کراچی (جیوڈیسک) کورنگی میں ایک خاتون کے ہاں دو سر والا بچہ پیدا ہوا تاہم حالت انتہائی تشویشناک ہونے کے باعث اسے اسپتال لایا گیا جہاں وہ توڑ گیا۔
کراچی کے علاقے کورنگی کی رہائشی خاتون کے ہاں ایک بچہ پیدا ہوا جس کے دو سر تھے۔ بچے کی حالت تشویشناک ہونے پر بچے کا باپ اسے نیشنل انسٹیٹیوٹ آف چائلڈ ہیلتھ لے آیا تھا جہاں ڈاکٹروں نے اس کے معائنے کے لئے ماہر ڈاکٹروں پر مشتمل ایک بورڈ تشکیل دے دیا۔
طبی معائنے کے بعد پتہ چلا کہ بچے کے دو سر ، دو دماغ اور ریڑھ کی دو ہڈیاں تھیں جبکہ سانس کی ایک نالی، ایک دل، ایک جگر اور دو پھیپڑے تھے۔ ڈاکٹروں کی جانب بچے کو بچانے کی بھرپور کوششیں کی گئیں تاہم وہ جانبر نہ ہوسکا اور چند ہی گھنٹے میں دم توڑ گیا۔
ماہرین کا کہنا ہے کہ دوران حمل پیدا ہونے والی پیچیدگیوں کی وجہ سے اس طرح کی صورت حال سامنے آتی ہیں اور اس قسم کی حالت میں بچے زیادہ عمر نہیں پاتے۔
افغان الزامات کا جواب الزامات سے نہیں دے سکتے: دفتر خارجہ
بنوں میں پولیس چوکی پر دہشتگردوں کے حملے میں 2 اہلکار شہید، 3 حملہ آور بھی ہلاک
