کراچی (اسٹاف رپورٹر) محب وطن روشن پاکستان پارٹی کے قائد و چیئرمین امیر پٹی نے نو منتخب امریکی صدر کو کامیابی کی مبارکباد پیش کرتے ہوئے کہا ہے کہ ٹرمپ کی کامیابی پر دنیا بھر میں حیرت‘ پریشانی‘ مایوسی اور غم و غصہ کا اظہار جاری ہے مگر یہ بھی اٹل حقیقت ہے کہ خامیوں‘ بشری کمزوریوں‘ لاابالی پن اور نسلی و مذہبی حوالے سے انتہائی متعصبانہ سوچ کے باوجود امریکی عوام نے ہی انہیں منتخب کیا ہے اور وہ دنیا کے سب سے طاقتور ملک کے سربراہ بن چکے ہیں ٹرمپ کو اب بہرصورت اپنی قوم اور عالمی برادری کی توقعات پر پورا اترنا ہے ورنہ انکے بارے میںیہ قیافے درست ثابت ہونگے کہ وہ امریکی گورباچوف ہیں جن کے ہاتھوں امریکہ کے عدم استحکام کی بنیاد رکھی جائیگی۔ وہ اپنی ذات اور کردار کے حوالے سے اقوام عالم میں پیدا ہونیوالی غلط فہمیاں کیسے دور کرتے ہیں‘ اس کا اندازہ انکے صدر کے منصب پر فائز ہونے کے باعث انکی ابتدائی پالیسیوں سے بخوبی ہو جائیگا۔ اگر انہوں نے اپنی انتخابی مہم کے دوران بھارت کی جانب جھکاﺅ سے متعلق اپنی ظاہر کی گئی پالیسی برقرار رکھی تو انکے پاکستان اور چین کے ساتھ تعلقات آسودہ نہیں رہ سکیں گے اس لئے انہیں ہر قدم سوچ سمجھ کر اٹھانا ہے۔ وہ اپنی پالیسیوں سے امریکی تاریخ میں امر بھی ہوسکتے ہیں اور راندہ ¿ درگاہ بھی۔ اگر 18 بار اقتدار میں آنیوالی ری پبلکن پارٹی نے امریکی صدر کیلئے ان کا انتخاب کیا ہے تو یقیناًکچھ سوچ سمجھ کر ہی کیا ہو گا۔
۔۔۔۔۔۔۔۔۔۔۔ ۔۔۔۔۔۔۔۔۔۔۔
کراچی (اسٹاف رپورٹر) گجراتی قومی موومنٹ کے سربراہ گجراتی سرکار امیر سولنگی عرف سورٹھ ویر‘ جونا گڑھ فیدریشن کے سیکریٹری سلیم لودھی ‘ جونا گڑھ والنٹیئر کور کے سربراہ فرزند جونا گڑھ اقبال چاند ‘ پاکستان ہزارہ تنولی اتحاد کے رہنما یحییٰ خانجی تنولی ‘جونا گڑھ اسٹیٹ مسلم فیڈریشن میں شامل ویراول شیخ جماعت ،واڈلا سید جماعت ،ویراول کعبہ والیہ جماعت ، گیٹ بھگسرا سیل جماعت ،دی آل میمن جنرل جماعت ، جونا گڑھ پڈھیار جماعت ‘ آجک سید جماعت ‘جونا گڑھ سید جماعت‘ خلیفہ جماعت‘ویراول ترک جماعت‘پٹنی جماعت ‘ زہری جماعت ‘ مانگرول جماعت ‘ رند بلوچ جماعت ‘یوسفزئی خان جماعت‘اجمیری جماعت ‘اونا جماعت ‘ بانٹوا سید جماعت‘ میمن لاکھانی جماعت ‘ ونتھلی میمن جماعت‘گھانچی جماعت ‘ کتیانہ گھرانہ جماعت‘پاک سورٹھ ترک جماعت ‘کاٹھیاواڑی شیدی جماعت ‘سندھی سنگت جماعت‘ کاٹھیاواڑی سپاہی جماعت ‘اسماعیلیہ پیرائی جماعت ‘ کتیانہ میمن ایسوسی ایشن ‘قادری سید جماعت ‘قائم خانی جماعت ودیگر جماعتوں کے منتخب نمائندگان اور جونا گڑھ سے تعلق رکھنے والی دیگر برادریوں کے سربراہان و نمائندگان نے یوم سقوط جونا گڑھ کے موقع پر جونا گڑھ پر بھارتی تسلط اور جونا گڑھ کی آزادی وپاکستان سے الحاق کے حوالے سے حکومتی غیر سنجیدگی کی مذمت کرتے ہوئے کہا کہ جونا گڑھ پر بھارتی قبضہ کیخلاف حکومت نے کبھی کوئی ذمہ دارانہ و مخلصانہ کردار ادا نہیں کیا جس کی وجہ سے 69برس گزرجانے کے باوجود پاکستان کا آئینہ حصہ جونا گڑھ آج بھی بھارتی تسلط کا شکار ہے جس کی حم بھرپور مذمت کرتے ہیں اور حکمرانوں سے مطالبہ کرتے ہیں کہ کشمیر کی طرح جونا گڑھ کی آزادی و پاکستان سے الحاق کیلئے بھی عالمی سطح پر آواز اٹھائی جائے ‘ قومی سطح پر تحریک چلائی جائے اور اقوام متحدہ میں پوری دیانتداری سے جونا گڑھ کا مقدمہ لڑاجائے۔
کراچی (اسٹاف رپورٹر) ڈاکٹروں کو مسیحا کہا جاتا ہے جو بیماریوں کو زندگی کی نوید دیتے ہیں مگر بدقسمتی سے اس شعبہ میں بھی سیاست کے بد اثرات نمایاں ہو گئے ہیںاور وکلاءکی طرح ڈاکٹرز بھی جارحانہ طرز عمل اختیار کرتے ہوئے اپنے مفادات و مطالبات کیلئے اپنے فرائض منصبی کو فراموش کربیٹھے ہیں جس کی وجہ سے شعبہ مسیحائی کا تقدس پامال ہورہا ہے ۔ پاکستان سولنگی اتحاد کے سینئر و بزرگ رہنما امیرعلی سولنگی ‘ پنجاب کے صوبائی صدر ملک نذیر سولنگی اورسولنگی اتحاد کے سینئر رہنما ¶ں وعمائدین نے لاہور مین ینگ ڈاکٹرز کی ہڑتال کے باعث ہونے والی اموات ‘ مریضوں کو لاحق پریشانیوں اوان کی زندگی کو لاحق خطرات پر اظہار تشویش کرتے ہوئے کہا ہے کہ ذاتی مفادات کیلئے انسانی زندگی سے کھیلنا نہ صرف غیر انسانی ‘ غیر اخلاقی اور غیر شرعی عمل ہے بلکہ مسیحائی کے منافی بھی ہے اسلئے ڈاکٹرز اپنے مطالبات کی تکمیل اور حقوق کے حصول کیلئے قانونی جنگ لڑیں ہڑتال کے ذریعے مریضوں کی زندگی خطرات میں ڈالنے سے گریز کریں جبکہ حکومت فوری ایسے اقدامات کرے کہ مریضوں کی جان خطرے میں نہ پڑے اور مسیحا ¶ں کو بھی کسی قسم کی شرمندگی اور نقصان نہ ہو ۔
کراچی کی سیاست کا رخ اب بدلے گا، سیاسی بھرتیوں کے خلاف آپریشن ہو جائے تو یہ ایک نیا آغاز ہو گا
گرین لائن پروجیکٹس سے پیدا شدہ مسائل فوری دور کئے جائیں۔ ریحان ہاشمی
