قصور (محمد عمران سلفی سے) قصور پولیس نے گزشتہ روز ضلع بھر میں جرائم پیشہ افراد کے خلاف سخت ترین کریک ڈائون کیا کریک ڈاون کے دوران13افراد کو گرفتار کر کے ملزمان کے قبضہ سے بھاری مقدار میں منشیات اور اسلحہ ناجائز برآمد کرلیا گیا ہے ۔تفصیلات کے مطابق ڈی پی اوقصور سید علی ناصر رضوی کی خصوصی ہدایات پرضلع بھر میں جرائم پیشہ افراد کے خلاف سپیشل مہم کا آغاز کیاگیا تھا اس سلسلہ میں گزشتہ رو ز قصور پولیس نے ضلع بھر میں کریک ڈائون کرتے ہوئے13جرائم پیشہ افراد اے ڈویژن کے علاقہ سے دو ملزمان رمضان ،اشرف ،کھڈیاں سے شوکت اور اکبر ،الہٰ آباد سے اقبال ،چھانگا مانگا سے شرافت ،سرائے مغل سے رشید اور عاشق جبکہ گنڈا سنگھ سے دو ملزمان عمران اور عابد ڈوگوکو گرفتار کرکے ملزمان کے قبضہ سے5کلوگرام چرس ،2.5کلوگرام بھنگ ،30بوتل شراب ،1پسٹل ،1کلاشنکوف اور 1رپیٹر برآمدکر کے علیحدہ علیحدہ مقدمات درج کر لیے گئے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور (محمد عمران سلفی سے) ڈی سی او قصورعمارہ خان نے کہا ہے کہ ڈینگی سے چھٹکارا پانے کیلئے تمام افسران کو اپنا کردار ادا کرنا ہوگا’سرویلنس کے کام کو ہر صورت یقینی بنایا جائے ‘عوام الناس کو ڈینگی مچھر سے بچائو کیلئے زیادہ سے زیادہ آگاہی دی جائے ‘ڈینگی مچھر کے تدارک کیلئے کسی بھی قسم کی کوتاہی برداشت نہیں کی جائیگی ۔ یہ بات انہوں نے گزشتہ روز ڈینگی تدارک اور اسکی روک تھام کے حوالے سے تمام ڈیپارٹمنٹس کی کارکردگی کا جائزہ لینے کیلئے منعقدہ اجلاس کی صدارت کر تے ہوئے کہی ۔ اس موقع پر تمام متعلقہ ضلعی افسران نے شرکت کی ۔ اجلاس کو ڈسٹرکٹ اینٹا مالوجسٹ نے بریفنگ دیتے ہوئے بتایا کہ کہ ضلع بھر میں کل 132ہیلتھ سنٹر کام کر رہے ہیںاور 1565ملازمین ڈینگی سرویلنس کے کام میں مصروف ہیں ۔ انہوں نے بتایا کہ ڈینگی آگاہی کے حوالے سے اب تک 5403سکول سیشن ‘2589کمیونٹی ایونٹس منعقد کئے جا چکے ہیں اسی طرح 578انڈور اور 113آئوٹ ڈور ٹیمیں ڈینگی روک تھام کیلئے مصروف عمل ہیں ۔بائیولوجیکل کنٹرول کے حوالے سے بتایا گیا کہ اب تک 190جوہڑوں میں 2لاکھ 57ہزار مچھلی کا بچہ چھوڑا گیا ہے ۔اس کے علاوہ اجلاس کو بتایا گیا کہ مختلف محکموں کی طرف سے ہفتہ وار رپورٹ موصول نہ ہوئی ہے جس پر ڈی سی او نے برہمی کا اظہار کرتے ہوئے ہدایت کی کہ تمام محکمہ جات اپنی ہفتہ وار ڈینگی رپورٹ بروقت جمع کروائیں ورنہ انکے خلاف کاروائی عمل میں لائی جائیگی ۔ ڈی سی او عمارہ خان نے کہا کہ تمام محکمے ڈینگی تدارک کے حوالے سے اپنی سرگرمیاں مسلسل جاری رکھیں کیونکہ ہم سب ملکر ہی اس ممکنہ آفت سے نبرد آزما ہو سکتے ہیں ۔ انہوں نے واضح کیا کہ ڈینگی کے حوالے سے کسی بھی محکمے یا فرد کی جانب سے غفلت ہرگز برداشت نہ کی جائیگی ۔ قبل ازیں ڈی سی اوقصور عمارہ خان اور ڈی پی او سید علی ناصر رضوی نے سبزی و فروٹ منڈی کا دورہ کیا اور مختلف اشیاء کی قیمتوں ، معیار اور کوالٹی کا جائزہ لیا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(محمد عمران سلفی سے)عمران خان کی کردار کشی سے کرپشن کا پیسہ ہضم نہیں کیا جاسکتا اور نہ ہی کرنے دیا جائے گا،کیونکہ چیرمین پاکستان تحریک انصاف عمر ان خان عوام اور ملک کے مفادات کی آواز اور پاکستان تحریک انصاف اس ملک کی محافظ ہے ، پاکستان کا سب سے بڑا جو مسلہ کرپٹ حکمران ہیں جن کی وجہ سے ملک کا ہر ادارہ کرپشن کی نظر ہے ،پاکستان میں کرپشن بڑھتی ہی جا رہی ہے، جب حکمران ہی کرپٹ ہوں تو اداروں کو کیسے ٹھیک کیا جا سکتا ہے ، اس لیے سب سے پہلے حکمرانوں کا احتساب ہونا چاہئے جو صرف پاکستان تحریک انصاف کی حکومت میں ہی ممکن ہے ، ان خیالات کا اظہار سنیئر رہنما و ضلعی میڈیا کوآرڈینیٹر حاجی سیف اللہ قصوری نے اپنے ایک بیان میں کیا، انہوں نے مزید کہا کہ ہماری جدوجہد کرپٹ عناصر اور موروثی سیاست کے حوالے سے ہے کسی بھی سطح پر منجمند نہیں ہوئی بلکہ اس جدوجہد سے عوام میں مزید شعور بیدار ہو رہا ہے جو پاکستان تحریک انصاف کی کامیابی ہے ،ملک پر مسلط چند خاندانوں کی اجارہ داری کے نیٹ ورک کو توڑے بغیر ملک ترقیاتی اہداف حاصل نہیں کرسکتا۔ قرضہ خوروں اوربے دریغ عوام کے و سائل لوٹنے والوں کے احتساب سے ہی عوام خوشحال ہو سکتی ہے،حاجی سیف اللہ قصوری نے مزید کہا کہ پاناما لیکس اور سوئس اکاونٹس ازخودکرپشن کے ثبوت ہیں عوامی پیسہ لوٹ کرجائیدادیں بنانے والے حکمران کرپٹ ہیںاس لئے اپنی کرپشن کو چھپانے کے لئے عمران خان پر الزام تراشی کی جارہی ہے ،موجودہ حکومت کااصلی منشورپاکستان میں غربت کا نہیں غریب کا خاتمہ کرنا ہے کیونکہ موجودہ حکومت عوام کے ووٹوں سے نہیں بلٹ بکس کے ڈبوں سے بنی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(محمد عمران سلفی سے)ڈی سی او قصور عمارہ خان کے زیر صدارت دریائے ستلج میں ممکنہ سیلاب سے نمٹنے کیلئے کئے گئے انتظامات کا جائزہ لینے کے حوالے سے اجلاس گزشتہ روز ڈی سی او کمیٹی روم میں منعقد ہوا۔ جس میں ایڈیشنل ڈسٹرکٹ کلکٹر محمد شاہد ، اسسٹنٹ کمشنر قصور محمد شاہ رخ نیازی ، اے سی چونیاں شیخ محمد سلیم ، اے سی کوٹ رادھاکشن سرمد تیمور ، ای ڈی او ہیلتھ ڈاکٹر مسعود طارق ، ای ڈی او ایجو کیشن ذوالفقار علی ، ای ڈی او زراعت پرویز اختر ،ای ڈی او ورکس اینڈ سروسز نسیم اختر ، ڈی ایس پی ہیڈ کوارٹر حسن دانیال ، ڈی او لائیو سٹاک ڈاکٹر خالد بشیر ، ڈی اوسول ڈیفنس شاہد رشید ، ڈسٹرکٹ آفیسر ریسکیو 1122ڈاکٹر سجاد علی ،ٹی ایم اوز اور دیگر متعلقہ افسرا نے شرکت کی ۔ ڈی سی او قصور نے اس موقع پر ضلع کو ممکنہ سیلاب سے محفوظ رکھنے کیلئے تمام حفاظتی انتظامات کا تفصیلاًجائزہ لیا اور متعلقہ افسران کو ہدایت کی کہ وہ دریائے ستلج میں سیلاب کی صورتحال سے نمٹنے کیلئے اپنی اپنی تمام تیاریاں مکمل کریں ۔ ڈی سی او نے اسسٹنٹ کمشنرز اور محکمہ انہار کے افسران کو ہدایت کی کہ وہ جلد از جلد دریائے ستلج کے بندوں ‘کینال اور ڈرینج کی انسپکیشن کر کے فٹنس سرٹیفکیٹ دیں ۔ ڈی سی او نے ریسکیو 1122’سول ڈیفنس اور ٹی ایم ایز کو اپنی مشینری کو چالوحالت میں رکھنے کی ہدایت کی تا کہ ممکنہ سیلاب کے حوالے سے کسی بھی ہنگامی صورتحال سے نمٹا جا سکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(محمد عمران سلفی سے)ڈی سی او قصور کی خصوصی ہدایات کی روشنی میں اسسٹنٹ کمشنر قصور محمد شاہ رخ نیازی کا ناجائز منافع خوروں کیخلاف کریک ڈائون ’37دوکانداروں کو سمری ٹرائل پر جیل بھیج دیا ۔ تفصیل کے مطابق اسسٹنٹ کمشنر قصور محمد شاہ رخ نیازی نے گزشتہ روز سٹی قصور سمیت دیگر مقاما ت پر اشیاء خورونوش کی قیمتوں کو چیک کرنے کیلئے چھاپے مارے جس پر ناجائز منافع خوری ،ذخیرہ اندوزی اور ریٹ لسٹیں آویزاں نہ کرنے پر37دوکانداروں کیخلاف کاروائی کرتے ہوئے انہیں سمری ٹرائل پر جیل بھیج دیا ہے ۔ اسسٹنٹ کمشنر محمد شاہ رخ نیازی نے بتایا کہ رمضان المبارک میں عوام الناس کو زیادہ سے زیادہ ریلیف دینے کیلئے تمام اقدامات کئے جا رہے ہیں ۔ انہوں نے مزید بتایا کہ رمضان بازاروں کیساتھ ساتھ عام مارکیٹوں میں بھی اشیائے خوردونوش کی مقررہ قیمتوں پر فروخت کو یقینی بنایا جائیگا اور اس سلسلے میں ناجائز منافع خوری کسی صورت برداشت نہ کی جائیگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(محمد عمران سلفی سے)ڈی سی او قصور کی ہدایت پر سپیشل مجسٹریٹ پرائس کنٹرول ڈاکٹر خالد بشیر اور فوڈ انسپکٹر ڈاکٹر عدیل سیال نے احترام رمضان آرڈیننس کی خلاف ورزی پر 4افراد کیخلاف مقدمات درج کروا دیئے ۔ تفصیل کے مطابق سپیشل مجسٹریٹ پرائس کنٹرول ڈاکٹر خالد بشیر اور فوڈ انسپکٹر ڈاکٹر عدیل سیال نے قصور کے مختلف علاقوں میں کاروائی کرتے ہوئے احترام رمضان آرڈیننس پر 4افراد محمد اسلم ، شوکت علی ، امجد علی ، ٹکا خان وغیرہ کیخلاف ایف آئی آر درج کروائی اور انہیں موقع پر جرمانہ بھی کیا ۔ اس کے علاوہ انہوں نے متعدد ہوٹلوں کو ناقص صفائی ستھرائی پر نوٹسز بھی جاری کئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(محمد عمران سلفی سے)مسلم لیگی رہنماء ناصر محمود خان کا علاج حکومت پنجاب کروائے گی ، وزیراعلی پنجاب میاںشہباز شریف نے حکم دیدیا ، تفصیلات کے مطابق سنیئر نائب صدر مسلم لیگ ن و وائس چیئرمین مارکیٹ کمیٹی جمیل احمدخان کی جانب سے وزیراعلی پنجاب کے دورہ قصور کے موقع پر میاں شہباز شریف کو بتایا گیا کہ چیئرمین مارکیٹ کمیٹی ناصر محمود خان سخت بیمار ہیں اور قمر کی شدید تکلیف میں مبتلاء ہیں انکا علاج معالجہ اچھی جگہ سے سرکاری خرچہ پرکروایا جائے وہ مسلم لیگ ن کاسرمایا ہیں ،جس پر وزیراعلی پنجاب نے اپنے سیکرٹری کو حکم دیا کہ ناصر محمود خان کا علاج معالجہ کروایا جائے اور حکومت تمام اخراجات برداشت کرے، اس ضمن میں گزشتہ روز اعلی حکومتی افسر نے ناصر محمود خان کو فون کیا ہے اور تمام معلومات لی ہیں ، چیئرمین مارکیٹ کمیٹی ناصر محمود خان نے بتایا کہ ہم وزیراعلی پنجاب کے مشکور ہیں جو مسلم لیگ ن کے ورکروں پر خاص شفقت کرتے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(محمد عمران سلفی سے)معروف عالم دین سید نذیرحسین شاہ انتقال کرگئے ، آبائی قبرستان میں سپردخاک ،تفصیلات کیمطابق خطیب مسجد حضرت صدیق اکبر جنازگاہ کوٹ پیراںسید نذیرحسین شاہ مسجد میںظہرکی نمازاداکرتے ہوئے اپنے حقیقی خداسے جاملے ۔ان کی نمازجنازہ خواجہ دائم الحضوری قصوری جنازگاہ میںاداکی گئی جس میںشہرکی سماجی ،فلاحی ،شہری ،صحافی،علماء اکرام نے کثیرتعداد میںشرکت کی مرحوم کو آبائی علاقہ شیرگڑھ اوکاڑہ ماڑی گائوںکے قبرستان میںسپردخاک کردیاگیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(محمد عمران سلفی سے)مضرصحت گوشت کی فروخت ، قصاب گرفتار ، غیرمعیاری گوشت فروخت کرنے پروٹرنری ڈاکٹر کا شمس مارکیٹ میںچھاپہ ایک قصاب کے خلاف مقدمہ درج گوشت ضائع کردیاگیا ۔ تفصیلات کے مطابق ماہ رمضان کے مقدس مہینے میںیہ گوشت غیر معیاری فروخت کرتے تھے ماہ رمضان کے مہینے میںقیمے والی ٹکیاںاورسموسے تیارکرتے تھے ۔ جس پر ڈاکٹرطفیل کوپکڑکرگوشت برآمد کرکے مقدمہ درج کروادیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(محمد عمران سلفی سے)ٹریفک حادثہ ، خاتون جا ں بحق ، رائوخانوالہ کے قریب ٹریکٹر موٹرسائیکل سے ٹکراگئی جس کے نتیجہ میںمنڈی عثمان والا کی خاتون زینت بی بی جاںبحق ہوگئی جبکہ اس کا شوہر زخمی جس کو ریسکیوسٹاف نے ڈی ایچ کیوریفرکردیا۔پولیس نے ضا بطہ کی کارروائی کرکے نعش ورثاکے حوالے کردی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(محمد عمران سلفی سے)وائس چیئرمین مارکیٹ کمیٹی قصور جمیل احمدخان نے کہا ہے کہ سستے رمضان با زاروں میں ہر قسم کی اشیاء ضروریہ و خورد و نوش کے معیار اور کوالٹی پر کسی قسم کا سمجھوتہ قبول نہیں کیا جائے گاسٹالوں پر موجود کالی بھیڑوںاور ذخیرہ اندوز مافیا کو کسی صورت معاف نہ کیا جائے گاایسے لوگوں کو موقع پر سزا دی جائے گی۔