کراچی (جیوڈیسک) کراچی میں وزیر اعلی سندھ نے اچانک سینٹرل جیل کا دورہ کیا اور قیدیوں کی سزاں میں دو ماہ کمی کا اعلان کر دیا۔ بعدازاں وزیر اعلی نے فیروزآباد تھانے اور جناح اسپتال کا دورہ بھی کیا۔ کراچی میں وزیر اعلی سندھ قائم علی شاہ اچانک سینٹرل جیل پہنچے اور سیکیورٹی انتظامات کا جائزہ لیا۔
قیدیوں سے ملاقات کی اور ان کے مسائل بھی پوچھے۔ اس موقع پر ان کے ہمراہ اویس مظفر اور وزیر اطلاعات شرجیل انعام میمن بھی تھے۔ ذرائع سے گفتگو کرتے ہوئے انہوں نے کہا کہ کراچی میں سینٹرل جیل پر بھی تھریٹس موجود ہیں۔
سینٹرل جیل کے بعد وزیر اعلی سندھ فیروز آباد تھانے پہنچے۔ ایس ایچ او کو علاقے میں گشت بڑھانے کے احکامات دیئے اور جناح اسپتال روانہ ہو گئے جہاں انہوں نے ایمرجنسی وارڈ کا دورہ کیا اور مریضوں کی عیادت کی۔
توہین عدالت کیس میں آج سپریم کورٹ پیشی، معافی نہیں مانگوں گا: عمران خان
پشاور: پولیس نے تخریب کاری کا بڑا منصوبہ ناکام بنا دیا
