قصور (محمد عمران سلفی سے) ڈی پی او قصور سید علی ناصررضوی نے کہا ہے کہ ون ویلنگ خونی کھیل ، شہریوں کے تعاون سے ہرحال میں روکیں گے ، پرنٹ والیکٹرونک میڈیا کاکردار اہم ہے،جرائم کے خلاف ریاستی اداروں کو سپورٹ فراہم کرنے والے صحافی حقیقی معنوں میں ملک وقوم کی خدمت کررہے ہیں، جرائم کو نہ روکنے والے پولیس افسران خود کو کسی رعایت کے مستحق نہ سمجھیں ایسے افسران وملازمین کے خلاف سخت کاروائی عمل میں لائی جائے گی ، تمام شہری ،تاجر،وکلاء اور صحافی اپنے علاقوںمیں ون ویلنگ کے نقصانات کے سلسلہ میں آگاہی واک کریںجبکہ پولیس نے پورے ضلع میںتیز رفتار موٹرسائیکل سوار،ون ویلرز اور کم عمر موٹرسائیکل سواروں کے خلاف کریک ڈائون کومزید تیز کردیا ہے تاکہ مستقبل کے ڈاکٹرز،بیوروکریٹ،وکلا ء کو موت کے منہ میں جانے سے بچایا جاسکے ،ان خیالات کا اظہار انہوں نے پاکستان میڈیا کونسل، یونین آف جرنلسٹس ،پریس کلب قصور کے زیراہتمام “آگاہی سیمینار”سے خطاب کرتے ہوئے کیا ، اس موقع پر ایڈیشنل ڈسٹرکٹ کلکٹر محمدشاہد ،ڈسٹرکٹ آفیسر جنگلات مختاررضاء ، ڈسٹرکٹ آفیسر انفارمیشن چوہدری عبدالواحد ، عبدالرشید ملک ایڈووکیٹ، مہر محمد عاشق ، طفیل سرور بلوچ، شبیراحمدہاشمی صدر آل پاکستان پرائیویٹ سکولز ایسوسی ایشن سمیت وکلا، صحافیوں، تاجران ، اورشہریوں کی نمائندہ شخصیات بھی موجود تھیں ، ایڈیشنل ڈسٹرکٹ کلکٹر محمدشاہدنے کہا کہ ضلعی انتظامیہ ون ویلنگ ،ڈینگی اور دیگرجرائم کے خلاف اٹھ کھڑی ہوئی ہے، وزیراعلی پنجاب کے ویثرن کے عین مطابق ضلع قصور سے تمام جرائم کا خاتمہ کریں گے اور محکمہ پولیس کو بھرپور سپورٹ فراہم کی جائے گی ، قصور کا میڈیا انتہائی پازیٹیو ہے ،تمام حکومتی ادارے شہریوں کی فلاح وبہبود کیلئے کام کررہے ہیں ،مثبت وتعمیری کام کرنیوالے صحافی ہمارے لئے معزز ہیں ،دیگر صحافیوں کوبھی انکی تلقین کرنی چاہئے ،ڈسٹرکٹ آفیسر انفارمیشن چوہدری عبدالواحدنے کہا کہ ون ویلنگ ہو یا ڈینگی کے خلاف حکومتی مہم قصور ضلع کا میڈیا پورے پنجاب اور پاکستان کیلئے رول ماڈل بنتا ہے ،نگری بابا بلھے شاہ کے تمام مسائل حل کرنے کیلئے مجھ سمیت تمام افسران ڈی سی او قصور عمارہ خان کی قیادت میںکام جاری رکھیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(محمد عمران سلفی سے )اچھے افسران میں “بیسٹ پرفارمینس ایوارڈ”تقسیم،حضرت بابا بلھے شاہ کے عرس پر تاریخ ساز”صوفی کانفرنس “منعقد کرنیکا اعلان ،شہریوں کی بھرپور داد،تفصیلات کے مطابق روزنامہ اوصاف لاہوراور یونین آف جرنلسٹس پریس کلب کے تحت “آگاہی سیمینار”میں دوران خطاب صدر عطاء محمدقصوری نے حضرت بابا بلھے شاہ کے عرس پر تاریخ ساز”صوفی کانفرنس “منعقد کرنیکا اعلان کیا جبکہ اختتام پر ون ویلنگ کے خلاف دن رات کام کرنے پرجنرل سیکرٹری محمداحمدچوہدری ،رائومحمداسلم پرنس چیئرمین پاکستان میڈیا کونسل نے ڈی پی او قصور سید علی ناصررضوی ، ایڈیشنل ڈسٹرکٹ کلکٹر محمدشاہد،ڈسٹرکٹ آفیسر انفارمیشن چوہدری عبدالواحد، لاہور بورڈ میں نمایاں پوزیشنیں لینے پر پاکستان ماڈل سکول کے پرنسپل طفیل سرور بلوچ،علامہ اقبال سکول کے پرنسپل مہرمحمدعاشق،سٹی اے اور بی ڈویثرن کے ایس ایچ او ز ملک طارق محمود ، سیداشفاق حسین کاظمی ، ودیگرصحافیوں کو “بیسٹ پرفارمینس ایوارڈ”سے نوازا گیا ۔