کراچی (جیوڈیسک) کراچی میں گلستان جوہر کے علاقے میں گزشتہ روز رینجرز اہلکار کے ہاتھوں ٹیکسی ڈرائیور کے قتل کے بعد رینجرز کے مزید 3 اہلکاروں کو پولیس کے حوالے کر دیا گیا۔ پولیس کے مطابق حراست میں لئے گئے رینجرز اہلکاروں میں سپاہی قدیر، سپاہی وقار اور لانس نائیک برکت شامل ہیں، جبکہ گولی چلانے والے اور قتل کے مقدمے میں باقاعدہ طور پر نامزد رینجرز کے لانس نائیک غلام رسول کو مقتول مراد علی کی بیوہ نے پہلے ہی روز نامزد کیا تھا۔
مقدمہ قتل کی دفعہ 302 کے تحت گزشتہ روزگلستان جو ہر تھانے میں درج کیا گیا تھا، جبکہ رینجرز کے لانس نائیک غلام رسول کو ڈی جی رینجرز کے نوٹس لینے کے بعد وقوع والے دن ہی گرفتار کر لیا گیا تھا، رینجرز اہلکاروں کی ایس ایم جیز کو بھی پولیس کی تحویل میں دے دیا ہے،جنھیں آج عدالے میں پیش کیا جائے گا۔
لاہور : شوہر نے گھریلو جھگڑے میں فائرنگ کر کے بیوی کو ہلاک کر دیا
کراچی : تاوان کیلئے اغوا کی گئی تین سالہ بچی بازیاب، 3 ملزم ہلاک
