قصور (بیورورپورٹ) رانا سکندر حیات خان نومنتخب چےئرمین ڈسٹرکٹ کونسل قصورنے کہاہے کہ بطور چےئرمین ضلع تمام ممبران کو ساتھ لیکر چلوں گا ،نگری بابا بلھے شاہ ؒ میں ریکارڈ تعمیرو ترقی کے منصوبے شروع کریں گے، میرے خاندان پرتمام منتخب نمائندوں نے بطور چےئرمین ڈسٹرکٹ کونسل چوتھی بار اعتماد کا اظہارکرکے ہمیں جیت دلوائی ،قائد پاکستان مسلم لیگ ن وزیراعظم پاکستان میاں محمدنوازشریف ، وزیراعلی پنجاب میاں شہباز شریف کااحسان مندہوں کہ جنہوں نے راناخاندان اسپیکر پنجاب اسمبلی رانا محمداقبال خان،ایم این اے وصدر مسلم لیگ ن ضلع قصور رانا حیات خان،ایم این اے رانا محمداسحاق خان پراعتماد کیا ،ہم سب دوست احباب کیساتھ ملکر قصور ضلع کو دیگر اضلاع کیلئے مثال بنائیں گے ،پاکستانی میڈیا جمہوری نظام کا سب سے اہم سٹیک ہولڈر ہے،میڈیا مملکت کے چوتھے ستون کی حیثیت سے عقابی آنکھ رکھتاہے جو حکومت پر کڑی نظر رکھتاہے او رمعاشرتی صورتحال کی صحیح پروجیکشن کر کے حکومت کی رہنمائی بھی کرتا ہے، اب ڈسٹرکٹ کونسل اور میڈیا کے درمیان بہترین تعلقات کے قیام اور صحافی برادری کی بھلائی کے حوالے سے اپنا کردار بھر پور انداز سے ادا کریں گے،ان خیالات کا اظہارانہوں نے الیکشن جیتنے کے بعد صدر یونین آف جرنلسٹ عطاء محمدقصوری، صدر الیکٹرونک میڈیا محمداجمل شادسے ملاقات میں کیا،انہوں نے کہا کہ میری جیت یوتھ کی جیت ہے اور مسلم لیگ ن یوتھ کی سب سے پسندیدہ جماعت ہے جہاں نوجوانوں کی آواز موجودہے،پریس کلب کا جلددورہ کروں گا ہماری کوشش ہے کہ صحافی برادری کے مسائل فوری طو رپر حل ہوں اور ان کی پروفیشنل ورکنگ میں کوئی رکاوٹ نہ آنے پائے، رانا سکندر حیات خان نے مزید کہا کہ پاکستان مسلم لیگ(ن) بطور سیاسی جماعت اس بات پر مصمم یقین رکھتی ہے کہ ذرائع ابلاغ جمہوری نظام کا ایک اہم حصہ ہیں، ذرائع ابلاغ کی بدولت عوامی احساس وجذبات سے حکومت کو متواتر آگاہی رہتی ہے اور اس طرح عوامی مسائل کے فوری حل میں مدد ملتی ہے اس موقع پر صدر یونین آف جرنلسٹ عطاء محمدقصوری، صدر الیکٹرونک میڈیا محمداجمل شاد، گروپ لیڈر پریس کلب حاجی محمدشریف مہر نے نومنتخب چےئرمین ڈسٹرکٹ کو نسل قصوررانا سکندرحیات خان کو مبارک باد پیش کی اور کہاکہ میڈیا اور ڈسٹرکٹ گورنمنٹ کے درمیان بہترین ورکنگ ریلشین شپ موجود ہے،اب بھی یہ سلسلہ جاری رکھیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ) رانا خاندان ہمیشہ بلدیاتی سیاست میں نمایاں رہا ، رانا سکندر حیات خان کے چےئرمین ڈسٹرکٹ کونسل منتخب ہونے سے یہ اعزاز آج 4بار ان کے گھر چلا گیا ،موجودہ اسپیکرپنجاب اسمبلی رانا اقبال خان ، ایم این اے رانا حیات خان ، ایم این اے رانا محمداسحاق خان اس سے قبل چےئرمین ڈسٹرکٹ کونسل الیکشن جیت کرعوام کی خدمت کرچکے ہیں ، اب صدر مسلم لیگ ن ضلع قصور رانا حیات خان ایم این اے کے بیٹے رانا سکندر حیات خان نے چوتھی بار چےئرمین ڈسٹرکٹ کونسل کا الیکشن جیت کر یہ خوبصورت اعزازاپنے کاندان کے نام کرلیا ہے ، کیونکہ اتنی بار ضلع قصور کی” پگ” یعنی چےئرمینی کسی اور خاندان کے حصہ میں نہیں آئی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ) پولیس کا مجرمان اشتہاریوں اورجرائم پیشہ افراد کے خلاف سخت ترین کریک ڈاؤن جاری ،4خطرناک اشتہاریوں سمیت17جرائم پیشہ گرفتار ،بھاری مقدار میں منشیات اور ناجائز اسلحہ برآمد۔ تفصیلات کے مطابق قصور پولیس نے ڈی پی اوسید علی ناصررضوی کی خصوصی ہدایات پر ضلع بھر میں امن وامان کے قیام کیلئے مجرمان اشتہاریوں، ڈاکوؤں، کریمنل اور جرائم پیشہ افراد کے خلاف سپیشل مہم کا آغاز کررکھا ہے اس سلسلہ میں گزشتہ روز کریک ڈاؤن کے دوران قتل، ڈکیتی، رابری جیسے سنگین مقدمات میں ملوث اے کیٹگری کے2خطرناک اشتہاری جبکہ بی کیٹگری کے2مجرمان اشتہاریوں کو گرفتار کرلیا ہے ۔اسی طرح منشیات فروشوں کے خلاف کریک ڈاؤن کرتے ہوئے9ملزمان کو گرفتارکر کے قبضہ سے4 کلوگرام چرس ،100گرام ہیروئن اور69شراب کی بوتلیں برآمد کی جبکہ2 ملزمان کے قبضہ سے پسٹل برآمدکیے ۔ اشتہاری مجرمان کو پناہ دینے پر دو ،ساؤنڈ سسٹم کی خلاف ورزی، کرایہ داری ایکٹ اور حساس مقامات پر ناقص سکیورٹی انتظامات کا ایک ایک مقدمہ درج کیا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)اراضی کمپیوٹرسنٹر سے عوام کو ریلیف مل رہاہے لوگوں کی جائیداد محفوظ ہاتھوں میں ہے اب کوئی کرپشن نہیں کرسکے گا۔ قصور اراضی سنٹر پرعوام کو مثالی سہولیات فراہم کی جارہی ہیں۔ ان خیالات کااظہارانچارج اراضی کمپیوٹرسنٹر عمرضیاء اور اسسٹنٹ انچارج محمد شعیب شیر نے صحافیوں کے ایک وفد سے ملاقات میں کیا۔انہوں نے کہاکہ خادم اعلیٰ پنجاب کے نئے وژن کی تکمیل کی جارہی ہے ۔تمام سٹاف ایمانداری اوردیانتداری سے سنٹرپرآنے والے لوگوں کے مسائل حل کرنے میں کوشاں ہیں۔دوردراز سے آنیوالے سائلوں کوفوری ٹوکن کی سہولت فراہم کرکے ان کاکام ترجیحی بنیادوں پرکیاجاتاہے۔ تاکہ لوگوں کوپریشانی کاسامنانہ ہو۔ کمپیوٹرسنٹر میں تمام کام ترجیحی بنیادوں پرکیے جاتے ہیں ۔وزیراعلیٰ پنجاب کی ٹیمیں ہرماہ باقاعدگی کیساتھ سنٹرکے نظام کو چیک کرتی ہیں ۔کمپیوٹرسنٹرکے انچارج لوگوں کے مسائل خود بھی سن کر حل کرواتے ہیں اورکسی قسم کی کوتاہی برداشت نہیں کرتے ،وزیر اعلیٰ پنجاب کی اس سوچ پر جائیداد کے تمام مالکان کوفائدہ حاصل ہوا، اوران کی جائیداد محفوظ ہوچکی ہیں، اب اس میں کمی کوتاہی نہیں ہوسکتی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ) پاکستان فلاح پارٹی کے مرکزی صدر قاضی عتیق الرحمن نے کہاہے کہ سراج الحق جمیعت کے غنڈوں کی سرپرستی بند کریں ،امیرجماعت اسلامی کی آشیرباد پر اسلامیہ یونیورسٹی بہاولپور میں انجمن طلباء اسلام کے نہتے طلباء پر حملہ ، فائرنگ اوریونیورسٹی کے پرامن تعلیمی ماحول کو خراب کرنے کی کوشش کی مذمت کرتے ہیں ، سراج الحق اپنی پالیسیوں پر نظر ثانی کریں چند روز قبل پنجاب یونیورسٹی میں پروفیسر کے گھر پر جماعت اسلامی کی بغل بچہ تنظیم کے شرپسند وں کا دھاوا اس بات کا ثبوت ہے کہ تعلیمی اداروں میں دہشت گردوں کی سرپرستی جماعت اسلامی اوراس کے امیر خود کررہے ہیں،ہنگامی پریس کانفرنس سے خطاب کرتے ہوئے قاضی عتیق الرحمن