کراچی (جیوڈیسک) سچل گوٹھ میں تیز رفتار ڈمپر کی موٹر سائیکل کو ٹکر سے ایک بچہ جاں بحق جبکہ 3 افراد زخمی ہوگئے، واقعے کے بعد مشتعل افراد نے ڈمپر کو ہی آگ لگادی۔
کراچی کے علاقے سچل گوٹھ میں ایک موٹر سائیکل تیز رفتار ڈمپر کی زد میں آگئی جس سے ایک بچہ موقع پر ہی جاں بحق جبکہ 3 افراد زخمی ہوگئے، واقعے کے بعد ڈمپر کا ڈرائیور گاڑی سمیت فرار ہونے لگا تو اہل علاقہ نے اس کا پیچھا کیا جس پر کچھ ہی دور جاکر ڈرائیور ڈمپر چھوڑ کر ہی فرار ہوگیا، مشتعل افراد نے ڈمپر کو آگ لگادی۔
واقعے کے بعد پولیس کی جانب سے مشتعل افراد کو منتشر کرنے کی کوشش کی گئی تو لوگوں نے اہلکاروں پر بھی پتھراؤ کردیا تاہم ہوائی فائرنگ کئے جانے پر مظاہرین منتشر ہوگئے۔
پیمرا پر دباؤ سےثابت ہوتا ہے کہ حکومت اداروں کے درمیان تصادم چاہتی ہے، شیریں مزاری
مظفرگڑھ: تیسری شادی کی اجازت نہ دینے پرشوہر نے بیوی کو قتل کردیا
