کراچی (جیوڈیسک) کراچی میں شاہراہ فیصل پر تیز رفتار کار ٹائر پھٹنے کے باعث فٹ پاتھ پر لگے کھمبے سے ٹکرا گئی، جس کے باعث 2 افراد ہلاک جبکہ 2 زخمی ہوگئے ہیں۔ شاہراہ فیصل پر ائر پورٹ کی طرف سے آنے والے روڈ پر نرسری کے قریب تیز رفتار کار کا ٹائر پھٹ گیا، جس کے باعث وہ بے قابو ہوکر فٹ پاتھ پر لگے سائن بورڈ کے کھمبے سے ٹکرا گئی
جس کے نتیجے میں گاڑی میں موجود 4 افراد شدید زخمی ہوگئے، جنہیں ریسکیو ایمبولینسز کے ذریعے جناح اسپتال منتقل کیا جارہا تھا تو ان میں 2 افراد 25 سالہ فرحان اور 25 سالہ طلحہ زخموں کی تاب نہ لاتے ہوئے ہلاک ہوگئے جبکہ 25 سالہ تسبیح الحسن اور 25 سالہ سلمان شدید زخمی حالت میں زیر علاج ہیں، زخمی اور ہلاک ہونے والے ایک ہی خاندان کے افراد ہیں۔ علاقہ پولیس نے جائے حادثہ پر پہنچ کر ابتدائی تحقیق کے لیے شواہد اکٹھے کرلئے ہیں۔
انیس سو ننانوے کے مارشل لاء کو جائز قرار دینے کیخلاف درخواست خارج
وزیراعظم کی زیر صدارت توانائی بحران پر اجلاس، فرنس آئل کی طلب و رسد کا جائزہ
