہوا، یہ سونا جعلی کسٹم دستاویزات کے ذریعے کراچی منگوایا گیا اور جب ایف آئی اے نے تحقیقات کا دائرہ کار بڑھایا تو یہ بات سامنے آئی کہ یہ سونا اسمگل کیا گیا ہے۔
ڈی جی ایف آئی اے غالب بندیشہ نے گورنر اسٹیٹ بینک سے ملاقات کر کے معاملے کی تحقیقات کا دائرہ کار بڑھانے کا فیصلہ کیا ہے جب کہ صرافہ مارکیٹ جیولرز کی جانب سے ایف آئی پر دباؤ ڈالا جا رہا ہے کہ اگر معاملے کی تحقیقات آگے بڑھائی گئیں تو پھر سخت درعمل کا سامنا کرنا پڑے گا۔
وزیر داخلہ چوہدری نثار علی خان نے سونے کی اسمگلنگ کو بدترین قرار دیتے ہوئے ذمہ داروں کے خلاف کارروائی کا حکم دے دیا ہے۔ وزیر داخلہ نے ایف آئی اے کو معاملے کی بغیر کسی دباؤ کے میرٹ کی بنیاد پر تحقیقات کرنے اور واقعے میں ملوث ملزمان کے نام سامنے لانے کا حکم دیا ہے۔
حصص مارکیٹ مندی سے نکل آئی، 246 پوائنٹس کا اضافہ
شاہ فیصل کالونی اور پہلوان گوٹھ میں بیگم نصرت بھٹو کی برسی پر دعائیہ تقریب کا انعقاد
