کراچی (جیوڈیسک) کراچی میں مفلسی اور بے روزگاری سے تنگ آکر باپ نے اپنے دو بچوں کو قتل کر دیا۔ پولیس نے باپ کو گرفتار کر لیا ہے۔ کراچی کے علاقے گارڈن میں مناف نے غربت اور بے روز گاری سے تنگ آکر اپنے دو بچوں کو چھریوں کے وار سے قتل کر دیا۔ پولیس کے مطابق ملزم مناف کا بیوی سے جھگڑا ہوا جس کے بعد اس نے اپنے دو بچوں تین سالہ عائلہ اور دس سالہ حماد کو موت کے گھاٹ اتار دیا۔
دونوں بچوں کو قتل کرنے کے بعد ملزم چھت پر چڑھ کر خود کشی کرنے کی کوشش کرنے لگا۔ علاقہ مکینوں کے شور مچانے پر پولیس موقع پر پہنچی اور ملزم مناف کو گرفتار کرکے تھانے منتقل کر دیا۔ پولیس کا کہنا ہے کہ ابتدائی تحقیقات سے یہ بات سامنے آئی ہے کہ واقعہ بیروزگاری کے نتیجے میں پیدا ہونے والی پریشانی اور مشکلات کے باعث پیش آیا۔ ملزم کو گرفتار کر لیا گیا ہے اور مزید تحقیقات جاری ہیں۔
شمالی وزیرستان، سڑک کے کنارے نصب بم دھماکا،3 فوجی اہلکار شہید
راولپنڈی: شام پر ممکنہ حملہ، جماعت اسلامی کا مظاہرہ
