کراچی کی خبریں 2/1/2017
Posted on January 2, 2017 By Mohammad Waseem سٹی نیوز, کراچی
Karachi
دہشتگردی کیخلاف عالمی اتحاد سال نو کا اَولین تقاضہ ہے ‘ ایم آر پی
حیوان ہر مذہب میں موجود ہیں ‘ دہشتگردی کو صرف اسلام سے منسوب کرنا حماقت و جہالت ہے
داعش و طالبان سمیت تمام دہشتگرد تنظیموں کیخلاف مشترکہ عالمی کاروائی ناگزیر ہوچکی ہے ‘ امیرپٹی
کراچی (اسٹاف رپورٹر) اسلام سے منسوب کرکے قتل و غارت اور دہشتگردی کرنا مسلم دنیا کو بدنام کرنے اور اس کے مستقبل کیلئے خطرات پیدا کرنے کی سازش ہے اگر مسلم ممالک نے بروقت اس سازش اور حالات کا ادراک کرتے ہوئے دہشتگردی کیخلاف وسیع تر اتحاد نہیں بنایا اور یکجا و متحدہوکر ہمہ اقسام دہشتگردی اور قتل و غارت کو اسلامی تعلیمات کے منافی قرار نہیں دیا تو قتال و جہاد کو حکم ربی قرار دیکر دنیا میں قتل و غارت مچانے والے اسلام کو دہشتگردی کا مذہب اور مسلمانوں کو خونخوار دہشتگرد ثابت کرنے میں کامیا ب ہوجائیں گے ۔ محب وطن روشن پاکستان پارٹی کے قائد و چیئرمین امیر پٹی نے کہا کہ کس قدر طرفہ تماشہ ہے کہ دنیا میں مسلم ریاستیںا ور مسلمان ہی سب سے زیادہ دہشتگردی کا شکارو نشانہ ہیں اسکے باجود دہشتگردی کو اسلام سے ہی منسوب کیا جارہا ہے حالانکہ یہ ثابت ہوچکا ہے کہ جنونیت اور حیوانیت کا کوئی مذہب نہیں ہوتا اور ابلیسیت کے اظہار کےلئے کسی خاص مذہب سے تعلق ہونا بھی ضروری نہیں ہے اسلئے ضروری ہے کہ ایران اور عرب ریاستوں سمیت پاکستان ‘ افغانستان ‘ بنگلہ دیش و دیگر اسلامی ممالک دہشتگردی کو اسلام دشمنی اور دہشتگردوں کو ابلیس پرست قرار دیں اور داعش و طالبان سمیت تمام دہشتگرد تنظیموں کو کالعدم قرار دیکر ان کیخلاف مشترکہ کاروائی کریں اور جو مفاد پرست مذہبی و سیاسی رہنمااورانتظامی و عسکری شخصیات دہشتگردی کی کہیں بھی کسی بھی طور حمایت میں ملوث دکھائی دیں انہیں بھی دہشتگردوں جیسے انجام سے دوچار کیا جائے !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
2018ءانقلاب و تبدیلی کا سال ثابت ہوگا ‘گجراتی قومی موومنٹ
مارچ میں ہونے والی مردم شماری سے قومی و صوبائی نشستوں میں اضافہ سیاسی منظر نامہ تبدیل کریگا
عوام جان چکے ہیں کہ مرکز و صوبوں میں حکمران تینوں سیاسی جماعتیں ناکام ہوچکی ہیں ‘ گجراتی سرکار
کراچی ( اسٹاف رپورٹر ) گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے کہا ہے کہ حکمرانوں کیلئے سال نو بہت سے چیلنجز لیکر آیا ہے جس میں سب سے بڑا چیلنج مارچ میں مردم شماری کا انعقا د جس کے نتیجہ میں قومی و صوبائی اسمبلی کی نشستوں میں اضافہ کا براہ راست اثر 2018ءکے الیکشن پر ہوگا جو یقیناسیاست میں بڑی اور واضح تبدیلی کا اسلئے بھی سبب بن سکتا ہے کہ وفاق اور صوبوں میں حکمران تینوں قومی سیاسی جماعتیں کرپشن ‘ مہنگائی اور بیروزگاری کے خاتمے اور گڈ گورننس کیساتھ تحفظ ‘ امن اور انصاف و زندگی کی بنیادی سہولیات وریلیف کی فراہمی میں مکمل طور پر ناکام ہوچکی ہیں جبکہ تین دھڑوں میں بٹ جانے والے ایک سیاسی جماعت اپنی بقا کی جنگ لڑ رہی ہے اور مذہب کے نام پر سیاست کرنے والی جماعت بڑے بڑے جلسوں اور یومیہ ریلیوں کے باوجود عوام کے ووٹوں کے حصول میں ناکامی کی روایت دہراتی دکھائی دے رہی ہے خیبر پی کے ‘ سندھ ‘ بلوچستان میں قوم پرست ماضی کی طرح مستقبل میں بھی واضح سیاسی وجود سے محروم دکھائی دے رہے ہیں جو اس بات کاثبوت ہے کہ قدرت عوام کو اصلاح و درستگی کا ایک اور موقع فراہم کرنا چاہتی ہے تاکہ وہ ووٹ کا درست استعمال کرکے اپنا اور اپنی نسلوںکو مستقبل محفوظ بناسکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکس نظام میں احتساب کی روایت مستحکم کی جائے ‘ راجونی اتحاد
