قصور (بیور و رپورٹ) لاہور ہائیکورٹ کی 150سالہ تقریبات کے سلسلہ میں ایک سیمینار گزشتہ روز ڈی پی ایس سکول کے آڈیٹوریم میں منعقد ہوا۔ جس میں لاہور ہائیکورٹ کے جسٹس عاطہر محمود ‘سابق جسٹس سپریم کورٹ سخی حسین بخاری ‘ڈسٹرکٹ اینڈ سیشن جج قصور سید مظفر علی شاہ ‘آر پی او شیخوپورہ رینج صاحبزادہ شہزاد سلطان ‘ڈی سی او قصور عمارہ خان ‘سینئر صحافی و اینکر پرسن حسن نثار ‘صدر ڈسٹرکٹ بار قصور چوہدری منیر احمد ‘قصور عدلیہ کے جج صاحبان ‘ضلعی افسران ‘وکلاء اور صحافیوں نے شرکت کی ۔ سیمینار سے خطاب کرتے ہوئے مقررین نے کہا کہ قانون کی بالا دستی کو یقینی بنانے کیلئے ریاست کے چار ستونوں عدلیہ ‘ انتظامیہ ‘ مقننہ اور میڈیاکو اپنا کردار پوری ایمانداری ‘ذمہ داری اور فرض شناسی سے ادا کرنا چاہیے تا کہ ’’ریاست ہو گی ماں کے جیسی ‘‘ کا خواب پورا ہو سکے ۔انہوں نے کہا کہ کسی بھی قوم کی ترقی اور خوشحالی میں انصاف کی فراہمی کا ہمیشہ سے کالیدی کردار رہا ہے ۔ رول آف لاء کسی بھی سوسائٹی کیلئے روح کی حیثیت رکھتا ہے ۔انصاف اور معاشرہ لازم و ملزوم ہیں اگر کسی معاشرے سے رول آف لاء ختم ہو جائے تو وہ معاشرہ تباہ و برباد ہو جاتا ہے ۔ لوگوں کا یہ خیال کہ انصاف کی فراہمی صرف اور صرف عدلیہ کا کام ہے درست نہیں ۔انہوں نے کہا کہ انصاف کا تعلق چونکہ پورے معاشرے سے ہوتا ہے اس لئے معاشرے کے ہر فرد کا یہ فرض بنتا ہے کہ وہ اپنی اپنی سطح پر انصاف کرے ۔ انہوں نے مزید کہا کہ قانون کی حکمرانی کا ایک بنیادی پہلو یہ ہے کہ قانون سب کیلئے ہو اور قانون پر عملدرآمد کرتے ہوئے کسی بھی قسم کے دباؤ کو خاطر میں نہ لایا جائے مگر بدقسمتی کی بات یہ ہے کہ ہمارے ہاں باالخصوص ترقی پذیر ممالک میں قوانین تو موجود ہیں مگر ان پر انکی اصل روح کے مطابق عملدرآمد نہیں ہوتا جس سے لوگوں کا عدلیہ پر اعتماد کم ہوتا ہے جبکہ یہ ایک حقیقت ہے کہ قانون پر مکمل عملدرآمد کروانے کی ذمہ داری صرف عدلیہ کی نہیں بلکہ ریاست کے باقی تینوں ستون بھی اس میں برابر کے شریک ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)لاہور ہائیکورٹ کی 150سالہ تقریبات کے سلسلہ میں ضلعی عدلیہ اور ڈسٹرکٹ بار کی کرکٹ ٹیموں کے درمیان ایک دوستانہ میچ گزشتہ روز ڈی پی ایس سکول کی گراؤنڈ میں منعقد ہوا۔ جس میں ضلعی عدلیہ کے جج صاحبان اور وکلاء کی بڑی تعداد نے شرکت کی ۔ تفصیلات کے مطابق چیف جسٹس لاہور ہائیکورٹ جسٹس منصور علی شاہ نے لاہور ہائیکورٹ کے 150سال مکمل ہونے پر پنجاب بھر میں تقریبات منعقد کروانے کا اعلان کیا تھا جس کی روشنی میں ضلع قصور میں تین روزہ تقریبات کا آغاز ہو چکا ہے اور دوسرے روز ضلعی عدلیہ اور ڈسٹرکٹ بار کی کرکٹ ٹیموں کے درمیان ایک دوستانہ میچ کھیلا گیا ۔ ضلعی عدلیہ کی ٹیم کی قیادت ایڈیشنل سیشن جج زاہد غزنوی نے کی جبکہ کھلاڑیوں میں ضلعی عدلیہ کے جج صاحبان احمد ضیاء وائس کیپٹن ‘شبیر گل ‘عمر رضوان ‘رانا شکیل ‘زمان رانجھا‘فیضان رسول ‘کامران کرامت ‘شہوار واہگہ ‘فاروق ‘حافظ نصیب اللہ شامل تھے ۔ نمایاں بات یہ تھی کہ لاہور ہائیکورٹ کے جسٹس عاطہر محمود اور ڈسٹرکٹ اینڈ سیشن جج سید مظفر علی شاہ ضلعی عدلیہ کی ٹیم کا حصہ تھے ۔ جبکہ دوسری طرف ڈسٹرکٹ بار کرکٹ ٹیم کی قیادت عدنان اشرف ایڈووکیٹ نے کی اور ڈسٹرکٹ بار کے صدر چوہدری منیر احمد بھی کرکٹ ٹیم کا حصہ تھے ۔ ضلعی عدلیہ کی ٹیم نے پہلے بیٹنگ کرتے ہوئے 3وکٹوں کے نقصان پر 127رنز بنائے ۔ ڈسٹرکٹ بار کی ٹیم نے یہ ٹارگٹ 10ویں اوور میں پورا کر کے یہ میچ جیت لیا ۔ ضلعی عدلیہ کی طرف سے سب سے زیادہ 34رنز سکور کرنے پر جسٹس عاطر محمود بیسٹ بیٹسمین قرار پائے جبکہ بیسٹ باؤلر کا اعزاز سو ل جج حافظ نصیب اللہ کو دیا گیا ۔ بیسٹ فیلڈر کا اعزا ز سول جج احمد ضیاء اور مجموعی طور پر میچ میں بہترین کارکردگی کا مظاہرہ کرنے پر عدنان اشرف ایڈووکیٹ کو مین آف دی میچ قرار دیا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)چیئر مین ضلعی زکوٰۃ کمیٹی قصور چوہدری محمد صادق نے جہیز فنڈ کی مد میں 50مستحقین میں 10لاکھ روپے کے فنڈز جاری کر دیئے ہیں ۔ تفصیل کے مطابق چیئر مین ضلعی زکوٰۃ کمیٹی قصور چوہدری محمد صادق نے بتایا ہے کہ پنجاب حکومت عام آدمی کے معیار زندگی کو بلند کرنے کیلئے اپنے تمام وسائل بروئے کار لا رہی ہے ۔باالخصوص ایسے غریب اور نادار لوگ جو مالی مشکلات کی وجہ سے اپنی بنیادی ضروریات پوری کرنے سے قاصر ہیں انہیں حکومت کی طرف سے خصوصی امداد دی جا رہی ہے ۔انہوں نے بتایا کہ ضلعی زکوٰۃ کمیٹی نے جہیز فنڈ کیلئے موصول درخواستوں کی جانچ پڑتال کر کے 50عدد مستحقین کو جہیز فنڈکی مد میں فی درخواست 20ہزار روپے کے حساب سے 10لاکھ روپے کے فنڈز جاری کر دیئے ہیں ۔ انہوں نے مزید بتایا کہ وظیفہ فنڈ ‘کالج کے طلباء و طالبات اور دینی مدارس سے مالی امداد کیلئے درخواستیں موصول ہو رہی ہیں جن پر بعد از تصدیق ممبران زکوٰۃ کمیٹی فنڈز جاری کر دئیے جائینگے ۔ انہوں نے واضح کیا کہ محکمہ زکوٰۃ سے مالی امداد لینے والے تمام اداروں کا اچانک دورہ کر کے اس بات کی تصدیق کی جارہی ہے کہ زکوٰۃ کی یہ رقم حقیقی حقدداران تک پہنچ رہی ہے ۔ ڈسٹرکٹ آفیسر زکوٰۃ اشفاق احمد خاں نے بتایا کہ ضلع قصور میں مقامی زکوٰۃ کمیٹیوں کی تشکیل نو کا کام تیزی سے جاری ہے اور اب تک 680سے زائد مقامی زکوٰۃ کمیٹیاں تشکیل دی جا چکی ہیں اور باقی زکوٰۃ کمیٹیوں کی تشکیل نو کا کام جاری ہے ۔زکوٰۃ کمیٹیوں کی تشکیل نو میں اچھی شہرت کے حامل لوگوں کو شامل کیا گیا ہے تا کہ وہ اپنے فرائض ایمانداری سے سرانجام دے سکیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)پاکستان تحریک انصاف کے امیدوار ایم این اے میاں فاروق احمدانصاری نے کہاہے کہ مہنگائی نے غریب عوام کی مشکلات میں شدیداضافہ کردیا ہے جس کی وجہ سے عوام کی قوت خرید بری طرح متاثر ہوئی ہے۔بے روزگاری کے باعث مزدوروں کے گھروں میں نوبت فاقوں اور خود کشی تک پہنچ چکی ہے۔لوگوں کو کسی قسم کاکوئی ریلیف میسر نہیں۔لاکھوں روپے تنخواہیں لینے والے وزراء 12ہزار روپے میں غریب عوام کے گھر کاماہانہ بجٹ بناکر دکھائیں۔موجودہ حکمران عوام دشمن پالیسیوں کی بدولت صرف ساڈھے تین برس میں اپنی مقبولیت کھوچکے ہیں۔اقتصادی راہداری منصوبے سے جہاں بھارت کو تکلیف ہورہی ہے وہاں امریکہ ،اسرائیل اور مغربی ممالک اس عظیم منصوبے کے آگے رکاوٹیں ڈال رہے ہیں۔ضرورت اس امر کی ہے کہ حکومت پاکستان ہمسایہ ممالک افغانستان اور ایران سے تجارتی اوردوستانہ تعلقات کے فروغ کے لیے خطے کے دیگر ممالک کے تجربات سے بھرپورانداز میں استفادہ کرے۔