اس موقع پر ہال میں موجود شہریوں، وکلا، اور صحافیوں نے ان شخصیات کیلئے بھرپور تالیاں بجا کر انہیں داد دی ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(محمد عمران سلفی سے )قصور میںپاکستان تحریک انصاف اور PMCکے زیراہتمام ضلع قصور کے سب سے بڑے پاکستانی قومی پرچم کی تقریب رونمائی کی تقریب سینئر رہنماء حاجی سیف اللہ قصوری کی قیادت میں ہوئی جس میں پنجاب پولیس کے ذمہ دار افسران ملک طارق SHO ،ضیاء اللہ اے ایس آئی ،آرگنائزر پاکستان میڈیا کونسل پنجاب، پاکستان میڈیا کونسل قصور کے سٹی صدر ملک عارف علی ،ضلعی صدر مہر دائود قصوری ،چیرمین پریس کلب مصطفی آباد اصغر شہزاد ،سینئر صحافیوں نصیب تبسم ، ملک افتخار ،سجاد انصاری ،فخر علی ، پاکستان تحریک انصاف یوتھ ونگ ضلع قصور کے صدر وسیم عباس قادری ،ISFکے صدر بہزاد سیال ،حامد مختار پٹواری ،محمد آصف،محمد احمد،محمد وسیم،محمد جاوید ودیگر نے قصور کی تاریخ میں ریکارڈ کئیے جانے والے اس 35/20سائز کے پاکستانی پرچم کو سلامی پیش کرتے ہوئے پاکستان کی آزادی اورآبائو اجداد کی قربانیوں پر گہری روشنی ڈالی ۔ آخر میں پاکستان کی سلامتی اور خوشحالی کیلئے خصوصی دعا کی گئی ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(محمد عمران سلفی سے ) ایس ایچ او تھانہ مصطفی آباد کا بلا نمبری بغیر کاغذات،ون ویلنگ کرنے والی موٹر سائیکلوں کے خلاف کریک ڈائون،115موٹر سائیکلیں بند، ون ویلنگ کی روک تھام کیلئے پکڑی گئی موٹر سائیکلیں14اگست کے بعد چھوڑی جائیں گی، والدین اپنی کمسن بچوں کو موٹر سائیکل نہ دیں، محمد ایوب گجر، تفصیلات کے مطابق ڈی پی او قصور سید علی ناصر رضوی کی خصوصی احکامات کی روشنی میں ایس ایچ او تھانہ مصطفی آباد محمد ایوب گجر نے مختلف مقامات ناکے لگا کر بلا نمبری ،بغیر کاغذات اور ون ویلنگ کرنے والی 115موٹر سائیکلیں بند کر دی، ایس ایچ او تھانہ مصطفی آباد محمدایوب گجر نے کہا کہ والدین اپنے کمسن بچوں کو موٹر سائیکلیں نہ دیں،کمسن بچوں کا موٹر سائیکل چلانا ایک جرم ہے جس کے ذمہ دار اس کے والدین ہیں، موٹر سائیکلوں کو ون ویلنگ کے قابل بنانے والے مکینکوں کے خلاف بھی کاروائی کی جائے گی، کمسن بچے اپنے دوستوں کے ساتھ مل کر ون ویلنگ کرتے ہیں اور اس خونی کھیل کا شکار ہو جاتے ہیں، انہوں نے سیاسی و سماجی جماعتوں کے نمائندوں اور صحافیوں سے اپیل کی کہ وہ ون ویلنگ کی روک تھام کیلئے آگاہی مہم چلائیں تاکہ قیمتی انسانی جانوں کا تحفظ ممکن ہو سکے، ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(محمد عمران سلفی سے )نامور سنگر شازیہ رانی 14اگست شام کو منکیرہ پریس کلب میں ملی نغمے گائیں گی ،6ستمبر کو قصور میں ملت ویلفیئر سوسائٹی کے پروگرام میں اپنے فن کا مظاہرہ کریں گی،تفصیلات کے مطابق لاہور سے تعلق رکھنے والی نامور سنگر شازیہ رانی منکرہ پریس کلب کے صدر چوہدری حبیب الرحمان کی خصوصی دعوت پر پریس کلب میں 14اگست کی شام کو ملی نغمے گائیں گی اور دیگر ساتھیوں میں ہما چوہدری اور فوک سنگر مشتاق احمد چھینہ بھی اپنے فن کا مظاہرہ کریں گے پریس کلب کے صدر چوہدری حبیب الرحمان کا کہنا ہے کہ 14اگست چونکہ آزادی کا دن ہے ہم دوستوں نے مل کر اور مشاورت سے پریس کلب میں پروگرام رکھا ہے جس میں مختلف سکولوں کے بچے بھی حصہ لے رہے ہیں اس پروگرام میں انتظامیہ سمیت