ٹیکس وصولی کو بہتر بنانے کیلئے مروجہ ٹیکس سسٹم میں انقلابی تبدیلیوں کی ضرورت ہے‘ عمران چنگیزی
طبقاتی نظام اور غریبوں پر ٹیکس لگاکر سرمایہ داروں کو چھوٹ کی روایت بجٹ خسارے کو بڑھارہی ہے
کراچی ( اسٹاف رپورٹر ) پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی نے کہا ہے کہ حکومت نے رواں مالی سال کے دوران بجٹ خسارہ محدود رکھنے کی جو امید لگائی تھی، اسٹیٹ بنک نے آمدن اوراخراجات کا فرق مجموعی پیداوار کے پانچ فیصد تک پہنچنے کا خدشہ ظاہر کر کے سرکاری امیدوں پر پانی پھیر دیاہے جبکہ اسٹیٹ بنک کی جانب سے 2017ءکی پہلی سہ ماہی میں مالی خسارہ چار سو ارب روپے تک بڑھنے کا خدشہ و اندیشہ حکومتی ناقص کارکردگی کا ثبوت اور اس بات کا اعتراف ہے کہ حکمران طبقہ اعدادوشمار کے گورکھ دھندے میں پھنساکر عوام کو مسلسل بیوقوف بنارہا ہے اور ملک و قوم کی تعمیر و ترقی اور خوشحالی کے نام پر لئے جانے والے بیرونی و اندرونی قرضہ جات و امداد ملک و قوم پر خرچ ہونے کی بجائے حکمرانوں کی تجوریوں میں مقید ہورہی ہے یا ان کے تعیشات کیلئے استعمال کی جارہی ہے اور اگر کچھ بچ جاتا ہے تو اسے بیرون ملک آف شور کمپنیاں بنانے کیلئے منتقل کردیا جاتا ہے ۔ اشیائے ضرورت کی قیمتوں کے تعین میں عام طور پر بجٹ میں لگائے جانے والے ٹیکسوں اور مختلف محصولات اور بجلی گیس، پٹرول وغیرہ کی قیمتوں اور ٹرانسپورٹ کرایوں کا حساب تو لگاتے ہیں لیکن ان قیمتوں پر رشوت، بدعنوانی اور تعیشات کی جوتہیں چڑھتی ہیں، اس پر بہت کم توجہ دی جاتی ہے جو مہنگائی میں اضافے کا اصل سبب بنتی ہیں ٹیکس وصولی کو بہتر بنانے کیلئے مروجہ ٹیکس سسٹم میں انقلابی تبدیلیوں کی ضرورت ہے مالی خسارے کے اسباب میں ٹیکس چوری سرفہرست ہے۔ احتساب کے نظام کو فول پروف بنا کر اس خسارے اور مہنگائی کا خاتمہ ممکن ہے۔ ٹیکس گزاروں کومناسب سہولیات دی جائیں۔ تاکہ اکٹھا ہونے والا ریونیو سرکاری اہلکاروں کی جیبوں میں جانے کے بجائے قومی خزانے میں جمع ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پلی بارگین اسکیم قوم کو کرپشن کی دعوت عام ہے‘سولنگی اتحاد
دعوت نیب ہے‘ چھوٹی چوریوں کی سزا پانے کی بجائے بڑے جرم کرو اورحصہ دیکر فرشتے کہلا ¶
پلی بار گین جیسے غیر اسلامی و غیر شرعی نظام کے خالقوں کو سر عام سنگسار کیا جانا چاہئے ‘ امیرسولنگی
کراچی ( اسٹاف رپورٹر ) پاکستان دنیا کا وہ واحد ملک ہے جہاں بھوک سے مجبور ہوکر روٹی چرانے والا تو مجرم قرار دیکر جیل بھیج دیا جاتا ہے مگر کرپشن کرنے والالوٹ کے مال میں سے لیکر فرشتہ قرار دے دیا جاتاہے اور لوٹمار کے بعد وائٹ واش کرکے مجرموں کو فرشتہ بنانے کی یہ فیکٹری قمر زمان چہودری کی سربراہی و نگرانی میں نیب کے نام سے زبردست کام کرتے ہوئے قوم کو دعوت دی رہی ہے کہ چھوٹا مجرم مت بننا وگرنہ پکڑے بھی جا ¶ گے اور سزا بھی پا ¶ گے اسلئے بڑے سے بڑا ہاتھ مارنا تو کچھ لو اور کچھ دو کے اصول کے تحت نہ صرف چھوٹ جا ¶گے بلکہ محب وطن بھی کہلا ¶گے ۔ پاکستان سولنگی اتحادکے بزرگ رہنما امیر علی سولنگی ‘ ملک عمر نذیر سولنگی ‘معین سولنگی ‘ غلام نبی سولنگی‘اصغر علی سولنگی ‘سبحان سولنگی‘محمد ذبیر سولنگی‘حبیب خان سولنگی ‘اکرم سولنگی‘برخوردار سولنگی‘شفقت نذیر سولنگی‘ اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ ڈاکٹر قدیر سولنگی‘ نعمت اللہ سولنگی و دیگرنے نیب کی پلی گین پالیسی کو اسلام و شرع سے متصادم عمل قرار دیتے ہوئے کہا کہ اسلامی ملک میں چوری و کرپشن کو قانونی شکل دینے کی لعنت کو عام کرنے والے کو سر عام سنگسار کیا جانا چاہئے ۔
آل کراچی غلام محمد حافظ اعجاز میموریل فٹ بال ٹورنامنٹ کا آغاز 5 فروری سے ہو گا
صبح و شام حفاظتی دعائیں اور درود و سلام پڑھنے سے بندہ اللہ کی رحمت میں آ جاتا ہے۔ صوفی مسعود احمد
