کراچی(جیوڈیسک)کراچی کے علاقے ناظم آباد انڈر پاس کے قریب ٹریفک حادثے میں خاتون سمیت دو افراد جاں بحق ہوگئے۔ پولیس کے مطابق ناظم آباد انڈر پاس کے قریب سامان منتقل کرنے والے ٹرک کا ڈرائیور تیز رفتاری کے باعث ٹرک پر قابو نہیں رکھ سکا اور موٹر سائیکل سوار کو پیچھے سے ٹکر ماردی، جس کے نتیجے میں خاتون اور موٹرسائیکل سوار مرد زخمی ہوگئے۔
جنہیں طبی امداد کے لیے عباسی شہید اسپتال منتقل کیا جارہا تھا کہ دونوں زخمی راستے میں دم توڑ گئے۔ جاں بحق ہونے والے افراد کی شناخت شجاع الدین اور روبی کے نام سے ہوئی ہے۔ واقعے کے بعد ٹرک کا ڈرائیور ایکسیڈنٹ کے مقام سے فرار ہورہا تھا کہ پولیس نے اسے گرفتار کرلیا، جبکہ دوسری جانب ٹریفک حادثے کے بعد نامعلوم افراد نے ٹرک کو آگ لگادی، فائر بریگیڈ کے عملے نے تین فائر ٹینڈروں کی مدد سے ٹرک میں لگنے والی آگ پر قابو پالیا۔
تحریک انصاف آج لاہور کے مینار پاکستان گرانڈ میں جلسہ کرے گی
بنکاک : میا نمار کے مہاجرین کیمپ میں لگی آگ سے42 افراد ہلاک