رمضان سستے بازاروں میںکسی بھی قسم کے پھل سبزیاں او ر دیگر اشیاء کی شورٹیج نہ ہونے دی جائے۔چینی اور آٹا کو منظم طریقہ سے عوام کو مقررہ سرکاری ریٹوںپر فرا ہم کیا جائے۔سکیورٹی انتظامات پر کسی بھی معمولی کو تاہی کو برداشت نہیں کیا جائے گا۔اس امر کا اظہار انہوں نے آج شہر میں لگائے گئے مختلف رمضان بازاروںکے دورے کے دوران انتظامیہ کے افسران سے کیا۔سنیئر نائب صدر مسلم لیگ ن ضلع قصوروائس چیئرمین جمیل احمدخان نے مختلف سٹالوں پر سبزیاں، پھل،دالیں،گھی،تیل کے معیار اور کوالٹی کو چیک کیا۔ غیر معیاری گھی اور آئل کو فوری طور پران سٹالوں سے ہٹانے کا حکم دیا۔انہوں نے خصوصی طور پراوزان پیمائش اور باٹوںکو چیک کیا،اس موقع پر انہوں نے عوام سے بھی ان رمضان بازاروں کی افادیت پر بات چیت کی۔ وہاں پر موجود لوگوں نے ان حکومتی اقدامات پرمشکوریت کا اظہار کیاکہ اس مہنگائی کے دور میں حکومت نے عوام کے لئے بہترین انتظامات کر کے ان کے دل جیت لئے ہیں، ر مضان سستے بازاروں میں سکیورٹی انتظامات کو خصوصی فوکس کیا اور تمام اطراف میں پیدل چل کر معائنہ کیا اور اطمینان کا اظہار کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(محمد عمران سلفی سے)سابق نائب ضلع ناطم قصور حاجی مقصودصابرانصاری نے کہا ہے کہ امریکہ،بھارت اور اسکے حواری پاکستان کو پھلتا پھولتا نہیں دیکھنا چاہتے اس لیے وہ اس کے خلاف سازشوں میں مصروف رہتے ہیں ان کی خواہش ہے کہ چائنہ راہداری منصوبے کو وقتی طور پر رکوا دیا جائے مگر انکی یہ خوہش کبھی پوری نہیں ہو سکتی، تمام سیاسی جماعتوں کو پاکستان کے مفادات کیلئے متفق ہو جانا چاہیے ہمیں جس ملک سے بھی فائدہ ہو اس سے کارو بار کرنا چاہیے ۔ میڈیا سے گفتگو کرتے ہوئے انہوںنے کہا کہ پاناما لیکس میں پاکستانی سیاستدانوں کو چائنہ راہداری منصوبہ روکنے کے لیے پھنسایا جا رہاہے ،نہ پہلے آنے والے وکی لیکس کا کچھ بنا تھا اورنہ ہی اب پاناما لیکس کا کچھ بنے گا ایسی افواہیں پاکستان کے دشمن اڑا رہے ہیں چائنہ راہداری منصوبے سے پاکستان خوشحال ہو گا ۔ انہوں نے کہا کہ موجوہ حالات میںملک کی تمام سیاسی جماعتوں کو پاکستان کے مفادات کے لیے متفق ہو جانا چاہیے ہمیں جس ملک سے بھی فائدہ ہو اس سے کارو بار کرنا چاہیے امریکی پالیسیوں سے حکمرانوں کو جان چھڑانی چاہیے یہ ملک کی تباہی کا سبب بن رہی ہیں اگر ایسے ہی حالات رہے تو پاکستان کبھی بھی معاشی ترقی نہیں کرسکے گا، پاکستان کے دشمن ممالک امریکہ ، ہندوستان ، اسرائیل نے ملکر پاناما لیکس کا شوشا چھوڑا ہے ان کا مقصد پاکستان میں افرا تفری پیدا کرنا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(محمد عمران سلفی سے) پاکستان تحریک