کراچی (جیوڈیسک) کراچی میں فائرنگ اور پرتشدد واقعات میں 10 افراد جاں بحق ہوگئے۔ گلستان جوہر میں ڈاکٹر اور مدرسے کے طالب علموں کے قتل کے بعد صورت حال کشیدہ اور دکانیں بند ہوگئیں۔ کراچی کے علاقے گلستان جوہربلاک 15 میں نامعلوم افراد نے ہوٹل پر فائرنگ کردی، فائرنگ سے مدرسے کے3 طالب علم جاں بحق اوردو زخمی ہوگئے۔ جاں بحق افرادکی شناخت حیات اللہ اورعلی احمد کے نام سے ہوئی ہے۔
واقعے کے بعد علاقے میں صورتحال کشیدہ ہوگئی اور مشتعل افراد نے ہوائی فائرنگ کرکے کاروبار اور دکانیں بند کرادیں اور ٹائر جلا ئے، ترجمان اہلسنت والجماعت کے مطابق جاں بحق اور زخمی افراد اہلسنت والجماعت کے ہمدرد تھے۔ اس سے قبل نامعلوم مسلح افراد نے گلستان جوہر کے علاقے بلاک 16 میں نجی اسپتال کے قریب گاڑی پر فائرنگ کردی جس سے ڈاکٹر حیدر رضا نامی شخص جاں بحق اور ایک زخمی ہوگیا۔
مقتول ڈاکٹر حیدر رضا نجی اسپتال میں سرجن تھے۔ دوسری جانب شاہ فیصل کالونی نمبرچارمیں فائرنگ سے ایک شخص جاں بحق ہوگیا۔ مقتول کی شناخت عمر فاروقی کے نام سے ہوئی ہے۔ لیاری کے علاقے کھڈا میمن مارکیٹ میں فائرنگ سے ایک شخص جاں بحق ہوا۔ سول اسپتال کے قریب ٹمبرمارکیٹ میں نامعلوم افراد کی فائرنگ سے ایک شخص ہلاک ہوگیا۔ مقتول کی شناخت اقبال شاہ کے نام سے ہوئی ہے۔ نشتر روڈ پرنامعلوم افراد کی فائرنگ سے ایک شخص جاں بحق ہوگیا۔ پرانا حاجی کیمپ اور منگھوپیر پختون آباد میں فائرنگ سے دو افراد ہلاک ہوگئے۔
حویلیاں میں شادی کی تقریب میں فائرنگ، 11 افراد ہلاک
اسلام آباد فروٹ منڈی دھماکا، پولیس آپریشن، 30 افراد گرفتار