ان خیالات کا اظہار انہوں نے گزشتہ روزمختلف عوامی وفودسے گفتگوکرتے ہوئے کیا۔انہوں نے کہاکہ حکومت پاکستا ن نریندرمودی کی جانب سے آبی جارحیت کے ذریعے پاکستا ن کو اجاڑ دینے کی دھمکیوں کا سخت نوٹس لے۔ہندوستان اپنی تمام حدود پار کرچکا ہے۔اب بھارت کو اس کی زبان میں جواب دینا ہو گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)قصور میں ٹریفک کے دو مختلف حادثات میں دو افرا د جاں بحق ہو گئے ۔بستی قادر آبادکے قریب رحمت علی انصاری لاہور روڈ کراس کر رہا تھا کہ کہ نا معلوم موٹرسائیکل سوار سے ٹکرا کر شدید زخمی ہو گے اور دم توڑ گیا ، پولیس تھانہ اے ڈویژزن نے نامعلوم موٹرسائیکل سوار کے خلاف مقدمہ دج کر لیا ہے جبکہ پرانا لاری اڈہ کھڈ یاں خاص کے قریب نا معلوم ڈالہ وسوقار نے مین دیپالپور روڈ کو عبور کر نے والے شکیل ٹاون کے رہائشی حاجی محمد اکبر کو کچل کر ہلاک کر دیا ۔ پولیس تھا نہ کھڈیا ں خاص نے نا معلوم ڈالہ ڈرائیور کے خلاف مقدمہ درج کر لیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)پاکستان فلاح پارٹی کے مرکزی رہنماء انچارج میڈیا سیل محمدتنویرشاہد نے کہا ہے کہ امام احمد رضا خان ؒ نے مسلمانوں کے دلوں میں عشق مصطفےﷺ کی شمع فروازں کرنے کے حوالے سے عظیم کردار ادا کیا۔اعلیٰ حضرتؒ کو خراج تحسین پیش کرنے کا بہترین طریقہ یہ ہے کہ مسلمان تحفظ ناموس رسالتﷺ کے لیے ہمہ وقت تیار رہیں اور مصلحتوں کا شکا ر نہ ہوں۔پاکستان فلاح پارٹی کے زیر اہتمام یومِ رضاؒ کے حوالے سے منعقدہ تقریب سے خطاب کرتے ہوے کیا،مظفروارثی کونسلرصدر پاکستان فلاح پارٹی قصورتحصیل نے اپنے خطاب میں کہا کہ نبی پاکﷺ سے محبت کا تقاضا ہے کہ ہم اپنی انفرادی اور اجتماعی عقید توں کا مرکز و محور نبی پاک ﷺ کی ذات مبارک کو بنائیں۔پاکستان فلاح پارٹی کے نائب صدر مہرعمران آفتاب کا کہنا تھا کہ اعلیٰ حضرتؒ نے عشق رسولﷺ کے فروغ کو اپنی زندگی کا مشن بناے رکھا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)نواحی گاوں پنڈی جٹاں میں رشتہ کے تنازعہ پر ملزمان نے فائرنگ کر کے نوجوان کو قتل کر دیا ۔محمد سروراپنے بیٹے کاشف کے ہمراہ اپنے سالے محمد حنیف کے گھر آیا ہوا تھا کہ وہاں رشتہ کے تنازعہ پر جھگڑا ہو گیا جس پر محمد حنیف کے رشتہ دار سجادنے فائرنگ کر کے محمدسرور کے بیٹے کاشف کا قتل کر دیا اور موقع سے فرار ہو گیا۔ پولیس تھانہ الہ آباد نے قتل کا مقدمہ درج کر کے ملزم کی تاش شروع کر دی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)یونین پیپرز ملز ملتان روڈ میں سیکیورٹی گارڈ کے ہاتھوں اچانک گولی چلنے سے اسکا ساتھی سیکیورٹی گارڈ ہلاک ہو گیا ۔محسن علی یونین پیپرز ملز میں بطور سیکیورٹی گارڈ کام کرتا تھا کہ گزشتہ روز وہ اپنی گن صاف کر رہا تھا کہ اچانک اس سے فائر ہو گیا جس سے اسکا ساتھی سیکیورٹی گارڈ محمد عامر ہلاک ہو گیا ۔ پولیس تھانہ صدر پھولنگر مصروف کاروائی ہے۔
آئے روز کنٹرول لائن پر بھارتی جارحیت کھلی بدمعاشی ہے، چوہدری غضنفر جمشید
جنرل زبیر محمود حیات اور جنرل قمر جاوید باجوہ کی تقرری قومی امنگوں کی ترجمان ہے۔ ایگزیکٹیو کونسل ایڈو
