قصور (محمد عمران سلفی سے) ڈی پی او قصور سید علی ناصر رضوی نے کہا انصاف ہر شہری کا حق ہے جو شہریوں کو ہر صورت میں ملنا چاہیے ہم نے انصاف کی فراہمی کو یقینی بنانے کا بالکل تہیہ کر رکھا ہے اور انشاء اللہ انصاف ہوتا ہوا نظر بھی آئے گا وہ گزشتہ روز اپنے آفس میں کھلی کچہری کے دوران سائلین سے خطاب کر رہے تھے ۔انہوں نے کہا کہ وزیر اعلیٰ پنجاب کے ویژن کے مطابق اب تھانوں میں شہریوں کو عزت بھی ملے گی، انصاف بھی ملے گااور مقدمات کی تفتیش سو فیصد نہیں بلکہ ہزار فیصدمیرٹ پر ہو گی۔کھلی کچہری کے دوران 67سائلین نے درخواستیں گزاری جن پر ڈی پی او قصور نے موقع پر ہی احکامات جاری کیے۔انہوں نے کھلی کچہری کے دوران فرائض سے غفلت برتنے پر کئی ایک افسران کی سرزنش بھی کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ) پنجاب حکومت نے آئندہ مالی سال کیلئے تاریخ ساز بجٹ دیا ہے ۔عوام دوست ،کسان دوست،متوازن اورترقیاتی بجٹ سے پنجاب میں ترقی اورخوشحالی کے نئے دور کا آغا ز ہوگا اورپنجاب کا تاریخی بجٹ صوبے کے عوام کی ترقی و خوشحالی کی نوید ہے ۔ان خیالات کا اظہار جزل سیکرٹری مسلم لیگ ن MYOلاہور ڈویژن سعید احمد بھٹی نے اپنے ایک بیان میں کیا۔ انہوںنے مزید کہاکہ آئندہ مالی سال کے سالانہ ترقیاتی پروگرام کا حجم550ارب روپے ہے جو گزشتہ سال کے مقابلے میں 37.5فیصد زائد ہے۔پنجاب حکومت نے صوبے کے 10کروڑ عوام کی ترقی وخوشحالی کیلئے اربوں روپے مختص کیے ہیں ۔تعلیم ،صحت ،زراعت،پینے کے صاف پانی اورسوشل سیکٹر کیلئے ریکارڈ فنڈز رکھے گئے ہیں ۔انہوںنے کہا کہ پنجاب کی تاریخ کے سب سے بڑے سالانہ ترقیاتی پروگرام پر عملدر آمد سے صوبے میں ترقی و خوشحالی کا دوردورہ ہوگا۔سالانہ ترقیاتی پروگرام کے تحت منصوبوں کومکمل کر کے عوام کی زندگیوں میں نکھار لائیں گے۔انہوںنے کہا کہ آئندہ مالی سال کا بجٹ غربت میں کمی،امیراورغریب کے درمیان فاصلے کم کرنے کا باعث بنے گا، حاجی محمدنعیم صفدر انصاری نے کہا کہ کاشتکاروں کی خوشحالی اورزراعت کے فروغ کیلئے بھی خطیرفنڈز رکھے گئے ہیں ۔ کھادوں اوربجلی سے چلنے والے زرعی ٹیوب ویلوں کے نرخوں میں کمی کا فائدہ چھوٹے کسان کو پہنچے گا۔کھادوں ،زرعی آلات اوربیجوں کی فراہمی پر اربوں روپے کی سبسڈی سے لاکھوں کاشتکار مستفید ہوں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)ندیم بلوچ کیساتھ SE واپڈا کی زیادتیوں کیخلاف مظاہرہ ، واپڈا کے اہلکاروں نے مجھے ناجائز بل ڈالا ، لوگوں کے کاموں پر آگ بگولا ہوئے ، ووٹ لئے ہیں ،افسران اپنا قبلہ درست کریں ، چیئرمین یونین کونسل ہردوسہاری رانا محمدمرتضی خاں ودیگر گفتگو ، تفصیلات کیمطابق میونسپل کمیٹی کے نومنتخب کونسلرمحمد ندیم بلوچ کے ساتھ ایس ای واپڈا محمدلطیف انجم کی زیادتیوں کے خلاف نومنتخب کونسلرز چوہدری امتیاز اختر ، چوہدری ذوالفقار ،امیدوار برائے چیئرمین میونسپل کمیٹی حاجی ایاز احمدخان ،نومنتخب چیئرمین یونین کونسل ہردوسہاری رانا محمدمرتضی خاں نے کہا کہ واپڈا کے کرپٹ اہلکار لوٹ مار بند کریں ،عوام کے ووٹوں سے اقتدار میں آئے ہیں،عوام کے کاموں کیلئے سرکاری دفاتر میں جانا ہمارہ حق ہے ، ایس ای واپڈا کے کالے کرتوت منظرعام پرلانے کیلئے منتخب عوامی نمائندگان جلد چیف لیسکو واپڈا سے ملاقات کرے گا، اور انکی ٹرانسفر تک قصور کے منتخب عوامی نمائندگان کا احتجاج جاری رہے گا، دوسری جانب ندیم بلوچ کونسلر نے ایس ای واپڈا قصور لطیف انجم کیخلاف سنیئر سول جج کی عدالت میں رٹ دائر کردی ہے ، جس پر عدالت نے واپڈا حکام کو طلب کرلیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)سپیشل پرائس کنٹرول مجسٹریٹ ان ایکشن ،سپیشل پرائس کنٹرول مجسٹریٹ قصور نے DCOقصور میڈم عمارہ خان کی خصوصی ہدائت پر وڈانہ سٹاپ ،بھلو،بیدیاں، وہیگل اور مصطفی آباد میں کاروائی کرتے ہوئے درجنوں دکانداروں حیدر علی،امیر حمزہ،شہزاد،سردار،عامر ،پرویز،اکرم،ارشد،شہباز،وسیم ،جاوید اشرف،دین محمد،صدیق،اور رمضان وغیرہ کے خلاف ماہ صیام میں پھل،سبزیاں ،چینی،اور دیگر اشیاء ضروریہ زائد نرخوں میں فروخت کرنے پر مقدمات درج کرا دئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)آل پاکستان کلرکس ایسوسی ایشن (ایپکا) ایجوکیشن کے ضلعی صدر مہرمحمدیسیننے کہا ہے کہ اساتذہ و کلرکس صوبائی بجٹ کو مسترد کرتے ہیں۔اس بجٹ میں پرائمری ایجوکیشن کو نظر انداز کیا گیا ہے۔پرائمری سکول میں تین کی بجائے کم از کم چھ ٹیچرز لازمی ہونے چاہیے تھے۔ کلاس رومز کی تعداد پہلے ہی کم ہے تو دس ہزار کلاس رومز کو ارلی چائلڈ ہوڈ ایجوکیشن کے لئے کہاں سے مختص کیا جائے گا؟ مہرمحمدیسیننے کہا کہ تنخواہوں میں 10%اضافہ اونٹ کے منہ میں زیرے کے مترادف ہے۔ میڈیکل اور ہائوس رینٹ میں اضافہ ضروری تھا اسے نظر انداز کیا گیا ہے کیونکہ میڈیسن کی قیمتوں میں پہلے ہی 300% تک اضافہ ہو چکا ہے اور یہ حال پراپرٹی کا بھی ہے۔ گزشتہ چھ ماہ سے 35000 اساتذہ کی بھرتی مکمل نہیں ہو سکی تو نئے اعلان کردہ 45000 اساتذہ جن کی اشد ضرورت ہے وہ کیسے جلد بھرتی ہونگے؟ لہذا پنجاب حکومت کو چاہیے تھا کہ وہ تعلیمی بجٹ بنانے سے پہلے اساتذہ سے بھی مشاورت کرتے تو اساتذہ کی کمی کو پور ا کرنے کیلئے تجاویز دی سکتی تھیں۔ تصاویر پٹی ساتھ ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور (بیورورپورٹ) پنجاب حکومت کابجٹ عوام دشمن، مہنگائی میں اضافہ ،عوامی ،سیاسی و سماجی شخصیات نے مسترد کردیا، سروئے میں پاکستان تحریک انصاف کے امیدوار ایم این اے میاں فاروق احمدانصاری نے صوبائی بجٹ 2016-2017 پر اپنے ردعمل کا اظہار کرتے ہوئے کہا کہ پیش کیا گیابجٹ جھوٹ کا پلندہ ہے پی ٹی آئی عوام دشمن بجٹ کو مسترد کرتی ہے وفاقی حکومت کی طرح پنجاب حکومت بھی موجودہ بجٹ میں بھی غریب عوام کو ریلیف دینے میں بری طرح ناکام ہو ئی ہے۔