نے کہا کہ انجمن طلباء اسلام کے طلباء پر تشدد کو کسی طور برداشت نہیں کیاجائے گا تعلیمی اداروں کو جماعت اسلامی نے ہمیشہ اپنی سیاست کیلئے آماجگاہ بنائے رکھا ہے سیاسی میدان میں مکمل طورپر ناکام ہونے کے بعد طلباء کو ڈھال کے طورپر استعمال کرتی رہی ہے وطن عزیز کے باشعور طلباء برادری نے ان کو بری طرح مسترد کردیاہے جس کی وجہ سے پرامن تعلیمی ماحول میں خلل ان کا وطیرہ بن چکاہے انجمن طلباء اسلام تعلیمی امن کے پیامبر کے طورپر ابھر کر سامنے آئی ہے 1990 ء کی دہائی میں قاضی حسین احمد کی سرپرستی میں جوکھیل کھیلا گیا تھا اس کو دوہرانے کی اجازت نہیں دی جا سکتی جماعت اسلامی اوران کی طلباء تنظیم کے ہاتھ سینکڑوں معصوم طلباء کے خون سے رنگے ہوئے ہیں حکومت کی گود میں بیٹھ کر کرپشن کے خلاف نعرے لگانے اورتحریک چلانے کی باتیں کرکے قوم کو دھوکا نہیں دیا جاسکتا بہاولپور انتظامیہ فوری طورپر طلباء پر حملہ کرنے والے دہشت گردوں کو فوری گرفتار کرکے قرارواقعی سزادے کر انصاف کے تقاضے پورے کرے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)بے ہنگم ٹریفک اور تجاوزات نے شہریوں کی زندگی اجیرن بنادی،اندرون شہر ناجائز چنگ چی اڈوں اور موٹر سائیکلوں کی پارکنگ کی وجہ سے بازاروں میں آنیوالے شہریوں کے ساتھ دکاندار بھی سخت اذیت کا شکار ہیں،نیو بس ٹرمینل، اسٹیل باغ چوک،نورمحل،پرانا لاری اڈا ، نیشنل بینک چوک،للیانی اڈا چوک، شہباز خان روڈ،چاندنی چوک لیاقت مارکیٹ روڈ پر گھنٹوں ٹریفک جام رہنے لگی ہے جس کی آڑ میں ناجائز تجاوزات کا جادو بھی سر چڑھ کر بولنے لگتا ہے،موبائل شاپس کے دکانداروں کا کہنا ہے کہ ٹریفک وارڈن یا تو موبائل فونز پر گپیں لگاتے ہیں یا پھر بیچ چوراہے گاڑیاں روک کر چالان کرتے نظر آتے ہیں،سماجی لیڈر غلام رسول بھٹی نے بتایا کہ ڈی ایس پی ٹریفک نے شہر کی اہم سڑکوں کو ٹھیکے پر دے رکھا ہے،پورے شہر میں غلط پارکنگ کرنے والوں کو کوئی پوچھنے والا نہیں ہے اکثر دکاندار اپنی دکانوں کے آگے گاڑیاں کھڑی کرکے اوپر اپرکور ڈال دیتے ہیں جس کی وجہ سے رش کے اوقات میں ٹریفک جام کا مسئلہ درپیش رہتا ہے،اسی طرح شہر میں بغیر پرمٹ سینکڑوں چنگ چی رکشے چلائے جارہے ہیں،نیو بس ٹرمینل،اسٹیل باغ چوک، اور نیشنل بینک چوک میں ناجائز اڈے قائم ہیں ،درجنوں چنگ چی گاڑیاں بازاروں میں کھڑی ہوں تو عام گاڑی یا ٹیکسی کے گزرنے کی جگہ نہیں بچتی،اندرون شہر بازاروں دکانداروں نے اپنی دکانوں ے سامنے سینکڑوں موٹر سائیکل کھڑے کیئے ہوتے ہیں اور ان بازاروں میں بنکوں سے کیش لیجانے والی گاڑیاں بھی گھنٹوں کھڑی رہتی ہیں جس کی واضح مثال چاندنی چوک، لنڈہ بازار،نیا بازار اور موبائل شاپس روڈ نزددربار بابا بلھے شاہ ہیں،قصورکے شہریوں نے کمشنرلاہور اور ڈی سی اوقصور، ڈی پی او قصور سے شہر میں تجاوزات کے ساتھ ساتھ ناجائز اڈے اور پارکنگ سٹینڈ ختم کرنے اور نئے پارکنگ پلازے بنانے کا مطالبہ کیا ہے۔
یونین کونسل 253 سرائچ، سرکاری فنڈز میں خرد برد، کمیشن مافیا کا راج، عوام سراپا احتجاج
اسلامی جمعیت طلبہ آج 70 واں یوم تاسیس منا رہی ہے
