کراچی (جیوڈیسک) کراچی کے علاقے گرومندر میں خودکش حملے میں زخمی ہونے والا پولیس اہل کار اسپتال میں چل بسا ، جس کے بعد مرنے والوں کی تعداد چار ہوگئی ہے۔ حملے میں جاں بحق صدر زرداری کے چیف سیکیورٹی آفیسر بلال شیخ کی نماز جنازہ آج ادا کی جائے گی۔ صدر آصف زرداری کے چیف سیکیورٹی آفیسر بلال شیخ پر خودکش حملہ گزشتہ روز جامع مسجد بنوری ٹاون کے قریب کیا گیا۔
پولیس کے مطابق بلال شیخ اپنی بلٹ پروف گاڑی سے پھل لینے کے لئے اترے تو خود کش حملہ آور نے گاڑی کے قریب آکر خود کو اڑا لیا، دھماکے میں بلال شیخ، ان کا ساتھی عرفان زیدی اور پھل فروش حال جاں بحق جبکہ 13 افراد زخمی ہوگئے۔ زخمیوں کو سول ھسپتال منتقل کیا گیا جہاں رات گئے پولیس اہلکار خوش حال نے دم توڑ دیا۔ بلال شیخ کی میت گلبہار کالونی میں ان کے گھر پہنچادی گئی ہے۔ نماز جنازہ آج نماز ظہر کے بعد ادا کی جائے گی اور تدفین لیاقت آباد قبرستان میں ہوگی۔
بلال شیخ کا قتل : پیپلزپارٹی کا کل کراچی میں پر امن یوم سوگ کا اعلان
لاہور : رمضان میں بھی 10 گھنٹے بجلی بند رہے گی