پاکستان فلاح پارٹی کے تحصیل جنرل سیکرٹری چوہدری محمود الہی چشتی نے کہا کہ (ن) لیگ کی حکومت نے عوام کو ریلیف دینے کے بجائے سارا بوجھ غریب عوام پر ڈال دیا ہے لوڈ شیڈنگ کا بحران شدت اختیار کر چکا ہے 16سے 18گھنٹے لوڈ شیڈنگ کا عذاب غریب عوام بھگت رہے ہیں عام آدمی کے استعمال کے روز مرہ کی اشیاء کی قیمتیں آسمانوںسے باتیںکر رہی ہیں،انجمن اساتذہ پاکستان و پروفیسر زایسوسی ایشن کے ندیم احمداشرفی نے بتایا کہ صحت ، تعلیم اور زراعت کی صورت حال ابتر ہو چکی ہے ،غربت اور بے روزگاری میں خطرناک حد تک اضافہ ہو رہا ہے،تحریک منہاج القرآن کے ضلعی امیر محمدندیم مصطفائی نے کہاکہ صوبے کی عوام کو پینے کے لیے صاف پانی تک میسر نہیںہے ،عوام بنیادی سہولتوںسے محروم ہیںجبکہ پنجاب حکو مت کو اورنج ٹرین کی پڑی ہوئی ہے ، صوبائی بجٹ پنجاب کی عوام کے لئے کسی ڈرئوانے خواب سے کم نہیں ، حکومت غربت نہیں غریب مکائو ایجنڈے پر چل رہی ہے،حکمران صرف خیالی پلائو بنانے میں مصروف ہے ، آل پاکستان مسلم لیگ کسان ونگ پنجاب کے نائب صدر حاجی میاں محمدشریف نے کہاکہ بجٹ میں ریلیف نام کی کوئی چیز شامل نہیں ، صو بہ کرپشن کا گڑھ بن چکا ہے ،کسان ، نرسز، ڈاکٹر، استاتذہ ، مزدور اور سرکاری ملازمین سڑکوں پر احتجاج کرنے پر مجبور ہے ، حکمران ملک کو لوٹنے کے سواء کوئی کام نہیں کر رہے،ہماری جماعت ہر سطح ُپر عوام دشمن بجٹ کے خلاف بھرپور آواز اٹھائے گی ،دوسری جانب ھکمران جماعت مسلم لیگ ن کی ضلعی صدر خواتین ونگ میڈم صفیہ سعید نے کہا ہے کہ پنجاب حکومت نے آئندہ مالی سال کیلئے تاریخ ساز بجٹ دیا ہے ۔عوام دوست ،کسان دوست،متوازن اورترقیاتی بجٹ سے پنجاب میں ترقی اورخوشحالی کے نئے دور کا آغا ز ہوگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ضلع بھر میں سکیورٹی انتظامات پر کسی قسم کا سمجھوتہ نہیں کیا جائے گا ۔ ڈی پی اوقصور قصور(محمد عمران سلفی سے)ڈی پی اوقصور سید علی ناصر رضوی نے کہا کہ ضلع بھر میں سکیورٹی انتظامات پر کسی قسم کا سمجھوتہ نہیں کیا جائیگا ان خیالات کا اظہار انہوں نے گزشتہ روز اپنے آفس میں ضلع بھر کے بنک ہائے اور مالیاتی اداروں کے مینجرز کے ساتھ میٹنگ کے دوران خطاب کرتے ہوئے کیا ۔انہوں نے کہا کہ تمام بنکوں میں ایس او پی کے مطابق سکیورٹی انتظامات کو یقینی بنایا جائے گا نیشنل ایکشن پلان کو اسکی اصل روح کے مطابق نافذ کرنے کیلئے پنجاب سکیورٹی آف ولنر ایبل اسٹیبلشمنٹ آرڈیننس2015پر سختی سے عملدرآمد کو یقینی بنایا جائیگا ۔انہوں نے کہا کہ صرف رجسٹر ڈسکیورٹی کمپنیوں کے گارڈز ہی ڈیوٹی سرانجام دیں گے تمام گارڈز اچھی تربیت یافتہ اور مسلح اسلحہ ہوں گے اس کے ساتھ ساتھ میٹل ڈیٹکٹر بھی ساتھ ہوگا تمام بنکوں اور مالیاتی اداروں میں سی سی ٹی وی کیمرے ہر صورت میں لگے ہوں گے تمام بنکو ں اور مالیاتی اداروں کے پاس متعلقہ تھانہ کو نمبر ضرور ہونا چاہیے اور بڑی کیش کی ٹرانزیکشن کی صورت میں فوری متعلقہ تھانہ کو اطلاع دیں ۔ڈی پی اوقصور نے تمام مینجرز کو سختی سے ہدایت کی کہ جو بھی ادارہ متذکرہ آرڈیننس اور ایس او پی کے مطابق سکیورٹی کے انتظامات مکمل نہیں کرے گا اس کے خلاف سخت قانونی کاروائی عمل میں لائی جائے گی۔
رمضان المبارک ایثار و قربانی کا درس دیتا ہے، مفتی محمد نعیم
کروڑ لعل عیسن کی خبریں 15/6/2016