انصاف کے امیدوار ایم پی اے میاں فاروق احمدانصاری نے کہا ہے کہ پنجاب حکومت ساری توجہ رمضان بازاروں پر توجہ دینے کے ساتھ ساتھ اوپن مارکیٹ پر بھی توجہ دے لیں رمضان بازاروں کی ناقص اشیا کو چھوڑ کر عام بازاروں میں جانے والی عوام دکانداروں کے منہ مانگے دام دینے پر مجبور ہیں، انہوں نے کہا کہ مسلم لیگ ن کی حکومت عام آدمی کے مسائل حل کرنے میں ناکام ہو گئی ہے حکومت کے رمضان المبارک میں سحری و افطاری اور نماز تراویح میں لوڈشیڈنگ نہ کرنے کے احکامات و اعلانات ہوا میں معلق ہو گئے ہیں اور اشیائے خوردو نوش کی قیمتوں میں کمی کا رمضان پیکج پچک گیا ہے، میاں فاروق احمدانصاری نے کہاکہ حکمرانوں کو عوام کے مسائل کا احساس کرنا ہو گا، صرف بیانات سے کام نہیں چلے گا، لوڈشیڈنگ سے سحر ی ، نماز فجر ، افطاری اور نماز تراویح کی عبادت میں خلل پڑ رہاہے۔ واپڈا حکام کا دوسرا ظلم یہ ہے کہ گھروں میں بجلی کے وولٹیج انتہائی کم آرہے ہیں جس سے بجلی سے چلنے والی اشیا کے جلنے سے عوام کا بہت بڑے پیمانے پر مالی نقصان ہورہاہے۔ انہوں نے کہاکہ حکومت ملک میں توانائی کی کمی کو دورکرنے کیلئے سنجیدگی دکھائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(محمد عمران سلفی سے) ڈسٹرکٹ آفیسر ایکسائز اینڈ ٹیکسیشن قصور ملک محمداسلم نے کہا ہے کہ ڈیلرز کے ذریعے وہیکل رجسٹریشن کے آغازسے شہریوں کا فائدہ ہوگا ، اس ضمن میں خواہشن مندضلع قصور بھرسے ڈیلرز حضرات محکمہ ایکسائز میں اپنی رجسٹریشن کرواسکتے ہیںجس کے لئے موٹر کار وہیکل ڈیلرز25 لاکھ سکیورٹی جمع کروائیں گے۔،میڈیا سے ملاقات میںملک محمداسلم نے کہا کہ وہیکل رجسٹریشن کے عمل میں نا صرف بہتری آئے گی بلکہ خریدار کو موقع پر وہیکل کے ساتھ اس کی رجسٹریشن کے کاغذات ونمبر پلیٹ فراہم کر دی جائے گی۔انہوں نے بتایا کہ اس نظام کے ذریعے وہیکل چوری ختم ہو گی۔انہوں نے بتایا کہ خواہش مند ڈیلرز حضرات اپنی رجسٹریشن کے لئے 25 لاکھ روپے سکیورٹی کے عوض محکمہ ایکسائز میں رجسٹریشن کروا سکتے ہیں، بہت جلد اسٹیٹ بنک کی اجازت کے بعد آن لائن سسٹم بھی متعارف کروایا جارہا ہے تاکہ صارفین کو زیاد سے زیادہ سہولیات فراہم کی جا سکیں،ملک محمداسلم نے کہا کہ اس وقت قصور سمیت صوبہ بھر کے 36 اضلاع کو کمپیوٹر سسٹم کے ساتھ منسلک کر دیا گیاہے اور اگلے سال سنٹر لائز کر دیا جائے گا۔اس نظام کے تحت صوبہ بھر میں کسی بھی ضلع میں چلنے والی گاڑی کا نمبر ایک ہی ہو گا جس سے چوری کا خاتمہ ہوگا۔
محمد عمران سلفی صدر پریس کلب مصطفی آ باد للیانی(رجسٹرڈ) 0300,7575126/0334/0313
عمران خان کی کردار کشی سے کرپشن کا پیسہ ہضم نہیں کیا جاسکتا حاجی سیف اللہ قصوری
قصور کی خبروں کی تصویری جھلکیاں
