کراچی(جیوڈیسک)کراچی کے مختلف علاقوں میں فائرنگ کے واقعات میں سیاسی جماعت کے کارکن سمیت 6افراد جاں بحق ہوگئے۔دھوبی گھاٹ اور میوہ شاہ قبرستان کے قریب سے 3لاشیں بھی ملی ہیں۔
پولیس کے مطابق منگھو پیر کے علاقے پختون آباد میں فائرنگ سے ایک شخص ہلاک ہوگیا،لیاری آگرہ تاج میں فائرنگ سے 2 افراد جاں بحق اوردو زخمی ہوگئے۔ملیر میمن گوٹھ میں نا معلوم افراد کی فائرنگ سے ایک شخص ہلاک ہوا۔
گارڈن کے علاقے دھوبی گھاٹ سے دو افراد کی لاشیں ملی ہیں ،جنھیں گولیاں مارکر قتل کیا گیا ،اسی علاقے میں میوہ شاہ قبرستان کے قریب سے ایک شخص کی لاش ملی ہے۔
اورنگی ٹاون کے علاقے پاکستان بازار میں نامعلوم ملزمان کی فائرنگ سے ہوٹل پر بیٹھا ایک شخص ہلاک ہوگیا،مقتول کی شناخت سید راشد کے نام سے ہوئی ہے،ادھر سرجانی ٹاون کے علاقے خدا کی بستی میں مسلح ملزمان کی فائرنگ سے سیاسی جماعت کا کارکن 40 سالہ ایفتاب جاں بحق ہوگیا۔
الطاف حسین کا جنرل کیانی کے جرات مندانہ بیان کا خیرمقدم
کراچی : بلاول چورنگی کے قریب آپریشن، 25 افراد زیرحراست،اسلحہ برآمد