علاقہ کی مشور شخصیات شرکت کریں گی 6ستمبر کو شازیہ رانی اپنے ساتھیوں سمیت قصور میں ملت ویلفیئر سوسائٹی کے پروگرام میں بھی اپنے فن کا مظاہرہ کریں گی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(محمد عمران سلفی سے )صوبے بھر میں لا قانیونیت ، چوری ڈاکے اور اغواء برائے تاوان ، چھوٹی بچیوں سے زیادتیوں کے واقعات میں خطر ناک حد تک اضافہ ہوا ہے ، گڈ گورنس کے دعوے داروں کے منہ پر طمانچہ ہے جو کہ لاہور کی عوام کی حفاظت نہیں کر سکتے تو پھر صوبے کی عوام کا خدا ہی حافظ ہے ، ان خیالات کا اظہار پاکستان تحریک انصاف لیبر و نگ ضلع قصور کے جنرل سیکرٹری ڈاکٹر صابر حسین نے میڈیا سے گفتگو کرتے ہوئے کیا انہوں نے کہا کہ پنجاب حکومت نے نا اہلیوں اور نا کامیوں کے سابقہ ریکارڈ توڑ دئیے ہیں صوبائی حکومت دور بین سے بھی نظر نہیں آ رہی دن دیہاڑے لاہور سمیت صوبے بھر میں بچوں کے اغواء اور فائرنگ کے واقعات صوبائی حکومت اور پولیس کی نا اہلی کا کھلا ثبوت ہے ، انہوں نے مزید کہا کہ اغواء ہونے والے کئی بچوں کو قتل کر دیا گیا ،لیکن حکومت اور انتطامیہ کو کوئی ہوش نہیں آیا ،صوبائی حکومت رٹ قائم کرنے میں بے بس ہو چکی ہے لاہور شہر میں ہر طرف خوف و ہراس پایا جاتا ہے پولیس خاموش تماشائی بنی ہوئی ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(محمد عمران سلفی سے )تحفظ کلام وارث شاہ کااجلاس ، عرس حضرت بابا بلھے شاہ پر تاریخ ساز پروگرامز اور ہیر وارث شاہ کے مقابلہ جات کروائے جائیں گے ، صدر سردار احمدکا خطاب ، تفصیلات کے مطابق تحفظ کلام وارث شاہ (رجسٹر)کااجلاس زیرصدارت صدر سردار احمدمنعقد ہوا ، جس میں جنرل سیکرٹری ذوالفقار احمدانصاری ،حاجی بشیراحمد،محمدیسین بلندہ،حاجی محمدرمضان انصاری، عبدالمجید، لطیف انصاری سمیت دیگر نے شرکت کی ، اجلاس میں عرس حضرت بابا بلھے شاہ کے عرس کے موقع پر سالانہ مقابلہ ہیروارث شاہ کے پروگرامز کوحتمی شکل دیدی گئی ، صدر سردار احمد،جنرل سیکرٹری ذوالفقار احمدانصاری نے میڈیا کو بتایا کہ ضلعی انتظامیہ کے مشکور ہیں جو عرس کو بے مثال بنانے کیلئے سرگرم عمل ہیں، ڈی پی او قصور سیدعلی ناصر رضوی ، ڈی سی او قصور عمارہ خان، مینجراوقاف دن رات عرس کے زائرین اور شہریوں کی جان ومال کے تحفظ کیلئے کام کرتے ہیں ، ہماری تنظیم بھرپور سپورٹ فراہم کرے گی، تین روز تک جاری عرس میں لاکھوں عوام ہمارے پروگرامز ہیروارث شاہ میں شرکت کرتے ہیں انکے لئے لنگر کا بھی اہتمام کریں گے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(محمد عمران سلفی سے )الہ آباد کے نواح تلونڈی ڈینگی پل کے قریب مسافر رکشہ اور گدھا ریڑھی میں تصاد م کے نتیجہ میں رکشہ میں سوار خاتون سمیت دو مسافر شدیدزخمی ہوگئے،تفصیلات کے مطابق تلونڈی کارہائشی ممتاز اپنی اہلیہ صغراں بی بی کے ہمراہ رکشہ میں سوار ہوکر الہ آباد بازار سے واپس اپنے گھر آرہے تھے جب دینگی پل تلونڈی کے قریب پہنچے تورکشے کے سامنے اچانک گدھا ریڑھی آگئی،رکشہ اور گدھا ریڑھی میں تصادم کے نتیجہ میں رکشہ میں سوار ممتاز اور اس کی اہلیہ صغراں بی بی شدید زخمی ہوگئے انھیں طبی امداد کے لئے ہسپتال پہنچا دیاگیاہے،
کوئٹہ سانحہ کے محرکات تلاش کیے جائیں، غیر ملکی عناصر کا ملوث ہونا نظر انداز نہ کیا جائے
فیصل آباد کی خبریں 8/8/2016
